الموضوع: استفسار بخصوص زيت موبيل1 للانترا

المشاركة الأصلية كتبت بواسطة borio1704

من 3 أيام العربية كملت معايا سنتين... عامل بيها لحد دلوقتي أكتر من 42 ألف كيلومتر. ..

وعايز أنبه حضرتك لحاجة مهمة...

العربية فيها حاجات بتبوظ من الركنة.. وحاجات تانية بتبوظ بمجرد مرور الوقت.. حتى بدون استخدام..

زي الأجزاء المطاطية والكاوتش.. مجرد مرور 5 سنوات بيخليها معرضة للتشقق والتحلل حتى بدون أي استخدام.. وده السبب الرئيسي في إن معظم العربيات بتبدأ مشاكلها تظهر بعد 5 سنين..

توقع مشاكل في خراطيم المياه والسيور وكاوتش العجل.. وأي أويلسيلات وجوانات..

مش بفول عليك والله... بس ده الطبيعي اللي ببحصل مع كل الناس.


...

لا عارف الموضوع ده, و الياباني يقال انه افضل فالحاجات دي, و ربنا يسترها.
هو الموبيل 1 5w50 ده تخليقي بالكامل ؟؟

المشاركة الأصلية كتبت بواسطة borio1704

مرسيدس بتشترط إن الزيت المستخدم يكون معتمد من مرسيدس ومطابق لمواصفات مرسيدس للزيوت..

وكل مواصفات زيت الموتور في مرسيدس ليها اسم واحد :mb 229.. وتحتها تصنيفات كتير حسب نوع الموتور ..

بس المخصص منها لمواتير البنزين على ما أذكر هو mb 229.1 و mb 229.3..

وبالتالي ما ينفعش تحط زيت مش عليه رقم المواصفات دي.. مهما قالوا عليه شعر وألفوله أغاني.. وارجع للكتالوج للتأكد من رقم المواصفة بالتحديد.


بالنسبة لزيت الموبيل ال5W-50 فهو فعلا تخليقي بالكامل.. وعلى حسب معلوماتي.. فكل زيت موبيل ١ تخليقية بالكامل.. ومن أساس غير معدني.

وعموما زي ما قلت لحضرتك.. زيت الـ5w-50 ما ينفعش للسيراتو لإنه مش مذكور في كتالوجها.. وأتوقع إنه ما ينفعش كمان في الإلانترا.. لإن العربيتين واحد من الناحية الميكانيكية.. وصانع الموتور هو نفسه في العربيتين.


...

مانا دخلت و اتأكدت انه معتمد للموتور ده, بس كنت قلقان منه عشان تقيل و الكلام ده.

API SN
ACEA A3/B3
MB-Approval 229.3
MB-Approval 229.1
هو فالتوكيل مش هيحط غير زيت معتمد, بس كنت حابب اعرف ليه مش بيحط 5w30 و سألتهم قالولي عشان عامل الجو في مصر.
طبعا هو بينفز كلام الشركه بره و بيتعاقد مع الشركه اللي بتديله احسن عروض و مميزات هنا.
يعني الشركه بره بتقول للوكيل هنا عندك انواع زيوت كذا و كذا تقدر تستخدمهم فالعربيه.
هنا بقي يدور علي احسن عرض يتعاقد عليه.

و علي حسب اللي اتقالي في توكيل مرسيدس انه فعلا الزيت ده غير مناسب للمواتير الصغيره.
انا ماقريتش كتالوج الالانترا او السيراتو, بس لو مش مكتوب يبقي فعلا ماينفعش يستخدم فيه.
و حصلت معايا مشكله في موتور هيونداي فيرنا, بعد الل قريته فالموضوع الرائع اللي حضرتك عامله اعتقد ان الزيت هو السبب.
كان عامل كمية شمع رهيبه جو الموتور.