مشكله كبيرة ومش لاقيلها اي حل ( قلة التركيز )

**MRBEBO** · 21-12-2015 03:55 PM

المشاركة الأصلية كتبت بواسطة إنسانة

نمط مدمر للتركيز

واكيد لما تعدل نظامك هتستعيد تركيزك

لازم تنام كويس

تاكل اكل صحي بالاضافة للفيتامينات

والحركة "رياضة" لازم تدخل برنامجك اليومي

وابعد عن النت و الموبايل خليهم للضرورة

وتاكد من الحديد

هحاول انا معنديش مشكله في الانيميا

انا 17 الهيموجلوبين

بس كرات الدم الحمراء عندي ازيد من المعدل الطبيعي ب درجه

نفسي امارس رياضه بس مش لاقي اي حافز

انا طولي 181 / وزن 86

**MRBEBO** · 21-12-2015 03:57 PM

المشاركة الأصلية كتبت بواسطة mecha

اولا بلاش قهوه بتفرتك الاعصاب ، الشاي افضل
ايوه ادوية الاكتءاب بتساعد جدا في الهدوء والتركيز والذاكره.
حسب جرعة مضبوطه من طبيب
يمكن تفاجيء ان غالبية الناس في مصر بتعاني من
الاكتءاب وهم مش عارفين.

خلاص بلاها قهوة خالص

الشاي مسموح باي كميه اخضر واسود ؟

زهقت من ادويه الاكتئاب

كنت باخد فيلوزاك ووقفته ومن كام سنه اخدت سبرا برو

بس لغايه امتى ؟؟ انا حتى لسه متجوزتش :d

**MRBEBO** · 21-12-2015 03:59 PM

المشاركة الأصلية كتبت بواسطة خالد الشاذلى

اعمل تأمل وكله هيتظبط

فهمني عرفني ازااااااااي اززززززاي ؟؟؟

انا برتاح لاي حاجه طبيعيه اكتر من الادويه والقرف ده

**amrelsha3er** · 21-12-2015 04:22 PM

شفاك الله وعفاك اخى الفاضل
تقريبا الاخوه نصحو بما فيه الكفايه
ازود بس ممكن تدخل الرياضه فى حياتك هتفرق جامد

**volociximab** · 21-12-2015 04:44 PM

ممكن تاخد اجازه؟
انا حاسس ان مخك عامل زى الحصان طلع يجري يجري يجري يجري و دلوقت بيشحر و عاوز يومين نووووووووووم على قعدة استجمام

**hani945** · 21-12-2015 05:00 PM

بطل الكمبيوتر شوية ـ الكمبيوتر هو السبب فى التعب اللى حضرتك فيه ، أنا عندى تقريباً بعض الأعراض اللى حضرتك بتشتكى منها، الأعراض دى هتختفى تماماً إن شاء الله بعد الإقلاع عن القهوة والنسكافيه وتحاول تنام بدرى وتشوف الناس شوية وتشم هوا نضيف وتحاول تأكل أكل صحى ، إبعد عن الأكل الجاهز والمسبك ، وزود شوية فى الفواكه والخضروات وأشرب مية كتير

**Mecha** · 22-12-2015 02:45 AM

المشاركة الأصلية كتبت بواسطة mrbebo

خلاص بلاها قهوة خالص

الشاي مسموح باي كميه اخضر واسود ؟

زهقت من ادويه الاكتئاب

كنت باخد فيلوزاك ووقفته ومن كام سنه اخدت سبرا برو

بس لغايه امتى ؟؟ انا حتى لسه متجوزتش :d

الاخضر افضل ،والاسود الاورجانيك كويس
مبيلعبش في الضغط
يعني ايه زهقت من الادويه؟؟
الجواز او النشاط الانجابيه جانب اساسي في
الصحه النفسيه .

**MRBEBO** · 22-12-2015 05:08 AM

المشاركة الأصلية كتبت بواسطة mecha

الاخضر افضل ،والاسود الاورجانيك كويس
مبيلعبش في الضغط
يعني ايه زهقت من الادويه؟؟
الجواز او النشاط الانجابيه جانب اساسي في
الصحه النفسيه .

يعني اكيد فيه حل بعيد عن الادويه

ولا انا فاهم غلط

وبعد كده لو انا مش مكتائب اخد دوا اكتائب ليه

هل التشتت ده ملهوش علاج الا ادويه الاكتئاب ؟

**lonedoctor** · 22-12-2015 06:17 AM

جميع الابحاث الطبية التى تم اجراؤها بعد عام 2012 اثبتت للقهوة فوائد عظيمة جدا تزيد عن 13 فائدة والفكرة القديمة انها مضرة للاعصاب هى فكرة خاطئة تماما ومن ذلك تاخير الاصابة بالشيخوخة و الالزهايمر ونقص الاصابة بمرض الباركنسونيزم (الشلل الرعاش)ونقص الاصابة بمرض السكر وسرطان الجهاز الهضمى وزيادة النشاط الجسمانى والاداء الوظيفى وتحسن الحالة النفسية وsense of well being وغيرها الكثير
من خبرتى الانطباع الاولى الاخ صاحب المشاركة يعانى من مرض نفسى ويحتاج لعلاج عند متخصص
تقبلوا تحياتى
د.شريف
استشارى باطنة
زميل الكلية الملكية البريطانية

**hilal** · 22-12-2015 07:52 AM

نصيحة لله
لازم طبيب مخ واعصاب محترم ، وهيطلب منك اشعة تعملها فورا
هذه الامور لا تحتمل التاجيل ولا يصح فيها الاعتماد على نصائح المنتديات
الطبيب لازم يقول كلمته اولا
تحياتي

الموضوع: مشكله كبيرة ومش لاقيلها اي حل ( قلة التركيز )

LinkBack

أدوات الموضوع

عرض

-

-

-

-

-

المواضيع المتشابهه

مشكله مش لاقيلها حل مزيلات العرق

مشكله في رينو اوبتيما مش لاقيلها حل

مشكله مش لاقيلها حل

مشكله مش لاقيلها حل!

مشكله مش لاقيلها حل

الكلمات الدلالية لهذا الموضوع

المفضلات

المفضلات

ضوابط المشاركة