الموضوع: مليارات الخليج راحت فين

المشاركة الأصلية كتبت بواسطة ahmed1981

ـ
الرد الرسمي بجد ومش هزار :ـ
.
ميصحش كده
.... ميصحش كده
.
:) :) :) :) :) :)
ـ

الكلمة دي المفروض تتبروز ووتحط في كل شارع في مصر

المشاركة الأصلية كتبت بواسطة خالد الشاذلى

اللى اعرفه ان الدوله فيها رئيس وحكومه ووزارات والمفروض دول كلهم يخططوا ازاى يوقفوا الاقتصاد على رجليه يخططوا وينفدوا على ارض الواقع مش بعد سنتين من حكم السيسى وبعد المليارات اللى اخدها من الخليج لسه رايح ياخد قروض من البنك الدولى فين التخطيط فين الرؤيه الاقتصاديه للدوله الدول بره بيخططوا ل200 سنه لقدام ودول مش عاوزيين يخططوا لسنه واحده لقدام أيوه مش عاوزيين المشكله عندنا هنا فى مصر مش نقص فلوس او امكانيات لا المشكله ان المسئوليين مش عندهم النيه للاصلاح من اساسه

هو بعد كل الشرح اللى راجل كاتبة ده ............ برضه مش عاجب

و هو اللى بيخطط ...... التخطيط ده بيتنفذ فى يوم و ليله !!!!!!

و بعدين الموازنة العامة متاحة ............ ممكن تطلع عليها حتوريك اللى داخل كان قد ايه و اتصرف منه قد ايه .......... ده لو عايز تعرف الحقيقة المجردة عن الهوى

بصراحة فيه مواضيع بتبقى مفتوحة بس لغرض اخر مش لغرض العلم او الفهم او نشر المعرفة و الحقيقة .......... عشان كده تجنبها يبقى افضل

و انا بقترح على صاحب الموضوع يبقى يزود مشاركاته فى مجال السيارات عشان من يوم ما سجل مالوش و لا مشاركة فيه ............. اجتماعى و بس :)

