اقتباس المشاركة الأصلية كتبت بواسطة Hosam_Optrawy مشاهدة المشاركة
بخصوص الفتيس التوكيل اكيد مش هايجيب الفتيس ال AMT دا تانى لانه غير ملائم لطريقة سواقتنا ولا شوارعنا ولا ثقافتنا ، بإختصار فتيس فاشل

ولما نزل زمان في الكورولا 2008 فشل وعمل مشاكل كتير ومعظم الناس غيروه بالأوتوماتيك العادى

والتوكيل مش هايطلب فتيس جديد ولا حاجه لانه بالفعل موجود مش لسه هايتصنع زى ماحضرتك ذكرت

يوجد 4 نسخ من الجرانتا في روسيا

1600 سى سى 8 صمام 87 حصان مانيوال 5 سرعات

1600 سى سى 16 صمام 106 حصان مانيوال 5 سرعات

1600 سى سى 16 صمام 106 حصان AMT اوتوماتيك 5 سرعات

1600 سى سى 16 صمام 98 حصان أوتوماتيك 4 سرعات ، دا المتوقع ييجى الفتره الجايه بدل AMT

وهو فتيس اوتوماتيك عادى مش EasyTronic لان ال EasyTronic هو نفس فكرة ال AMT ولكن بمسمى مختلف

وعلى فكره الفتيس الاوتو اللى هاينزل دا مفيهوش ستيبترونيك ، فيه D و 1 2 زى الفتيسات القديمه

يعنى لا هو ستيبترونيك ولا ايزى ترونيك زى ما التوكيل بيقول

أخيرا ال AMT أغلى فعلا من الاوتو العادى زى ماحضرتك ذكرت ، لكن الهدف الأساسى من عدم إستيراد النسخه ال AMT وإستبدالها بالأوتو العادى هو البعد عن مشاكل ال AMT

بسم الله الرحمن الرحيم

أستاذ حسام

أولآ :سعيد جدآ بالنقاش مع حضرتك. و تبادل العلم مع حضرتك هو إضافه شحصيه لى أنا.

ثانيآ: أود توضيح عدة نقاط.

1 - أنا لم أكتب إلا ما أخبرنى به الوكيل حرفيآ

2 - كنت حريص جدآ ألا تختلط أرائى الشخصيه أو تعليقاتى بما أخبرنى به الوكيل حريصآ على عدم الجور و تحريف الكلام . . فكتبت ما قاله الوكيل و تحته كتبت تعليقاتى

3 - لم يخبرنى الوكيل بوجود أى مشاكل فى الفيتيس AMT و كذلك لم يخبرنى أن سبب تبديله هو فرق السعر و لكن نفس الوكيل مازال يبيع السياره بى واى دى بفيتيس به الكثير من المشاكل وهو DCT

4 - الآن أعلم من حضرتك أن هذا الفيتيس به مشاكل و تم تجربته فى التويوتا 2008 و لم ينجح و بذلك ينضم إلى مجموعة الفيتيسات الفاشله فى مصر و لكننى أيضآ أعلم أن بعض موديلات الBMW فيها هذا الفيتيس و رغم ذلك لم يتنامى إلى علمى وجود شكاوى منه. . . ربما يكون غيرى قد سمه به أو ربما تكون هذه الموديلات لا تنزل مصر . . على أى حال ما أقصده أننى لم أسمع سابقآ عن مشاكل هذا الفيتيس



5 - الأهم من كل ذلك . . إن كان الوكيل لن يبيع السياره بفيتيس AMT و لا بالفيتيس Easy tronic و لا بالفيتيس Step tronic كما ذكرت حضرتك فلماذا مازال ينشر أن الأوتوماتيك ستكون AMT فى البروتشور؟



6 - كيف يكون أى شخص متأكد يقينآ من نوع الفيتيس القادم إن كان الوكيل يكذب بهذا الشأن ؟

أكرر أن النقاش مع حضرتك هو إضافه شخصيه لى و أنا سعيد بذلك

السلام عليكم و حمة الله و بركاته