الموضوع: الدولار كمان و كمان

ياريت اللى يتكلم عن شئ يكون عن علم مش كلام مرسل و خلاص

مصر القديمة سابت تعاليم اخلاقية استقت منها كل حضارات العالم مش بس منشآت فى الحجر خلدها الزمن. . . بل اكتر من كده. . . التعاليم الاخلاقية المصرية القديمة اكدت عليها كل الاديان السماوية اللاحقة بآلاف السنين بل صاغت نصوص موازية لها بنفس التعاليم تكاد تكون نسخة طبق الاصل فى المعانى الاخلاقية التى تحض عليها

انا مش هتكلم كتير لان الكلام ملوش فايدة. . . لكن هرد بكتاب و لا حد يعرفه و لا سمع عنه اسمه فجر الضمير the dawn of conscience مؤلفه جيمس هنرى بريستد. . . ده للى عايز يعرف القيم الاخلاقية السائدة فى مصر من 5000 سنة. . . و ياريت بس لو حد هيعلق يبقى بكتاب بس مش كلام فى الهوء و خلاص

نقطة اخيرة. . . توجد نظارات يرتديها الانسان ينظر من خلالها الانسان و تكون مدخله لفهم الكون و الوجود. . . اهمها نظارة العلم و الدين و الفلسفة. . . من حق اى حد ان يرتدى النظارة التى تعجبه. . . لكن ليس من حقه ان يصادر الحق الذى يتم رؤيته ببقية النظارات سواء علم او فلسفة او يحتكر الحقيقة لنفسه و طريقته فى الرؤية. . . لان الحقيقة متعددة الابعاد و ليست ذات بعد واحد. . . الله يرحمك يا مصطفى محمود

المشاركة الأصلية كتبت بواسطة imhotep

ياريت اللى يتكلم عن شئ يكون عن علم مش كلام مرسل و خلاص

مصر القديمة سابت تعاليم اخلاقية استقت منها كل حضارات العالم مش بس منشآت فى الحجر خلدها الزمن. . . بل اكتر من كده. . . التعاليم الاخلاقية المصرية القديمة اكدت عليها كل الاديان السماوية اللاحقة بآلاف السنين بل صاغت نصوص موازية لها بنفس التعاليم تكاد تكون نسخة طبق الاصل فى المعانى الاخلاقية التى تحض عليها

انا مش هتكلم كتير لان الكلام ملوش فايدة. . . لكن هرد بكتاب و لا حد يعرفه و لا سمع عنه اسمه فجر الضمير the dawn of conscience مؤلفه جيمس هنرى بريستد. . . ده للى عايز يعرف القيم الاخلاقية السائدة فى مصر من 5000 سنة. . . و ياريت بس لو حد هيعلق يبقى بكتاب بس مش كلام فى الهوء و خلاص

نقطة اخيرة. . . توجد نظارات يرتديها الانسان ينظر من خلالها الانسان و تكون مدخله لفهم الكون و الوجود. . . اهمها نظارة العلم و الدين و الفلسفة. . . من حق اى حد ان يرتدى النظارة التى تعجبه. . . لكن ليس من حقه ان يصادر الحق الذى يتم رؤيته ببقية النظارات سواء علم او فلسفة او يحتكر الحقيقة لنفسه و طريقته فى الرؤية. . . لان الحقيقة متعددة الابعاد و ليست ذات بعد واحد. . . الله يرحمك يا مصطفى محمود

كلام محترم و عميق للغاية
ياريت نفهمه كويس كلنا

أصل الموضوع هو رغبتنا جميعا في أن نتقدم و نصبح شعب محترم و راقي
كل واحد صاحب مذهب سياسي أو فكري له طريقة في الوصول لهذا الهدف و للأسف التخوين هو أسهل طريقة للهجوم علي المنافسين
عموما دول كتير مرت خلال تطورها بنفس المرحلة ألتي تمر بها مصر حاليا

و الحل بسيط جدا و مش محتاج نخترع العجلة

و هو التعليم ثم التعليم ثم التعليم
زي كده تجربة ماليزيا

يعني من الأخر لازم كلنا نسكت شوية و نبطل أي مطالب و نحاول نرصد كل أمكانيات الدولة للتعليم لمدة 20 سنة و بعدها ممكن نكون أفضل حتي من أوروبا و من غير أي ديكتاتور عادل

كانت بداية الموضوع عن الدولار و انتقلت مشاركات حضراتكم من موضوع الى موضوع فى حوار شيق لتبادل وجهات النظر و الروئ بشكل حضارى مهذب و فيه اختلاف بدون اختلاف و شهد الحوار رجوع بع " مناظيرى " المنتدى المحترمين و فكرونى بالمنتدى من سنتين حيث كنا نتبارى بالرأى امام الرأى الاخر بكل مودة و احترام و ثقافة و فكر واعى حقيقى انا سعيد و شكرا للجميع

بدأت الحكومة إعداد مشروع موازنة السنة المالية المقبلة ٢٠١٦/ ٢٠١٧ على أساس سعر صرف ٨.٢٥ جنيه للدولار، مقابل ٧.٧٥ جنيه في السنة المالية الجارية، بحسب مصادر، وتعاني مصر أزمة متصاعدة في الدولار، نتيجة نقص المعروض منه، ما أدى لارتفاع سعره مقابل العملة المحلية.