المشاركة الأصلية كتبت بواسطة h_shahin

طبعا من حق أى واحد إنه يسأل هى فلوس المعونات الخليجية دى كلها راحت فين بس اللى مش مظبوط إننا نطلق أحكام عامة زى إن الفلوس اتسرقت و إن كل المسؤلين فاسدين بدون أى دليل و بدون دراسة أو فهم كافى للوضع الإقتصادى
الحقيقة إن الإجابة على التساءل عن فلوس الخليج مش سهلة و بسيطة أبدا و لازمها فهم للوضع النقدى و الإقتصادى للبلد بنظرة كليه الأول و انا هحاول ابسط الموضوع على قد ما أقدر و اعتذر لو أى فى أى خطأ لإنى بكتب الرد من دماغى و مرجعتش لأى مراجع فممكن الأرقام أو النسب تكون تقريبية مش دقيقة.
اولا الموازنة العامة للدولة
تتكون موازنة الدولة من قسمين
إيرادات إللى هى الضرائب و الرسوم و عوائد الإستثمار و غيرها
و المصروفات اللى هى مشروعات الدولة كل عام لتحسين حياة المواطنين و غيرها من المصاريف السيادية زى مصاريف الأمن و القضاء و غيرها
و ممكن تقسيم المصروفات بشكل تانى زى المرتبات و الدعم و أقساط الديون و فوائدها و المشروعات الخدمية و الإستثمارية
المشكلة إن ميزانية مصر مختلة فى الشقين دول يعنى الإيرادات مختلة لإنها غير عادلة (الفقراء يدفعون نسب أكبر من الأغنياء كرسوم و ضرائب) و لا تشمل المجتمع الإقتصادى كله (الإقتصاد غير الرسمى و تحت السلم)
و كمان بند المصروفات مختل لإن المرتبات و الديون و الدعم للطاقة بتمثل الثلاثة مجتمعة ثلاث أرباع المصروفات الحكومية و يتبقى الربع فقط لمشاريع البنية التحتية و تحسين حياة المواطنين و المشاريع الإستثمارية اللى ممكن تزود الإنتاج و بالتالى الإيرادات.
نتيجة الخلل ده حدوث فجوة ضخمة ما بين الإيرادات المحققة و المصروفات المطلوبة فدايما المصروفات بتبقى أكتر من الايرادات و الفرق ده هو عجز الموازنة.
كل اللى فات ده بقى إحنا وارثيته من نظام مبارك فيما عدا زيادة المرتبات اللى حصلت بعد الثورة
الحكومة علشان تمول عجز الموازنة بتستلف من البنوك كل يومين تلاتة 6 أو 7 مليار جنيه بفايدة كبيرة طبعا القرض بيبقى بالجنيه المصرى ، لكن جزء كبير من المصروفات مطلوب سدادها بالدولار أو بالعملة الأجنبية زى أسعار المحروقات اللى هى المازوت و السولار و البنزين و الغاز و السلع التموينية و المكونات الأجنبية لإحلال و تجديد و صيانة البنية التحتية.
ثانيا ميزان المدفوعات
ميزان المدفوعات هو الفرق بين إيراداتى و مصروفاتى نتيجة تعاملاتى مع العالم الخارجى
طبعا فيه عجز شديد فى الإيرادات الحكومية من الدولار و دى نتيجة مباشرة للثورة و الإرهاب فلو عرفنا إن الصادرات المصرية كلها حوالى 25 مليار دولار فى حين إن الواردات أكتر من 60 مليار يعنى فيه عجز تجارى حوالى 35 مليار دولار ده غير الإلتزامات الأخرى زى أقساط الديون و غيرها و خصوصا إننا فى مصر بنستورد كل حاجة مهمة أو تافهة من أول أكل الكلاب مرورا بمنتجات خان الخليلى و الكافيار لغاية السلع الأساسية زي الزيت و السكر و القمح و أخيرا البنزين و السولار و البوتوجاز.
طيب أيام مبارك كان الفرق بين الصادرات و الواردات ده بيتغطى إزاى ؟
كان تحويلات العاملين فى الخارج بتغطى الجزء الأكبر و هو كان حوالى 16 مليار دولار و بعدين عائد السياحة حوالى 10 مليار دولار و إيرادات قناة السويس حوالى 4 مليار دولار و و تحويلات مستثمرين أجانب للإستثمار فى مصر بتكمل باقى العجز و يفيض كمان.
اللى حصل بعد الثورة و بعد الحوادث الإرهابية إن إيرادات السياحة إنخفضت للنصف أو أكتر قليلا و الإستثمارات الخارجية تلاشت تماما اللى زاد بس شوية تحويلات المصرين فى الخارج ، مقابل إرتفاع رهيب فى قيمة الواردات من الخارج مما خلق ضغط رهيب جدا على العملة الأجنبية أدى لإرتفاع سعر الدولار المتتالى اللى حصل بعد الثورة.
السعودية و الإمارات و الكويت قدموا مساعدات كبيرة و خصوصا سنة 2013 إحتفالا بزوال حكم الإخوان بس المساعدات دى كانت فى شكل منح بترولية للحفاظ على مستوى دعم الطاقة فى مصر و دى ما كانتش قلوس نقدا علشان تتسرق دى كانت شحنات بترول و غاز و اتباعت بأقل من سعرها بسبب الدعم، و ودائع فى البنك المركزى و دى كان هدفها دعم سعر العملة المحلية و منع إنهيارها أمام الدولار و الودائع دى لسة موجودة فى البنك المركزى و ممكن الدول دى تستردها فى أى وقت و دعم نقدى لدعم الموازنة العامة للدولة و دى اتصرفت على شراء القمح و السلع التموينية و محطات الكهرباء الصغيرة اللى الجيش عملها و أخيرا جزء مهم تم توجيهه لتحديث و دعم القوات المسلحة متمثله فى صفقات السلاح الكتير اللى تمت فى الفترة الأخيرة.

اشكر حضرتك على الشرح المبسط و الوافى فى نفس الوقت ....

و زى ما حضرتك ذكرت .... من حق اى حد انه يسأل على الامور العامة و سياسات الدولة ... و الدولة تقوم بالرد بالشرح المبسط الوافى .... انا مش بقصد ان الدولة ترد على كل واحد بيسأل ... ان شاء الله حيكون فيه مجلس شعب ... هو الى حيقوم بالدور ده ... و ان شاء الله الحكومة تقوك بالرد

هو ليه الناس دائما بتتكلم عن الموازنة و مش بتتكلم عن الميزانية ؟؟!!!!
على حسب علمى .. الموازنة هى المخصصات المالية لمشروع ما ... او احد اوجه الصرف .. الى اتحطلها خطة .... و بعد ما السنة المالية بتخلص ... انت بتجيب فواتير او اثباتات تثبت انت دفعت فلوس الى اخدتها فى ايه .... تيجى ناس تجمع الفواتير دى و تراجعها فنيا و اداريا ... و تقارنها بالفلوس الى انت اخدتها ....و دى هى الميزانية ... الدستور ذكر موضوع الميزانية ده كتير ... و لم يذكر الميزانية بنفس القدر !!!!

