الموضوع: تجربة أمسويل Signature 5w-50 فى فيات برافو 1.4T-JET تربو (highly-tuned)

تحياتي الحارة لحضرتك .. ودي فرصة علشان أسجل إعجابي الشديد بمواضيعك .. وأرجو إنك ترجع تفيدنا بمعلوماتك مرة تانية


والحقيقة لما قريت تقريرك.. كان فيه بعض النقط اللي كنت عايز أستوضحها منك .. وحطيت أسئلتي وتعليقاتي تحت الاقتباسات دي:

المشاركة الأصلية كتبت بواسطة Formulator

- الزيت Amsoil 5w-50 (بدلا من 10w-60 إحنا فـ الشتاء الدوارة بتبقى صعبة الصبح فـ البرد)

معتقدش إنها تفرق .. خصوصا إن درجة الحرارة ما نزلتش تحت الصفر... لإن المفروض إن حتى الزيوت الثقيلة زي 20W-X بتشتغل كويس جدا لحد 5 تحت الصفر... وبالتالي مش المفترض إنك تحس بفرق واضح في الدوارة أو في التزييت عالبارد بين الـ5W والـ10W في جونا ده.

المشاركة الأصلية كتبت بواسطة Formulator

طبعا لاحظت ان الـSignature 5w-50 لزوجته العالية واضحة جدا وهو نازل من الجركن !!

يفترض إن اللزوجة بتاعت الزيت الـ5W-50 في الحرارة العادية تكون زي لزوجة الـ5W-40 والـ5W-30 والـ5W-20... لإن كلهم لزوجتهم الباردة واحدة (5W).. فإزاي حضرتك حسيت بفرق اللزوجة عن الزيت الـ10W-60؟ ومش المفروض اللزوجة التقيلة دي تخلي تدوير الموتور أصعب في الجو البارد؟

المشاركة الأصلية كتبت بواسطة Formulator

فـ أول يومين ماحسيتش بفرق كبير فـ صوت الموتور وهو سخن أو فـ الحرق والقرص..
بعد كده: صوت الموتور بقى أوطى من الطبيعى فـ الدوارة Cold-Start

أنا شخصيا مش لاقي تفسير للكلام ده.. هل عند حضرتك تفسير من وجهة نظرك؟

المشاركة الأصلية كتبت بواسطة Formulator

* أكثر حاجة أنا مبسوط منها بقى
صوت الموتور بقى واطى جدا فـ الحرق !!!!!! حتى لحد الـ7000rpm !!

على حسب معلوماتي.. الزيوت التخليقية الحقيقية (من مجموعة 4 و 5) زي آمسويل وغيرها بتخلي صوت الموتور أعلى.. إلا إذا كان الزيت عليه إضافات خاصة لتقليل الـNoise (وده يمكن اللي مخلي سمعة موبيل 1 في مصر مش حلوة)

المشاركة الأصلية كتبت بواسطة Formulator

واحد صديقى بيتحدى انى أقعد الزيت ده فـ موتورى 20000 كم !! confused_rev emoticon وأنا الصراحة قلبى مش هيطاوعنى بس هو لو عدى الـ15000 معايا يبقى إختراع طبعا - مفيش كلام :)

طيب إزاي هتحكم على عمر الزيت؟؟؟ يعني إمتى تقول إن الزيت ده كده بقى كفاية عليه ولازم يتغير؟ وإيه هي توصيات فترات تغيير الزيت في كتالوج العربية (العادية والقاسية)؟




أرجو إنك تاخد أسئلتي وتعليقاتي بصدر رحب.. لإني ما سألتش الأسئلة دي إلا لإني عارف إني بتكلم مع محترف.


...

الحقيقة دكتور مصطفى (Formulator) كان رد فعلا على الأسئلة دي من ساعة ما نزل البوست ده .. ولكن على الفيسبوك...

وده لينك للبوست
https://www.facebook.com/groups/5795...8419914639109/


وأنا هقتبس الرد بتاعه (بتاريخ 9 فبراير 2016) من على الفيسبوك (بعد إذنه طبعا) وهحطه هنا داخل الإطار الأزرق...

المشاركة الأصلية كتبت بواسطة borio1704

تحياتي الحارة لحضرتك .. ودي فرصة علشان أسجل إعجابي الشديد بمواضيعك .. وأرجو إنك ترجع تفيدنا بمعلوماتك مرة تانية


والحقيقة لما قريت تقريرك.. كان فيه بعض النقط اللي كنت عايز أستوضحها منك .. وحطيت أسئلتي وتعليقاتي تحت الاقتباسات دي:

[gdwl]
أهلا بيك يا باشا Ahmed Nabil Alboraie بعتذر انى معرفتش أرد عليك إمبارح

[/gdwl]

المشاركة الأصلية كتبت بواسطة borio1704

معتقدش إنها تفرق .. خصوصا إن درجة الحرارة ما نزلتش تحت الصفر... لإن المفروض إن حتى الزيوت الثقيلة زي 20W-X بتشتغل كويس جدا لحد 5 تحت الصفر... وبالتالي مش المفترض إنك تحس بفرق واضح في الدوارة أو في التزييت عالبارد بين الـ5W والـ10W في جونا ده.

