alfa carcare delivery فكره جديده ومشروع جديد وشباب زي الورد.....

**timo_crosswind** · 25-11-2008 12:29 PM

نزلت الصبح وركبت عربيتي وقبل ما ادور لقيت في ظرف موجود علي المساحات بتاعت العربيه مطبوع عليه من بره ارقام تليفونات واسم alfa carcare delivery فتحته لقيت فيه ورقتين اعلان خلاصه اللي مكتوب فيهم ليه تروح مغسله وتنتظر دورك او تتغسل العربيه بشكل مش يرضيك انما ممكن تتصل بينا ونجيلك بعربيه مجهزه نغسلك عربيتك اودام بيتك او اي مكان تختاره بنفسك...ولقيت في ضهر الاعلان برامج الغسيل واللي فجئتني ان اسعارها زي المغاسل ويمكن ارخص وعندهم برامج الغسل العادي لحد الكار الكير الكامل......بصراحه كلامهم لعب في دماغي وقررت اتصل بيهم ...لما اتصلت بيهم رد عليا شاب ورد عاليا بمنتهي الذوق وحددت معاه ميعاد ..وفي الميعاد بالظبط لقيت العربيه وصلت نوعها ماتريكس ونزل منها 3 شباب شكلهم جامعيين وقبلتهم وقولتهم علي انا عاوزه في العربيه بعدها اعطو لي كيس بلاستيك عشان اخد متعلقاتي وبدئو الشغل واخدو في عربيتي حوالي ساعه لاني قولت اجربهم في برنامج الغسيل العادي الاول ولو عجبوني هجرب معاهم الكاركير الكامل بعد ما خلصو شغل نزلت من البيت استلم العربيه بصراحه تحفه والناس عرفه بتعمل ايه مش مايه وصابون واحدف بعد كدا حسبتهم حاولت اديهم بقشيش رفضو بشده وادوني ورقه مكتوب عليها استطلاع راي والراي في الخدمه واي شكاوي ...
ولما سئلتهم انتم في كليات قالولي اه في سياحه وفنادق بصراحه فرحت ان في شباب مجتهد كدا وانشاء الله ربنا هيكرمهم
علي فكره
فكره مشروعهم جديده وطموحه ايه رايكم ياشباب نايل موتورز في المشروع ده......؟

**Rafraf** · 25-11-2008 12:34 PM

raw3a

awl 7aga el mashro3 gamiiiill

tani 7aga el shbab 7lwa

ya3ni mogtahdin w da ahm she2

isa ba3d mal mashro3 ykbar mait3'irosh w yhmlo el nas

isa ynga7 el mashro3

hia di el nas el 3iza tsht3'al msh eli 2a3d f bthom w y2olk mafish sho3'l

**BLACKVERNA** · 25-11-2008 12:38 PM

تصدق فكره كويسه من ناحيتين

1- ان فعلا الواحد بيكسل يروح البنزينة و كمان بيبقى خايف الناس اللى هناك يبقوا مش بيبقى عندهم الخبره الكافية .
2- الفكره فى حد ذاتها حلوه و هتشتغل كويس معاهم ان شاء الله بدل قعاد القهاوى و التسكع فى الطرقات .

ربنا يوفقهم و يا ريت ارقام تليفوناتهم

**timo_crosswind** · 25-11-2008 12:39 PM

كلامك مظبوط وده اللي شجعني اني اجربهم وبصراحه مندمتش
واتمني يستمرو كدا علي طول نفس الضمير والمعامله ودي كان كلامي معاهم

**Qamar** · 25-11-2008 12:40 PM

أنا شايف ان أقل تحية للناس دى أن احنا نحاول ننشر أرقام تليفوناتهم بيننا و نوسع مشروعهم (بعد اذن الادارة)

**civilpharaoh** · 25-11-2008 12:41 PM

شكرا علي الموضوع .مشروع رائع وفعلا شباب بيفهم وعايز يعمل حاجة .ممكن تكتب لنا ارقام التليفونات وهل ممكن يروحو 6 اكتوبر

**timo_crosswind** · 25-11-2008 12:45 PM

المشاركة الأصلية كتبت بواسطة BLACKVERNA

تصدق فكره كويسه من ناحيتين

1- ان فعلا الواحد بيكسل يروح البنزينة و كمان بيبقى خايف الناس اللى هناك يبقوا مش بيبقى عندهم الخبره الكافية .
2- الفكره فى حد ذاتها حلوه و هتشتغل كويس معاهم ان شاء الله بدل قعاد القهاوى و التسكع فى الطرقات .

ربنا يوفقهم و يا ريت ارقام تليفوناتهم

هما من الاسماعيليه وعاملين المشروع ده في الاسماعيليه بس علي ما اعتقد عموما ارقام تليفوناتهم
0173800511
0173800522

**timo_crosswind** · 25-11-2008 12:51 PM

شكرا لكل من شارك في الموضوع هما فعلا يستحقو اكتر من كدا لانهم مش عاوزين يقفو عاجزين اودام البطاله او يدو فرصه لشبح العطاله ان يقرب منهم
عموما يجماعه ارقامهم:
0173800511
0173800522
0191818020
alfa carcare delivery
بس المشكله انهم من الاسماعيليه يعي مشروعهم داخل مدينه الاسماعيليه بس علي مااعتقد عموموا بردو هسئلهم وهبلغم تشجيع شباب نايل موتورز ليهم

**ahmedfd** · 25-11-2008 12:53 PM

فكرة مبتكرة جميلة و تصرف إيجابي..
ربنا يباركلهم

**WalidAdel** · 25-11-2008 12:56 PM

فعلا ربنا يوفقهم الناس دي بتحاول تشتغل كويس و حاجه كويسه بردوا انهم رفضوا البقشيش دا طليل علي انهم ناس محترمه
كنت ليسه حسال حضرتك فين الموضوع ده لقيتك بتقول في الاسماعليه بعيد اوي يعني المهم ربنا يوفقهم