بص انا حقولك فكر شيطانى شوية ....... و ربنا يسامحنا بقى :)

مبدأيا ....... تأكد ان هما كمان فى مشكلة و اختبار ...... هما مش عايزينك تمشى ... على الأقل حاليا .... و ده لو تطفيش كان مس حقوقك المادية بأى شكل من الأشكال عشان تطفش و تمشى

هم بيجربوا ...... مفروض عليهم يجيبوا حد و فى نفس الوقت مش حابين اسلوبك اوى ...... عشان كده تم اختيارك انت لانهم ينفذوا السعودة عليك انت

فى دماغهم حاجة من اتنين ....... يا ما المدير الجديد اللى ييجى ده يطلع شاطر و كويس و يعرف يتحمل مسئولياتك و شغلك و كده مع اول مطب للاسف حيتخلوا عنك مستقبلا

ياما يطلع متواضع و لا قده و يبقى مجرد واجهة سعودية بتحقق اشتراطات الدولة و خلاص و فى الحقيقة انت اللى شايل الشغل و فى نفس الوقت مريحين دماغهم من دوشتك و صداعك (من وجههة نظرهم طبعا)

الفكر الشيطانى هنا انك توافق ....... بس بتحاول تتفق معاهم ايه هى الصلاحيات اللى المدير الجديد حياخدها بالظبط ...... و ماتمسكش فى حاجة معينة و سيبهم يدوله اللى هما عايزينة

و لما ييجى ....... ماتورهوش حاجة و ماتساعدوش و سيبه يحتاس و يشيل حمولته و ليلته كلها ....... بصنعة لطافة طبعا عشان ماحدش يقول انك بتحاربه ...... ببساطة ان فقط بتشوف شغلك حسب الوضع الجديد و هو يشوف شغله ..... مالكش دعوة ...... الا لو جالك طلب منك المساعدة بشكل مباشر و صريح

لو طلع شاطر و صايع (و ده مستبعد) ....... حيتعب معاك شوية فى الأول بس حيسلك بعد كده ...... و انت كده كده حتمشى

لو طلع على قده ....... حتركب انت و تدلدل رجليك و حتفشل تجربتهم و حيبقوا محتاجنلك و حتحتفظ بمكانك و هو شوية و حيزهق و يمشى لوحده


بص للأمانة ........... ده فكر شيطانى انا مش بحبه و لا الحمد لله اضطرتنى الظروف انى انفذه لغاية دلوقتى ...... انا بس بعرض عليك كل الأفكار و انت تقرر حسب ظروفك و مدى تمسكك بشغلك

و انا شخصيا لو مكانك ..... الموضوع بسيط ....... حصلى استخارة و اقبل الوضع الجديد و حعرف ان ايامى فى الشركة ديه بقت معدودة و حدور بجدية شديدة على شغل تانى و حمشى

من نعم ربنا عز و جل علينا انه جعل الأرزاق بايده وحده مش بايد بشر ........ ربنا معاك