الموضوع: يا رب اخترلي الاصلح ولا تخيرني - أرجو ابدأ نصيحة لوجة الله

الافضل تقبل وتكمل وتبحث عن وظيفه اخري بدلا من ترك عملك والبدء في البحث عن وظيفه.

أشكرك علي مشاركتك ولكن عندي احساس ولو ١٠٪ ان الموضوع جس نبض و بناءا علي رد فعلي سيتم اتخاذ القرار النهائي، يا رب اخترلي ولا تخيرني.

انت احسن واحد يتخذ قرار زي ده فكر مع نفسك كويس انت الادرى بظروفك
ربنا يوفقك ان شاء الله

بصراحة كل الردود تحترم من القرار ليك و اكل العيش مر و اصبر حتي انتهاء العقد. بارك الله فيكم....
عاوز حد كدة يحلل معايا الموضوع و تبعاته و سؤال لأخوتي في مصر ، اخبار سوق العمل في مصر ايه؟ يعني مع صعوبة الوضع الاقتصادي الحالي في مصر ، في شغل و لا ؟

أنا مش هقولك على اختيار معين لكن هقولك ازاى انت تحدد الاختيار اللى يناسبك

اختار الاختيار اللى يريحك و تقدر تتحمل تبعاته بدرجة محتملة ليك و انتى ادرى بظروفك و درجة احتمالك انت و اسرتك

بمعنى

لو هتستقيل. . . هل انت ماديا هتقدر تأمن استمرار اسلوب حياتك السابق بأقل قدر من التأثر

لو هتستمر. . . هل هتقدر تتحمل التمن المعنوى بتاع احساسك بال demotion اللى حصل لك و لو ايوة فلغاية امتى و لا هتقعد تهرى و تنكت فى نفسك لغاية لما ممكن توصل لحالة الانفجار او ال burn-out اللى يصبح معه مجرد اداء عملك صعبا

لو هترجع مصر . . . هل عارف هتعمل ايه يعنى عندك خطة و لا سايبها للظروف. . . و لو سايبها للظروف . . . هل عامل حسابك على ال worst-case scenario و لا لأ. . . و لو عامل حسابك. . . فلغاية امتى تقدر تستحمله

اعتقد بالطريقة دى فى التفكير انت هتقدر تاخد قرارك بحسب ظروفك و انت ادرى بها من اى احد

الفلوس مهمة و اكل العيش مر صحيح . . . بس احيانا فى مواقف معينة . . . الفلوس بترجع لقيمتها الحقيقية. . . مجرد ورق ملون اذا كان تمن الحصول عليها اعلى مما يتحمله الانسان. . . المواقف دى نادرة و غالبا مصيرية. . . بس نرجع للقاعدة. . . خد القرار اللى تقدر تتحمل تبعاته بأقل تأثير على اسلوب حياتك انت و من حولك

المشاركة الأصلية كتبت بواسطة Imhotep

أنا مش هقولك على اختيار معين لكن هقولك ازاى انت تحدد الاختيار اللى يناسبك
اختار الاختيار اللى يريحك و تقدر تتحمل تبعاته بدرجة محتملة ليك و انتى ادرى بظروفك و درجة احتمالك انت و اسرتك

بمعنى

لو هتستقيل. . . هل انت ماديا هتقدر تأمن استمرار اسلوب حياتك السابق بأقل قدر من التأثر
لو هتستمر. . . هل هتقدر تتحمل التمن المعنوى بتاع احساسك بال demotion اللى حصل لك و لو ايوة فلغاية امتى و لا هتقعد تهرى و تنكت فى نفسك
لو هترجع مصر . . . هل عارف هتعمل ايه يعنى عندك خطة و لا سايبها للظروف. . . و لو سايبها للظروف . . . هل عامل حسابك على ال worst-case scenario و لا لأ. . . و لو عامل حسابك. . . فلغاية امتى تقدر تستحمله

اعتقد بالطريقة دى فى التفكير انت هتقدر تاخد قرارك بحسب ظروفك و انت ادرى بها من اى احد

الفلوس مهمة و اكل العيش مر صحيح . . . بس احيانا فى مواقف معينة . . . الفلوس بترجع لقيمتها الحقيقية. . . مجرد ورق ملون اذا كان تمن الحصول عليها اعلى مما يتحمله الانسان. . . المواقف دى نادرة و غالبا مصيرية. . . بس نرجع للقاعدة. . . خد القرار اللى تقدر تتحمل تبعاته بأقل تأثير على اسلوب حياتك انت و من حولك

للاسف الموضوع كان مفاجاة بالنسبة لي ولم أخطط لأي شئ لان الوضع كان مستقر جدا ولذلك عندي التزامات لا حسرة لها في مصر بجانب مستوي معيشه لا يمكن ان يقارن باي مستوي في مصر و الحمدلله بس ذي متفضلت إحساسي ب demotion لا اعتقد أني هقدر عليه و خصوصا أني في وسط غابه بمعني الكلمة و الحامي هو الله و لذللك متحير جدا ، مردتش علي سؤالي بخصوص الشغل ، لسه في شغل في مصر ولا؟
وأخيرا أنا حساس انك مشاء الله كلامك و اُسلوب تحليلك قريب جدا من تفكيري ولكن القرار صعب و اصعب ما يكون و دمت بكل خير.