اقتباس المشاركة الأصلية كتبت بواسطة egyption2012 مشاهدة المشاركة
لو عندك معلومات اكثر ياريت توضحها
خصوصا اني كنت عملت حسبة قبل كده ووجدت ان تكلفة تغذية شقة بحوالي 400 كيلو شهريا قد يتعدى 40 ألف جنيه

لكن فكرة اني اعتمد علي الطاقة الشمسية نهارا وعلى شركة الكهرباء ليلا
تعتبر فكرة جيدة جدا على اساس اننا مش حنحتاج بطاريات اصلا
طب هل البطاريات ضرورية اساسا ام لا
وهل توجد الية للانتقال لشركة الكهرباء في حالة حصل توقف لمنظومة الطاقة الشمسية بشكل فوري بدون فصل الكهرباء
وهل يوجد استقرار في قوة الكهرباء ولا حتكون غير مستقرة عشان مفيش اعتماد على بطاريات
هى الدراسه من سنتين فممكن يفوت منى حاجه او الاسعار تتغير
اولا سر انى اجمع الكيلو ب1500 وكمان ممكن ب1200(لو اشتريتها كامله بيكون سعرها غالى جدا وكمان شحنها)
انى بشترى القطع من النت على حدى وحدات يعنى وابدء اعملها برواز زجاجى باطار الومنيوم وبعد كده افرزها 3 درجات باختبارها فى الشمس فى الدرجه الاولى لاعلى امبير والتانيه المتوسط والتالته اقل امبير وابدء اجمع الالواح باللصق واللحام يعنى برواز متر فى مترين لو درجه اولى ممكن يصفى 250 واط (انا مش فاكر الارقام الحقيقيه)
تانى مرحله بعد الالواح بالتوازى هى مرحله الشحن للبطاريات ولها جهاز بينظم العمليه المرحله الاخيره مرحله الانفرتر عشان تشغل ال220 فولت
بنك البطاريات (ده التعقيد كله)
بنك البطاريات لو انت عايز تخرج من شبكه الكهرباء نهائى لازم يغطيك 48 ساعه لو الشمس مطلعتش وده ممكن يتكلف20 الف ويارتهم على طول لا فى افضل الظروف لو البطاريات تاريخ انتاجها جديد وصناعه ممتازه العمر الافتراضى7 سنوات لاكن عمليا 5 سنوات وتضعف وتعد فلوس لبنك البطاريات من جديد
فكان عيب المشروع يا يتكلف كتير بالبطاريات ومش عملى عمر 5 سنوات للبطاريات ياتشتغل اون لاين(وقت الشمس) وتنقل شبكه بالليل اما الخلايا فعمرها مش اقل من 20 سنه وسعرها معقول
مع دخول شركه الكهرباء الوضع حيتغير تماما
اولا مش حتحتاج بنك بطاريات وحتشتغل اون لاين بس وتبيع للشبكه
اعتقد من 8 صباحا ل1 ظهرا المنزل مش حيستهلك حاجه وحيكون كله بيع تيار
من1 ظهرا حتى المغرب حتغطى نفسها
طول الليل من الشبكه
طيب لو قدرنا نعمل وحده انتاج 10 كيلو مبدئيا تصرف
10*1500=15الف
انفيرتر محترم =5 الاف
يعنى ممكن 20 الف وبقرف التوصيلات والعداد والبيروقراطيه الحكوميه 25
والشبكه حتشترى مننا الكيلو ب85 قرش تقريبا
واحنا حنطلع 5 ساعات فى اليوم(ادنى انتاج)=50 كيلو =42.5 فى اليوم 1275 جنيه فى الشهر
لاحظ ان فاتوره الكهرباء صفر واننا ساعدنا البلد فى مشكله الكهرباء لو الموضوع انتشر