ما هو شعورك عندما ركبت الطائرة لأول مرة في حياتك

**Adel.Nasr** · 15-01-2016 03:45 PM

اول مره اركب الطياره كنت مرعوب زيك بس لما جربتها عايز اقولك مكنتش عايز انزل و نفسي الطيار يلف و يرجع تاني
بعد كده عرفت انك لو مش عايز تحس بحاجه في الاقلاع ميل راسك على الكرسي و غمض عينيك لمدة 1 دقيقه مش هتحس بالاقلاع ابدا و الهبوط بيبقى عادي مفيهوش مشاكل و موضع الهبوط بيفرق فعلا من طيار للتاني يعني في مره كنت مسافر من الاقصر لشرم مع طيار عمل هبوط حرير لدرجة ان الاجانب صفقوا ليه جامد و مره تاني كان من الغردقه لشرم مش عايز اقولك اسف في اللفظ كنت راكب مع عربجي عجل الطياره لما لمس الارض عامل زي الطبله الافريقي ف متخفش و استمتع بالرحله

**h_shahin** · 15-01-2016 06:29 PM

المشاركة الأصلية كتبت بواسطة ahmed_eng2001

احنا بنتلعم من بعض يا باشا ..... مدرجات الهبوط و الاقلاع كانوا بيسموها runway ... احتمال يكونوا بيسموها طرمك .. و الله اعلم

ان شاء الله حعمل موضوع فى قسم الدفع الرباعى و محتاج الاستفادة من خبرتك فى محركات الديزل :)

تقبل احترامى

ترماك هو الأسم الدارج لموقف الطائرات فى المطارات و لكن المصطلح يعنى فى معناه الأوسع طبقة الأسفلت الممهدة

موقف_الطائرات

https://en.wikipedia.org/wiki/Tarmac

**Moustafa.yonis** · 18-01-2016 10:01 AM

بما ان الموضوع في الموصلات كلها مش الطيارة (الطيارة تعتبر اقل في الاحساس بالحركة من الميكروباص مثلا)
غالبا انت كده محتاج تروح ملاهي كتير علشان تتعود علي الحركة ومعدتك تتعود علي كده
والله اعلم
(قد اكون بفتي طبعا)