و انا مقتنع تمام بموضوع عجز الموازنة و العجز فى ميزان المدفوعات و الكلام الكبير ده .... بس مين عمل حاجة علشان يغير الكلام ده ؟؟؟!!!

ساعات كدة فيه قوانين بتطلع .... الواحد مش بيكون فاهمها !!! بس بنحاول نكون متفائلين و نديها فرصة للتطبيق .... و نقول ان شاء الله تجيب نتيجة ... انما الى بيحصل ان القرارات بتكون لسد فجوة معينة ... و بتصنع فجوة اخرى

موضوع الاستيراد ..... بالفعل احنا اتجهنا لاستيراد كل حاجة تقريبا .... ممكن انا اسأل ليه ؟؟!! طالما ان مفيش حد بيسأل ليه اتجهنا لاستيراد كل حاجة ؟؟؟
ليه منحاولش نصنعها فى مصر بدل ما بنستوردها ؟؟!!!
زى ما احنا بنستورد فوانيس رمضان و اكل القطط و الكلاب و سمك الزينة ..... كمان بنستورد قطع الغيار و المواد الخام و العدد و الالات ... اتمنى اننا منفكرش اننا نمنع ... اد ما نفكر اننا نغير طريقة التفكير

متابع معاك

المشاركة الأصلية كتبت بواسطة ahmed_eng2001

اشكر حضرتك على الشرح المبسط و الوافى فى نفس الوقت ....

و زى ما حضرتك ذكرت .... من حق اى حد انه يسأل على الامور العامة و سياسات الدولة ... و الدولة تقوم بالرد بالشرح المبسط الوافى .... انا مش بقصد ان الدولة ترد على كل واحد بيسأل ... ان شاء الله حيكون فيه مجلس شعب ... هو الى حيقوم بالدور ده ... و ان شاء الله الحكومة تقوك بالرد

هو ليه الناس دائما بتتكلم عن الموازنة و مش بتتكلم عن الميزانية ؟؟!!!!
على حسب علمى .. الموازنة هى المخصصات المالية لمشروع ما ... او احد اوجه الصرف .. الى اتحطلها خطة .... و بعد ما السنة المالية بتخلص ... انت بتجيب فواتير او اثباتات تثبت انت دفعت فلوس الى اخدتها فى ايه .... تيجى ناس تجمع الفواتير دى و تراجعها فنيا و اداريا ... و تقارنها بالفلوس الى انت اخدتها ....و دى هى الميزانية ... الدستور ذكر موضوع الميزانية ده كتير ... و لم يذكر الميزانية بنفس القدر !!!!

و انا مقتنع تمام بموضوع عجز الموازنة و العجز فى ميزان المدفوعات و الكلام الكبير ده .... بس مين عمل حاجة علشان يغير الكلام ده ؟؟؟!!!

ساعات كدة فيه قوانين بتطلع .... الواحد مش بيكون فاهمها !!! بس بنحاول نكون متفائلين و نديها فرصة للتطبيق .... و نقول ان شاء الله تجيب نتيجة ... انما الى بيحصل ان القرارات بتكون لسد فجوة معينة ... و بتصنع فجوة اخرى

موضوع الاستيراد ..... بالفعل احنا اتجهنا لاستيراد كل حاجة تقريبا .... ممكن انا اسأل ليه ؟؟!! طالما ان مفيش حد بيسأل ليه اتجهنا لاستيراد كل حاجة ؟؟؟
ليه منحاولش نصنعها فى مصر بدل ما بنستوردها ؟؟!!!
زى ما احنا بنستورد فوانيس رمضان و اكل القطط و الكلاب و سمك الزينة ..... كمان بنستورد قطع الغيار و المواد الخام و العدد و الالات ... اتمنى اننا منفكرش اننا نمنع ... اد ما نفكر اننا نغير طريقة التفكير

