نصيحة لوجه الله تعالى : أياكم والسرعة

**Amrrr** · 24-11-2008 12:44 PM

وانا راجع من كام يوم في طريق مش عارف اسمة ايه هو من عند القطامية يمين وبعدين يعدي متقاطع مع الدائري- من تحت الدائري - ويطلع في الآخر على مدينة نصر عند العاشر كدة
المهم الطريق ضلمة ومش مكشوف وواضح ان في مقالب كتير عاليمين شوية وعالشمال شوية وحفر وحاجات كتير انا كنت أول مرة امشي فيه بعد انقطاع سنتين كدة فطبيعي مش حافظة ومشيت على ستين سبعين كدة من ورا عربية من الناس اللي - مش كوول - وكان راكب فيرنا وبصراحة هو كان ابطأ من ستين فانا قلت خليني وراه عشان وانا ماشي بطئ العربيات بتيجي من ورا مجانين وسرعة لا تقل عن 100كم وطبعا تقليب نور وتوتر وكانت كل عربية تقريبا وهي معدية من جنبي بتلبس بلاعة مرة وحفرة مرة تانية لحد ما جه واحد بفيرنا برضة ومن على شمالي وطالع بسرعة فجأة لبس في كومة - معرفشي مكوناتها ايه بالظبط بس غالبا كومة زبالة هي كانت ناشفة ونطرت العربية الفيرنا لفوق وكمان اتبدرت في الشارع من ورا الفيرنا وبدأت تتوزع بحيث انها بتاخد الطريق كله - بس عربيته اترفعت لفوق جامد من ورا ورجعت اتهبدت على الأرض وبعد ما عدى لقيت في حاجات بتتنطور مطرح الكومة اللي الأخ لبس فيها والأشلاء دي بتيجي على حارتي وعلى عربيتي بس من جنبي بقى المهم انا اتفاديتها كويس لأني طبعا ماشي بسرعة معقولة ولحقت آجي يمين شوية واسرع سنة وكدة يعني المهم ربنا ستر معايا !!! الأخ بقى هدى شوية وبعدين هيبدأ يقرص تاني قمت مقلبله نور قام واقف وش وراكن على جنب الظاهر افتكر ان عربيته فيها حاجة لما قلبتله مثلا او هو سمع صوت لما جه يجري تاني !!!انا قعدت أسأل نفسي ليه الناس بتجري بالمنظر دا في شارع ضلمة بالشكل دا ومليان مقالب تبهدل اي عربية ؟ وبعد ما عربيته اتخبطت هيكمل كمان ! دانا كنت هنزل اشوف عربيتي اتوسخت بس ولا حصل حاجة عشان الزبالة اللي اتنطرت عليها من الجنب

**دموع الثلج** · 24-11-2008 12:59 PM

الف شكر على النصيحه

والله نفسى اعمل برنت للجمله دى

بلاش حد يستفزكو للجرى.....بلاش جرى من غير سبب طارئ وبلاش تعملو غرز وخصوصاً على سرعات.

والزقها على التابلوه عشان تبقى قدام عينى بعد ما خوفتنى من قصه الحادثه دى وانا كثير بنسى وادوس بغباوه
العجله من الشيطان ربنا يسترها معانا جميعا ويبعد الشياطين عننا

**M.Mokhtar** · 24-11-2008 01:19 PM

المشاركة الأصلية كتبت بواسطة Ahmed A.Maksoud

للأسف ياباشا....كان بياخد غرزة ضيقة بين عربيتين.....و مكنش بيفادى حاجة......الشئ الوحيد اللى ممكن يكون حصل أنه بعد لما خد الغرزة لقى قدامه حاجة لازم يفاديها ولو أنى أشك لأن العربية اللى كانت على يمينه ساعة الغرزة كملت على طول فى نفس الحارة عادى....