نقلا عن وكالة «رويترز» للأنباء عن مصدرين حكوميين، الإثنين، أن سعر الصرف المقترح في الموازنة الجديدة يعنى أن الحكومة ستتجه بشكل مباشر نحو تخفيض سعر الصرف الرسمى للعملة عن مستواه الحالى، في خطوة لجذب الاستثمارات الأجنبية.

و من المقرر أن ينخفض سعر الجنيه بنحو 42 قرشًا في الموازنة الجديدة، حسب خطة الحكومة، وهو ما يؤثر على القدرة الشرائية للمواطنين، الذين تتراواح رواتبهم حول 1200 جنيه، الحد الأدنى للأجور، ويساوي مبلغ 1200 جنيه، نحو 145.4 دولارًا، بالسعر المتوقع للدولار، منخفضًا بـ7.8 دولارًا عن السعر الحالي، إذا كان يساوي نفس المبلغ نحو 153.2 دولارًا، وبذلك سيتنخفض القدرة الشرائية للمبلغ بنحو 64 جنيه مصريًا.

الأمرى نفسه ينطبق على من يكون دخله الشهري نحو 2000 جنيه، إذا يساوي المبلغ بسعر الدولار الحالي نحو 255 دولار، وبالسعر المتوقع في الموازنة الجديدة سينخفض المبلغ إلى نحو 242 دولار، وستنخفض القدرة الشرائية بحوالي 13 دولار، أي نحو 107 جنيهًا.

ويري الدكتور عبدالخالق فاروق، رئيس مركز النيل للدراسات الاقتصادية، أن إعلان الحكومة رفع سعر صرف الدولار في الموازنة الجديدة، يأتي ضمن الارتباك والتخبط، في القرارات الاقتصادية، الذي تعاني منه الحكومة، مشيرًا إلى أن «قضية الجنية والدولار، عرض لمرض أكبر متعلق بأزمة هيكلية وخلل في الاقتصاد المصري»

فى رأيى العائق الأساسى لاى تحسين او تطوير او تسهيل .......... هو الجهاز الأدارى للدولة بكل بيروقراطيته و ترهله و العقليات الحجرية اللى بتحكمه و الفساد المستشرى فيه

مهما تعمل اغراءات و تسهيلات للمستثمرين و افكار لمشاريع جذابه و فرص للتجارة و النشاط و النمو .......... الدخول بعد كده لغياهب و سراديب الجهاز الأدارى للدولة لأستخراج تراخيص او تصاريح او تسجيل او تقنين او ضرايب و ماشبه .. تجربة كفيلة بالمستثمر ان يطلع يجرى و يهرب من القرف ده

مابين مدام سعاد بتاعت الضرايب لمدام عدلات بتاعت الأدارة التعليمية لأستاذ عبد ربه بتاع الشهر العقارى ........... ممكن ترتكب جناية

فيبقى الحل ببساطة .......... هو خلخلة الجهاز الأدارى و تطبيق فكر الحكومة الألكترونية و التخلص من العمالة الزائدة

تعالى بقى تخلص من العمالة الزائدة ......... تعالى بقى قول احنا عايز نخفض عدد الموظفيم مليون واحد بس من اصلا 6 او 7 مليون

يالهوى على اللى حيحصل ........ بهدلة و اعتراضات و مظاهرات و اضرابات و مسخرة ماليها اول من اخر

دول عشان عملوا قانون رغم كل شىء بيحاول ينظم و يظبط شوية (قانون الخدمة المدنية) الدنيا قامت و ماقعدتش ........ ازاى تجرؤ على المساس بموظفين التكية و الأتة المحلولة !!!

يا عم قول يا باسط

المشكلة معقدة جدا .....اولا لازم يكون هناك قانون خدمة جديد و بند الاجور لازم يتقلص مش فاكر كام مليار و ده مش خيار و لكنه احدى شروط البنك الدولى هذا من ناحية .....من جهة اخرى الموظفون ومن يعلوهم يعنى بنتكلم فى حوالى 28 مليون مواطن لا مورد لهم بخلاف راتب الدولة ( اللى هو اساسا غير كافى) ....... و كان هناك حل تم طرحه اكثر من مرة و اجهض و فشل و هو الحد الادنى و الحد الاعلى ......يعنى فيه موظفين فى الدولة الحوافز تتعدى 2 و 3 و اكثر مليون جنيه فى الشهر و اعدادهم مش قليلة و لو تم التوزيع العادل للاجور لكان هناك فائض مالى معتبر و سبق طرح الموضوع ده اكثر من مرة و لكن من بيدهم الامر هم سيكونوا اول المتضررين من موضوع التوزيع العادل لاسيما بعد الارقام الفلكية اللى اعلنت فى الايام الاخيرة بخصوص حوافز بمليار و 650 مليون جنيه ل12 واحد فى الداخلية ( اللى مش مصدق يرجع لجريدة الاهرام) .
القانون لازم يتنفذ لانه شرط من البنك الدولى .....طيب هيتنفذ ازاى ؟ الايام القادمة فيها الاجابة