متابع معاك

فعلا عندك حق الحساب الختامى للميزانية العامة للدولة اللى هو نتيجة تطبيق الموازنة لازم يتناقش بجدية أكبر فى البرلمان و تتحاسب عليه الحكومة أكبر من محاسبتها على الموازنة لكن إحنا بقالنا خمس سنين تقريبا من غير برلمان و قبل كده كان البرلمان بيوافق بالإجماع على أى حاجة الحكومة بتقولها و ما كانش فيه حساب حقيقى للحكومة
و عندك حق كمان إن النظام فى مصر من يوم ما السادات عمل الإنفتاح و هو بيشجع على الإستيراد و بيعوق الإنتاج
إنا لسه النهاردة الصبح سامع شكوى مستثمر مصرىبيشتغل فى مجال الإستيراد بقاله سنين و لما حب يعمل مصنع ينتج فيه المنتجات اللى بيستوردها قعدوه سنه أو اكتر فى انتظار الترخيص للمصنع لغاية ما الراجل زهق و باع الأرض و لغى المشروع و رجع للإستيراد تانى
الظريف بقى أنه لما رجع للإستيراد طلع البطاقة الإستيرادية خلال ايام معدودة

المشاركة الأصلية كتبت بواسطة h_shahin

فعلا عندك حق الحساب الختامى للميزانية العامة للدولة اللى هو نتيجة تطبيق الموازنة لازم يتناقش بجدية أكبر فى البرلمان و تتحاسب عليه الحكومة أكبر من محاسبتها على الموازنة لكن إحنا بقالنا خمس سنين تقريبا من غير برلمان و قبل كده كان البرلمان بيوافق بالإجماع على أى حاجة الحكومة بتقولها و ما كانش فيه حساب حقيقى للحكومة
و عندك حق كمان إن النظام فى مصر من يوم ما السادات عمل الإنفتاح و هو بيشجع على الإستيراد و بيعوق الإنتاج
إنا لسه النهاردة الصبح سامع شكوى مستثمر مصرىبيشتغل فى مجال الإستيراد بقاله سنين و لما حب يعمل مصنع ينتج فيه المنتجات اللى بيستوردها قعدوه سنه أو اكتر فى انتظار الترخيص للمصنع لغاية ما الراجل زهق و باع الأرض و لغى المشروع و رجع للإستيراد تانى
الظريف بقى أنه لما رجع للإستيراد طلع البطاقة الإستيرادية خلال ايام معدودة

بعض وجهات النظر بتعتبر ان الاقتصاد جزء من نظام اكبر ... او ان الاقتصاد عبارة عن الغلاف الى بيجمع جواه حاجات كتير ... زى الصناعة و التجارة و الزراعة و السياحة ..... لما بتتكلم عن الحاجات دى ... فانت بتتكلم عن الاقتصاد

انما مش من المنصف اننا نتكلم عن الاقتصاد المجرد ... و لا سيتحول الى حاجة جافة جدا .. و نظريات غير قابلة للتطبيق ..... فمثلا ... مش حينفع اننا نتكلم عن ازمة الدولار من غير ما نتكلم عن طرق جزرية لحلها ... و تكون فى الحاجات الى بتغذى الاقتصاد و تنميه

ليه احنا بقالنا خمس سنوات من غير برلمان ؟؟!! ده موضوع لوحده ... طيب ايه هى الحاجات الجديدة الى يستطيع بيها البرلمان الجديد محاسبة الحكومة ؟؟!!! لسة حنشوف

و رأيى الشخصى ... السادات بالفعل فتح الاستيراد ... بس لم يقم بعرقلة الانتاج .... الانتاج كان متعرقل جاهز .... بس موضوع منع الاستيراد هو الى كان مخلي الانتاج شغال .... شغال ازاى ... و بيتطور و لا لأ ... فيه خطط مستقبلية ... مكنش فيه ... فالانتاج كان شغال و خلاص
و ممكن حضرتك تزود على كدة شوية كسل ... على استسهال ... على تفتيح دماغ .. على شوية صفات تانية ... الناس بالفعل بدأت تتجه للاستيراد

المثال الى حضرتك ذكرته مأساة حقيقية ... و فيه اكتر منها كمان .... و المثال ده بيكشف ببساطة ... الحكومة بتشجع الاستثمار فى الصناعة و لا لأ

الناس لما بتعمل خطة طويلة او قصيرة .... بيحطوا قوانين صغيرة لتدعيم او المساعدة فى الخطة دى
موضوع الصناعة ده ... مأساة حقيقية .... و انا مش بتكلم اننا عندنا صناعات تجميع سيارات .... انا بتكلم اننا معندناش مصنع محترم بيعمل مسامير !!!!! مصنع بيعمل بنط شنيور ... اورنجات محترمة ... اويلسيلات نضيفة .. عدد يدوية
متابع معاك