يا باشا واضح انه مش متمكن من العربيه
مش العربيه دى اللى تعوم بالسهوله دى خالص
اكيد لقى نفسه نازل على الرمل فحب يلم العربيه فعامت منه بسبب الرمل
شكله كده مش سواق او لسه مش واخد على ابعاد عربيته وتحكمه فيها مش اوى

المشاركة الأصلية كتبت بواسطة dr_abooody

اصلا العربيات دة رخيصة جداااا و رديئة

يعني اوبل فيكترا اللي ب 170 الف المفروض انها برة ب 60 الف فقط و طبعا تعتبر رخيصة و رديئة مش العربية اللي يعتمد عليها
فما بال اللي معاه فيرنا ما تسواش برة اكتر من 20 الف جنية و عمال صاحبها ياخد غرز و مش عارف انة راكب حاجة تعبانة موووووووت

العربية اللي ينفع يتعمل بيها كدا لا تقل عن 300 الف جنية مصري يعني بأسعار برة 150 الف جنية زي المرسيدس و البي ام كدا

يا رب تكون وصلت

اول مره اسمع ان الفكترا من العربيات الرديئة :)
بس زى ما قولت قبل كده واضح انه عيب سواق مش عيب عربيه
هو اللى ماعرفش يتحكم فى العربيه

انا عندى صور لمرسيدس SLK عاملة حادثه وفيرارى عامله حادثة على طريق اسكندريه الصحراوى تفتكر دى برده من العربيات الرديئة؟
ولا الاودى RS6 اللى دخلت فى الشجره واتقسمت نصفين رديئة برده؟

المهم شوف اللى جوه العربيات دى بيطلع شكله ايه
الالمان عمرهم ما بيهزروا ولا بيستخفوا باى حاجة حتى لو كان مسمسار

السواقه ملهاش كبير
وممكن ارنب بس بيعدى الشارع يعمل مشاكل كتير
وربنا يستر علينا كلنا

المشاركة الأصلية كتبت بواسطة دموع الثلج

الف شكر على النصيحه

والله نفسى اعمل برنت للجمله دى

والزقها على التابلوه عشان تبقى قدام عينى بعد ما خوفتنى من قصه الحادثه دى وانا كثير بنسى وادوس بغباوه
العجله من الشيطان ربنا يسترها معانا جميعا ويبعد الشياطين عننا

سمعت انا عن طريقتك فى السواقه :)

انا كمان بستفز بسهوله لما بشوف حد بيجرى وبيتنطط قدامى فبتحداه فى الجرى بس حاسس ان مش كل مره هتعدى سليمه :(
ربنا يستر ويهدينا

**دموع الثلج** · 24-11-2008 01:28 PM

سمعت انا عن طريقتك فى السواقه :)

انا كمان بستفز بسهوله لما بشوف حد بيجرى وبيتنطط قدامى فبتحداه فى الجرى بس حاسس ان مش كل مره هتعدى سليمه :(
ربنا يستر ويهدينا
__________________
م/محمد مختار

ماهو ده مدخل الشيطان يقعد يسخنك لحد ما يستفزك اكثر وتبقى عندك رغبه فى الانتقام من اللى قدامك
واخرتها ذى ما قولت مش كل مره هتسلم الجره

ربنا يسترها

والله وانا دائما بسوق ادعى اللهم ارزقنى حسن الخاتمه اموت فى بيتنا
ومااموتش فى حادثه عربيه اللهم امين

**Ahmed Selim** · 24-11-2008 01:31 PM

المشاركة الأصلية كتبت بواسطة M.Mokhtar

يا باشا واضح انه مش متمكن من العربيه
مش العربيه دى اللى تعوم بالسهوله دى خالص
اكيد لقى نفسه نازل على الرمل فحب يلم العربيه فعامت منه بسبب الرمل
شكله كده مش سواق او لسه مش واخد على ابعاد عربيته وتحكمه فيها مش اوى

يا محمد باشا......أنا كنت راكب فيكترا 97 CD قبل الميجان......وعارف يعنى أيه فيكترا كويس......ده أنا أول ما شفت العربية بتروح يمين وشمال قولت ده أكيد بيستعرض بالعربية الجديدة......مكنتش متوقع أبداً اللى حصل بعد كده.
كنت فاكر أنه ممكن يكون عدى على حتة فيها شوية زيت ولا حاجة.....بس لما نزلت ملقتش حاجة غريبة فى الطريق.

الغرزة اللى أتاخدت لا تدل أنه سواق غشيم خالص.....ألا بقى لو كان مش فارق معاه وقال يدخل الغرزة و زى ما تيجى تيجى......

