alfa carcare delivery فكره جديده ومشروع جديد وشباب زي الورد.....

**madoo** · 25-11-2008 03:13 PM

فكره جامده ويا خساره طلعوا بعيد أوى

**timo_crosswind** · 25-11-2008 03:23 PM

المشاركة الأصلية كتبت بواسطة aratux

يا ريت فعلا

بص ياباشا
هما 3 شباب واحد مشرف وده اكبرهم و2 يعملو .بيجو لبسين زي افرولات مكتوب عليها من ورا اسم مشروعهم وانا فوجئت انهم بيلبسو في ايديهم جوانتيات ونظاره سفتي وفوق احذيتهم بيلبسو كيس زي بتاع الدكاتره في غرف العمليات عشان ميدخلوش عربيتك بالجزم بتاعتهم بصراحه حاجه في قمه الشياكه...وانت بتكلمهم في التليفون بتقولهم علي نوع البرنامج اللي انت عاوزه عشان يكون عاملين حسابهم في المودا والعدد اللي هيستخدموها
وتحدد معاهم الميعاد المناسب.
اول لما بيوصلو عندك بيستلمومنك العربيه ويدولك كيس بلاستيك شيك تاخد فيه كل متعلقات وبعد الانتهاء بيسلمولك العربيه ويعرفو ملاحظاتك ورايك في مستوي الخدمه وده كمان بتكتبه علي ورقه استطلاع الراي..وده عشان يعرفو اخطئم ونوع الشكاوي عشان يصلحو من نفسهم .
البرامج اللي هما عملنها:
البرنامج(A):الغسيل العادي..............15 جنيه
البرنامج(B):الغسيل الاسبشيال.........30 جنيه
البرنامج(C):الكار كير الكامل.........80 جنيه
واي سؤال انا تحت امركم

**aratux** · 25-11-2008 03:41 PM

كار كير كامل ب 80 جنيه؟
هنا فى القاهرة من 180 ل 200
ممكن تطلب منهم يفتحوا فرع هنا؟

**D . a .\ AYMAN** · 26-11-2008 12:25 AM

ما شاء الله

**Ahmed_Elkhateb** · 26-11-2008 12:41 AM

ايه الفرق بين الغسيل العاااااااااادى والأسبشيل والكار كييييييييير معلش حد يوضلحى بالتفصيل

**Chicco** · 26-11-2008 02:12 AM

فكره مبتكرة و شباب زاي الورد ... ربنا يوفقهم ... بالاسعار و المعاملة ديه ..الناس ممكن تنزل الأسماعيلية مخصوص ليهم :)

**Dr_Smart** · 26-11-2008 03:05 AM

فكرة ممتازة وشباب يفرحو ربنا يوفقهم

بس يا جماعه يا ترى دول معاهم ترخيص بكده كمشروع تجاري وضرايب وخلافه ؟

ولا اسم الفا كار كير ده من دماغهم كده ومع نفسهم ؟؟؟

انا طبعا ماتفرقش معايا بس لو مش معاهم ترخيص يبقى ده كده مخالف في نظر القانون وبيعرضو نفسهم لغلاسة الحكومة ؟

**ehab08** · 26-11-2008 03:47 AM

ربنا يبارك ويوسع عليهم طالما مجتهدين

**Terrible_DaRsH** · 26-11-2008 03:59 AM

GooD Idea
Rabena Ma3aHom ..

**timo_crosswind** · 27-11-2008 11:39 AM

المشاركة الأصلية كتبت بواسطة toteman

ايه الفرق بين الغسيل العاااااااااادى والأسبشيل والكار كييييييييير معلش حد يوضلحى بالتفصيل

شكرا لمرورك ومشاركتك
انا جربت معاهم برنامج(A)الغسيل العادي وده عباره عن تنظيف السياره من جوه بالكامل وكمان الشنطه بالمكنسه الكهربائيه من التراب وبيمسحو حميع اجزاء العربيه من الداخل وكمان القوايم والتابلوه تنظيف جاف يعني مش بيستخدمو اي مواد في التنظيف الداخلي وبعد كدا بيغسلو العربيه من بره بالماء ومعاهم صابون خاص لغسيل السيارات وكذلك الكاوتش.وإن شاء الله هجربهم في برنامج الكار كير....
لما سئلتهم عن البرنامج (B) قالولي عباره عن البرنامج (A)بالاضافه الي غسيل التابلوه والكونسول والفتيس والطاره غسيل كيماوي وبعد كدا بيتلمعو تلميع كامل ومن بره بيغسلو الكاوتش والاستبن وبيضيفو عليه مواد ترجع لونه الاسود تاني واخيرا بينضفو الموتور لكن تنظيف جاف
البرنامج (C) الكار الكير الكامل وده غسيل الفرش والارضيات والاسقف والقوائم والتابلوه وفتحات التكيف وتعطير السياره وتلميع الكاوتش والاستبن وتنظيف الموتور جاف....وده بيسموه تنظيف كيماوي كامل

علي فكره انا سئلتهم اشمعني االموتور جاف كان ردهم بانهم غير مدربين علي الموتور ولان المواتير الحديثه كلها حساسات ووحدات كومبيوتر والتعامل معها مش من السهل فحبو ياجلو موضوع الموتور شويه لحد ما يتمكنو منه ودي حاجه انا احترمتهم فيها لانهم مش عاوزين يفتو وخلاص

اي خدمه ياقائد واي سؤال انا تحت امرك:)

الموضوع: alfa carcare delivery فكره جديده ومشروع جديد وشباب زي الورد.....

LinkBack

أدوات الموضوع

عرض

-

-

-

-

-

-

المواضيع المتشابهه

فكره جديده خدمية أكتر

فكره جديده شوفتها على فيرنا

فكره جديده

فكره جديده محتاج رأي الخبراء

فكره جديده ... يا رب توافقوا عليها

الكلمات الدلالية لهذا الموضوع

المفضلات

المفضلات

ضوابط المشاركة