بخصوص فريون R410A
1- مش الطبيعي ان حضرتك تزود شحنة في جهازك الا لو الجهاز فيه تسريب فريون وده نادر لما بيحصل بعد فترة من التشغيل لأن لو فيه تسريب نتيجة عيب صناعة بيبان مع اول فترة تشغيل للجهاز يعني وهو لسه جديد

2- فعلا الكويل"السربنتينة" الخاص بالوحدة الخارجية بيبقي من نوع جديد اسمه Micro Channel وده عمره الافتراضي بالميت عشر سنين وهوا نفسه المستخدم في ردياتير العربيات كلها وفعلا هوا مفيهوش مواسير نحاس اطلاقا وكله المونيوم ،مميزاته انه حجمه صغير وتكلفته قليلة بالمقارنة بالكويل النحاسي اللي ليه نفس القدرة الحرارية،اما عيوبه انه لو حصل فيه تسريب مبيتصلحش بيترمي ويتجاب غيره

3-العالم كله راح لل R410A عشان صديق للبيئة وبيحقق كفاءة استهلاك طاقة عالية مقارنة با R22 وقريب اوي هتلاقي اغلب الاجهزة في مصر بالفريون ده عشانه يحققه كفاءة الطاقة المطلوبة