والله أنا لحد دلوقتى مش عارف أيه اللى حصل.....هل عو عيب سواق ولا عيب عربية ولا عيب طريق ولا كلهم مع بعض......و مع ذلك مش جايللى قلب أزود عن ال 100 فى الدائرى.....مع أنى سبحان الله وأنا جاى من أسكندرية أول أمبارح كنت مبقلش عن 140 أو 150.

خلاصة الكلام........ربنا يستر طريقنا جميعاً......بس برضه لازم ناخد بالأسباب......ولا أيه ؟

**Ahmed Selim** · 24-11-2008 01:37 PM

المشاركة الأصلية كتبت بواسطة دموع الثلج

الف شكر على النصيحه

والله نفسى اعمل برنت للجمله دى

والزقها على التابلوه عشان تبقى قدام عينى بعد ما خوفتنى من قصه الحادثه دى وانا كثير بنسى وادوس بغباوه
العجله من الشيطان ربنا يسترها معانا جميعا ويبعد الشياطين عننا

بصى يا دموع......أنا لسه كنت بقول لمحمد....كنت بجرى دايماً وخصوصاً لو فى طريق سفر......بس بعد اللى شفته أمبارح.....كل لما حد يستفزنى أفتكر اللى حصل......أروح موسعله وأقوله ربنا يسهلك :)

الواحد بيشوف عربيات مقلوبة و مخبوطة كتيييييييييير على الطرق......لكن لما يشوفها بعينه ويشوف الشخص اللى لسه معدى جنبى من 3 ثوانى بيتقلب...................أحساس مختلف تماماُ

**classboy** · 24-11-2008 02:06 PM

السرعه خطر طبعا .....

ربنا يسترها معانا

**MMamdouh** · 24-11-2008 02:54 PM

المشاركة الأصلية كتبت بواسطة Ahmed A.Maksoud

يا محمد باشا......أنا كنت راكب فيكترا 97 CD قبل الميجان......وعارف يعنى أيه فيكترا كويس......ده أنا أول ما شفت العربية بتروح يمين وشمال قولت ده أكيد بيستعرض بالعربية الجديدة......مكنتش متوقع أبداً اللى حصل بعد كده.
كنت فاكر أنه ممكن يكون عدى على حتة فيها شوية زيت ولا حاجة.....بس لما نزلت ملقتش حاجة غريبة فى الطريق.

الغرزة اللى أتاخدت لا تدل أنه سواق غشيم خالص.....ألا بقى لو كان مش فارق معاه وقال يدخل الغرزة و زى ما تيجى تيجى......

والله أنا لحد دلوقتى مش عارف أيه اللى حصل.....هل عو عيب سواق ولا عيب عربية ولا عيب طريق ولا كلهم مع بعض......و مع ذلك مش جايللى قلب أزود عن ال 100 فى الدائرى.....مع أنى سبحان الله وأنا جاى من أسكندرية أول أمبارح كنت مبقلش عن 140 أو 150.

خلاصة الكلام........ربنا يستر طريقنا جميعاً......بس برضه لازم ناخد بالأسباب......ولا أيه ؟

انت بتقول العربية لسة جديدة زيرو... يعنى كاوتشها لسة جديد و ملينش... وضع طبيعى ان الكاوتش ميبقاش ماسك فى الارض زى الناس و العربية تعوم بسهولة

دى قلة خبرة و رعونة و استهتار

انا لما جبت كاوتش جديد و كنت ماشى على جسر السويس ثم الدائرى و بجرب ثبات العربية حسيت انى مركب 4 فرد مهلبة مش كاوتش و كنت حاسس انى اخدت مقلب فى الكاوتش دة... بعد ما قريت عن تليين الكاوتش عرفت ان الموضوع طبيعى و دلوقتى العربية تمام و الحمد لله

MMamdouh

-

-

الموضوع: نصيحة لوجه الله تعالى : أياكم والسرعة

LinkBack

أدوات الموضوع

عرض

-

-

-

-

-

-

-

المواضيع المتشابهه

نصيحة لوجه الله تعالى

نصيحة لوجه الله تعالى خالصة

نصيحة لوجه الله تعالى

نصيحة لوجه الله تعالى!!!!!!!!!!!!!!

نصيحة لوجه الله تعالى!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة