استفسار بس معلشوعليكم السلام ورحمة الله وبركاته
العفو انا اللى سعيد بالنقاش مع حضرتك
وانا ماقصدش خالص ان حضرتك حرفت كلام او قلت معلومات غلط
لأ خالص انا بس حبيت أوضح بعض النقط
التوكيل عمره ماهايعترف بمشاكل ال AMT ودا شيء طبيعى ، المشكله فى الفتيس دا طريقة سواقته اللى بتؤدى الى أعطاله ، اما ال DCT طريقة سواقته عاديه زى اى اوتوماتيك بغض النظر فيه مشاكل او لأ
انا ماجربتش الفتيس ال AMT بنفسى لكن معلوماتى عنه انه عباره عن فتيس مانيوال لكن بدون دبرياج وبينقل لوحده الكترونيا زى الأوتوماتيك لكن هو في الأساس مانيوال مش اوتوماتيك ، نقلاته مش ناعمه ولا سلسه بالذات في الزحمه ، وليه طريقة سواقه معينه فلما بيتساق عادى زى الفتيس الأوتوماتيك مع الوقت بيبتدى ينتش ويظهر فيه مشاكل
دا شكله في اللادا جرانتا
اما ال DCT فهو فتيس اوتوماتيك عادى لكن ب 2 دبرياج كل واحد مسؤول عن نقلات معينه مثلا لو الفتيس 7 نقلات يبقى الأول مسؤول عن النقله 1 و 3 و 5 و 7 والدبرياج التانى مسؤول عن 2 و 4 و 6 و R والهدف من دا سرعة النقل في أقل وقت ممكن للحصول على أعلى أداء ، بس برضه مع الزحمه بتاعتنا والحراره والتراب بيظهر فيه مشاكل ، لكن طريقة سواقته عاديه زى اى فتيس اوتوماتيك عادى
الفتيس ال AMT فتيس فاشل بكل تأكيد ، حضرتك لو راجعت مواضيع الكورولا في 2008 و 2009 هاتلاقى مشاكل كتير جدا ، وهو في تويوتا اسمه MMT
ممكن يكون العيب في السواق مش في العربيه بس في النهايه هو فشل عندنا ، ومش بس مصر اللى فاكره ان مشكلة الكورولا في 2008 كانت منتشره في كذا دوله في العالم
وفعلا ال AMT موجود في بعض عربيات bmw تحت اسم SMG ولكن في الحاجات العاليه اوى مابتنزلش مصر زى ال M Series وطبعا اللى بيجيب عربيه زى دى بيبقى عارف يسوقه ازاى
وكان موجود برضه في الأوبل فكترا 2008 تحت مسمى EasyTronic ، وموجود لحد دلوقتى في عربيات فيات زى البونتو تحت مسمى Dualogic
اما بخصوص الفتيس اللى هاينزل في الجرانتا ، فحضرتك اللى قولت ان التوكيل مش هاينزل ال AMT تانى ، يبقى اكيد الأوتوماتيك العادى هو اللى هاينزل لأن مفيش غيره اللى باقى هو والمانيوال
ودا شكل الفتيس الأوتوامتيك بتاع الجرانتا اللى المفروض ينزل ولو لاحظت هاتلاقيه من غير ستيبترونيك زى ماقولت لحضرتك
أتمنى تكون الصوره وضحت ولو في اى استفسار تحت أمرك
انا مش فاهم أزاي ال dct فتيس اتوماتيك عادي
مش هو في 2 دبرياج مع ناقلين حركه جواه
يعني شبه ال dsg يبقى زيه زي ال amt ?
المفضلات