يفترض إن اللزوجة بتاعت الزيت الـ5W-50 في الحرارة العادية تكون زي لزوجة الـ5W-40 والـ5W-30 والـ5W-20... لإن كلهم لزوجتهم الباردة واحدة (5W).. فإزاي حضرتك حسيت بفرق اللزوجة عن الزيت الـ10W-60؟ ومش المفروض اللزوجة التقيلة دي تخلي تدوير الموتور أصعب في الجو البارد؟

[gdwl]
بالنسبة للأسئلة بتاعت حضرتك:
1- الـweight من 5w لـ10w فرق بسيط فعلا فـ الـflow عند Cold-start... بس لما يكون موتور أصلا صوت الكستبانات بتاعه عالى (زى الفيات Twin-Cam عموما) وكمان موتور متعدل ومتغيرله كامات أكبر Aggressive lift/ duration ومتشال كل الـsound-proofing من على وش المكنة... الفرق -ولو بسيط- بيبقى واضح ! خصوصا لو حافظ صوت عربيتك :)

[/gdwl]

المشاركة الأصلية كتبت بواسطة borio1704

أنا شخصيا مش لاقي تفسير للكلام ده.. هل عند حضرتك تفسير من وجهة نظرك؟

[gdwl]
2- مش عارف فعلا ليه الزيت ضبط بعد أول يومين (فـ الصوت فـ الداورة الصبح) يمكن فيه حاجة فـ الـFormulation زى visco-modifier بيحصلها partial breakdown مع السخونة فـ بداية التشغيل عشان تعمل طبقة Strengthening للـlubricating-film !! كنت قريت عن حاجة زى كده فـ technical bulletin بتاع Shell Ultra-Racing فيررارى ! والله أعلم

[/gdwl]

المشاركة الأصلية كتبت بواسطة borio1704

على حسب معلوماتي.. الزيوت التخليقية الحقيقية (من مجموعة 4 و 5) زي آمسويل وغيرها بتخلي صوت الموتور أعلى.. إلا إذا كان الزيت عليه إضافات خاصة لتقليل الـNoise (وده يمكن اللي مخلي سمعة موبيل 1 في مصر مش حلوة)

[gdwl]
3- بالنسبة لهدوء الصوت عند 7000rpm: معاك ان أى زيت Fully-Syn وتحديدا group-4/5 بتبقى خفيفة (عشان الـsynthetic base-stocks والـpoly-esters بطبيعتها مركبات مش ذات لزوجة عالية)، فـ أكيد طبعا اى صانع زيوت محترم بيعمل Additives package مدروسة من مواد (لزوجة-تنظيف-مقاومة التكسير والأكسدة-تقليل الـfoam-ثبات طبقة التزييت...etc) ! بس الأهم من كل دا: ثبات الـBase-Oil نفسه (اللى هو الجروب-4/5) ضد فقد اللزوجة أو التبخير أو الإحتراق (y) وهو ده اللى متميز بيه الحاجات اللى زى أمسويل.. الموبيل-1 طبعا مش عايز أشتم =D بس دا group-III hydrocracked mineral oil (ولو فيه نسبة إستر أو PAO هتبقى ضعيفة جدا) + ان الـadditives pack بتاعته مش بالأداء المطلوب !

[/gdwl]

المشاركة الأصلية كتبت بواسطة borio1704

طيب إزاي هتحكم على عمر الزيت؟؟؟ يعني إمتى تقول إن الزيت ده كده بقى كفاية عليه ولازم يتغير؟ وإيه هي توصيات فترات تغيير الزيت في كتالوج العربية (العادية والقاسية)؟

[gdwl]
- بالنسبة لعمر الزيت فـ موتور الـT-JET.. لا تقلق =D بيبان بسرعة جدا !! =D أولا: معدل التبخير والنقص، ثانيا: لزوجة الزيت الـapparent، ثالثا: درجة اللون (بتدى indication للتنظيف أو الإحتراق)... أكيد طبعا كل دى مقاييس rough (لو انا محنتف أوى ممكن آخد عينة أقيسلها اللزوجة بـBrookfield viscometer وأشوف معدل التآكل بتاع الموتور بـmetal-detector) والحاجات دى عندى فـ المصنع =D بس مش مستاهلة: لأن كمان لما الزيت بيروح النار فـ موتور العربية كل حاجة بتتغير: الصوت وإستهلاك البنزين والداورة والحرق والضغط ووو...) !! انا مرة فـ الجولف 1.8T (مش فاكر توتال ولا موبيل) مكملش 1000 كيلومتر ونزلته


آخر حاجة: الموصى به للفيات تربو هو Selenia 5w-40 (فيات-petronas) دا للـ120 والـ150/155 حصان ويتغير على 10000-12000 كم، لكن الأبارث SS والألفاروميو T-JET لما الباور تكون 170-180 حصان بينقل للزوجة أعلى Selenia Abarth 10w-50 وبينزله على 6000-8000 كم !! وأعلى state-of-tune اللى هى الـ500 Asseto-Corse الـ210-215 حصان (Racing/ Track-only limited edition) بينزل الزيت والفلتر على 1500 كم فقط !!! =D لأن الموتور كله أساسا بيتعمله re-build كل 6000 كم

[/gdwl]

المشاركة الأصلية كتبت بواسطة borio1704

أرجو إنك تاخد أسئلتي وتعليقاتي بصدر رحب.. لإني ما سألتش الأسئلة دي إلا لإني عارف إني بتكلم مع محترف.


...

[gdwl]
you r welcome Ahmed Nabil Alboraie anytime :)

[/gdwl]


...