واحد نصحني احط زيت التعاون لانه تقيل

**Bmw_3mb** · 26-12-2015 01:13 AM

ارجو الافاده من مختص او حد فاهم انا عربيتي فيرنا تاكسي عامله 160000 ك بتاكل 1ك زيت في غيار ال 3000 قالولي طقم شمبر كذا ميكانيكي مع انها مبدخنش والمكنه كويسه في السحب واحد قالي احط زيت تعاون وكانزايه طقم شمبر ده حاجه الحاجه التانيه امتى افك الموتور واصلح وامتى اغير موتور ولو هغير اجيب موتور ولا نص وياريت اخر حاجه ميكانيكي مضمون وكويس يحللي مشكلتي على العلم اني ساكن في عين شمس

**borio1704** · 26-12-2015 02:04 AM

زيوت التعاون كويسة... وعندهم زيوت كتير.. بس ازاي تختار المناسب منهم؟؟؟

اختيار الزيت الصح لازم يكون زي ما الكتالوج بيقول..

دي صورة لكتالوج الفيرنا... ولو عندك الكتالوج الأصلي يكون أحسن:

حسب الكتالوج ده فاللزوجة المسموح بيها في جو مصر (فوق الـ40 م علشان الصيف) هي:

20W-40 و 20W-50
15W-40 و 15W-50
10W-40 و 10W-50

مع مستوى أداء لا يقل عن API SH (يعني يمشي معاك بردو SJ و SL و SM و SN)

لو الكلام ده صعب عليك.. فياريت تعدي على الموضوع ده...

http://www.nilemotors.net/Nile/341680-a.html

وبالنسبة لنقص الزيت عندك... فياريت كمان تشوف الموضوع ده الأول قبل ما تفكر في موضوع العمرة أو طقم الشنبر..

http://www.nilemotors.net/Nile/418186-a.html

وأنا تحت أمرك لو عندك أي استفسار

...

**Bmw_3mb** · 28-12-2015 10:24 PM

borio1704 شكرا جدا افدتني بس فهمت على قدي والملخص اني شايل الترموستات ممكن ده يكون سبب ولو حابب اتاكد ممكن مين يفدني يعني اكشف كومبيوتر ولا اعمل اه وفي الحاله ده اه الي ينفعني بالنسبه للزيت ياريت تحددلي نوع معين ووصفه او كوده وياه بقى لو حضرتك يكون عندك مركز صيانه تبقى ريحتني من كل ده

**Bmw_3mb** · 28-12-2015 10:28 PM

Mecha شكرا ليك جدا بس بجد انا عامل زي الغرقان في بحر كله ميكانيكي يشتغلني شوبه واحد يقلي فك وصلح وواحد يقولي هات نص موتور وواحد يقولي اهلك الي معاك وهات واحد كامل اضمن والنكته بقى اخر واحد قالي ان المواتير المستورده عامله زي البطيخه ممكن تجيبو ويطلع .... حماده .... انا اسف طولت عليكو بس لو عايزين تفيدوني بجد تدلوني على مكان اروحه مهندس ميكاميكي او مركز صيانه ميشتغلنيش ويفدني

**Mecha** · 29-12-2015 03:18 AM

واالله حاسس بيك وعارف انها عربية اكل عيش
والترموستات شيلو في الشتا مش حلو
الشنبر والبستم مبييسخنوش كفايه عشان يحبكوا كبس وزيت .والمكنه ايدل عالي عشان يعوض البروده
فهات زيت مركه مشهوره قديمه ويكون الزبت جديد مش مركون زمن وتجنب الناس اللي بتبيع زيت في اكياس بلاستيك لاحمال التاكس حط 15w40 , 20w50
عاوز تعرف المشكله بالضبط بتعمل اختبار كبس للمكنه
ويتعرف شنبر او سيل صباب
تحياتي

**Bmw_3mb** · 29-12-2015 04:06 PM

انا عارف اني زهقتك بس معلش ممكن تقولي ده بيتعمل فين عند ميكانيكي ولا مركز صيانه ولو تعرف حد مضمون وخبره يبقى كتر خيرك

**Mecha** · 30-12-2015 02:48 AM

الوكيل بالطبع يقدر يعمله ، حاليا انا بره مصر. شوف مركز الصفا.المفروض بيركب عداد ضغط مكان البوجيه
ويكبس. وبعدين يحط زيت ويشوف اي تحسن.
ويعرف تعريب شتبر او صباب او جوان