الموضوع: زوجتي طالبة الطلاق ومستهترة بمستقبل ابنتي

المشاركة الأصلية كتبت بواسطة melouk1

يا فندم حضرتك بتقول ارياف
واحنا معظمنا اصولنا من الارياف و مشفتش واحدة من الارياف و من بني سويف تمشي كلامها على كل رجالة عليتها
الا اذا كانت القعدة العربي كلها ستات و ده هزار طبعاً .. مفيش يا فندم الكلام ده
انا بعتذر مش بشكك في كلام حضرتك الا اذا كان اهلها متفقين معاها عليك بس ده اللي واضح .. لكن مش ممكن يبقوا معارضينها و سايبينها
ده العائلات الفافي في مصر بتستر بناتها و مفيش ام ابدا عاوزة بنتها بطفل يقعد جنبها
اعذرني الموضوع مش مظبوط
ولو كان ان اهلها كلهم ضدك يبقى خد طريق قانوني بحت ...
تحياتي ..

للاسف ابوها وامها متوفين واللي بتتكلم معاهم قرايبها اه بس مش فارق معاهم مصلحتها تتطلق عادي ترجع عادي براحتها انت بتتكلم مع خالها او عمها لان كمان ملهاش اخ او اخت فالموضوع مش سهل انك توصل لحل ودي معاهم وتلاقي حد يلتزم بالاتفاق دا

المشاركة الأصلية كتبت بواسطة melouk1

ممكن تشرحلنا الأسباب الواهية يمكن ليها حل و نساعد إن كل حاجة تنتهي و تحمي بيتك متهدوش

للاسف كل الاسباب اللي كانت بتقولها كانت مختلقة وكانت مشاكل او مشاحنات عادية بين اي زوجين طول فترة الزواج ومكانش حد مقتنع ان الاسباب دي هي اللي تخلي واحدة في ظروفها تطلب الطلاق
لكن بعد كدا اتضح بما لا يضع مجال للشك انها شايفة لها شوفة تانية وحسبي الله ونعم الوكيل بالرغم من عدم تقصيري نهائيا معها في اي واجب من واجباتها بشهادة قرايبها قبل قرايبي
اصبح الموضوع بالنسبة لي كدا منتهي ولا رجعه عن الطلاق ولكن ما يهمني الان في الموضوع هو الولد ومستقبله وحياته
عارف انها لو اتجوزت هيبقي من حقي لكن ممكن الموضوع دا ممكن يقعدفترة او كدا
ومن ساعة ما سابت البيت وانا لا بكلم الولد ولا عارف اشوفه
فهل دا عدل وهل دا هيخليني اعمل بالاية الكريمة تسريح باحسان
معتقدش

طالما شايفة شوفة تانية ......اخطف ابنك وخلية عندك ووريها العين الحمرة

انت ابنك ما يترباش بعيد عنك بأى شكل .....شغل جنان........ شغل عافية .....خدة وغير سكنك ودخلة مدرسة تانية وشوف هى هتعمل اية ورد علية رد اقوى ....ومطلقش الا لما تتنازل عن حضانة الولد

لو زي ما السبب تقول .....فلا حل غير القوه ( لا يفل الحديد إلا الحديد ) والست مبتجيش غير بالعين الحمارة...تاخد كدا اتنين تلاته من اهلك ولا صحابك وتروح تجيب ابنك تخطفو بقي من الشارع تتصرف ..وتاخدة وتروح تعمل طلب في بيت الطاعة ..واعمل بلاغ في خالها انو هو اللي عامل مشاكل ...هيجروا وراك عشان المشكلة تتحل ...ولما يجولك ..تتنازل عن كل حاجة وعن حضانة الطفل وتتطلق

السلام عليكم
يا صاحب المشكلة، يجب ان تفرق بين حقك الذي تراه حق و بين الامر الواقع او بمعنى ادق (القانون)
من خلال ما ذكرت - و الله اعلم - فانت مظلوم
لكنك يجب ان تخرج باقل خسائر
يجب ان تنقذ ابنك
و سبيلك لذلك هو التطليق باحسان طاما استحالت العشرة و كن سخي معها حتى و ان كان ذلك مؤلم لك
لانها لو لجأت لمحامي من اياهم فانك ستدفع الكثير لها و لمحاميك و لن ترى ابنك
و اعلم ان الانفاق على ابنك واجب عليك حتى و لو كان معها
و لتعلم انك كل ما زاد احسانك و قابلت السيئة بالحسنة عادت اليك...فقد علمت بمن يذهب لرؤية ابنة بحكم محكمة فيقوم الابن بسب الاب و يرفض الجلوس معه لان امه بتشحنه و تحكي له اوهام عنه
باختصار ان غلبك الهوى و الرغبة في الانتقام او قال لك محام سافعل و افعل فالتعلم انك ستدخل في متاهه لن تنتهي
فالتستمر اذن في التفاوض و اعطي لها كل ما تريد انقاذا لابنك و ضع في اعتبارك ان (في الغالب) القانون لا يحميك...حتى انها ربما تتزوج دون عقد رسمي حتى لا تسلبها حضانتها و تدخل في متاهة اثبات انها تزوجت...الخ