الموضوع: استفسار بخصوص زيت موبيل1 للانترا

انا عربيتى سيراتو 2014 لسة امبارح كنت فى توكيل كيا غيرو لى الزيت وحطه شيل السوبر الاصفر 15w50 لانى بستعمل العربية قليل مرتين فى الاسبوع بس لاحظت ان استهلاك البنزين زاد شوية والسحب قلللل لانها كانت بتطير قبل تغيير الزيت السوال مافيش زيت بين الالترا والسوبر يبقى خفيف شوية و7000 كليو مثلا ولا اكمل على السوبر من غير مشاكل فى الموتور والعربية عاملة 14600 كليو

المشاركة الأصلية كتبت بواسطة borio1704

قبل ما أقوللك إذا كان فيه زيت ينفع ولا لأ... عايزك بردو تفتح الكتالوج وتشوف بنفسك... علشان ما تديش لحد فرصة يشتغلك...

عموما... دي صورة صفحة الزيت في كتالوج السيراتو 2014..




أول حاجة.. لازم الزيت اللي تحطه يكون واخد تصنيف API SM (أو API SN) ... يعني مش أي زيت ينفع يتحط..

وأنا أشك إن الزيت اللي اتحطلك يكون واخد التصنيف ده...


وكمان يفضل يكون واخد تصنيف ACEA ِA5... وده مش هتلاقيه إلا في الزيوت الخفيفية زي (5W-30).. ومش كل الزيوت الـ5W-30 واخدة التصنيف ده... فلازم تبص على العلبة كويس قبل ما تشتري...

ولو ما لقيتش A5 .. اتأكد إن العلبة مكتوب عليها ACEA A3


بعد كده ابقى دور على اللزوجة والكلام ده..

اللزوجة العالية أكيد هتقلل السحب وتزود استهلاك البنزين.


وحسب الكتالوج.. فاللزوجات اللي تنفع في السيراتو من غير مشاكل هي:

20W-50 (تقيل وهيقلل السحب)
15W-40 (تقيل وهيقلل السحب)
10W-30 (نص نص)
5W-40 (كويس)
5W-30 (أخف حاجة وأكتر واحد موفر في البنزين... بس لو سواقتك كلها شد وجري بلاش منه).

وما تحطش أي لزوجة تانية غير دول.


...

بشكرك على الرد الموثق دة بس كلامك علمى والتوكيل هنا مش حيوريك الكلام اللى مكتوب على جركن الزيت دى حاجة المشكلة كمان مش بعمل كليو متر علشان احط اللى 5w 30 أو بما يسمى بالالتزا ومع ذلك محتار ومش عارف اعمل ايه بس بشكرك لافادتك

ولا فيه اي مشكلة خالص
وده زيت موصي به
كمل بيه عادي
عموما صوت الماكينه هتلاقيه بيعلي شوية بعد 6000 كم
ده عادي جدا ومفيش منه مشكلة
وعلى اي حال الموبيل 50-5 ده هيتوقف ومش هينزل تاني بعد فترة !!
بس هو زيت ممتزا وانا مش بحط غيره
وعموما سواء 50-5 او 40-5 مش هتفرق معاك ولا هتحس بالفرق