الموضوع: تقفيل الشقة لفترة طويلة .. مطلوب النصيحة من أصحاب الخبرة

تروح وترجع بالسلامة

بالنسبة للملابس والمفروشات .. ( نفتلين بلي ) تحوطه جوه شرابات حريمي وترميه وسط الملابس وحواليها
ومايضرش بردو لو رميته في كل مكان في الشقه .. لأنه بيمتص الرطوبه اللي بتسبب اغلب المشاكل
وبيمنع العتة

وكدة كدة مش هيكون فيه رطوبة لأن الشقة مفهاش نفس ولا استخدام حمام ولا استخدام مطبخ

وممكن تشتري 10 علب كيروكس كبير ب 15 من عند بتاع المنظفات ب 19 من الصيدلية
وتغرق الشقه رش وخاصة حوالين الشبابيك والابواب قبل المغادرة مباشرة وتقفلها

بالنسبة للتراب
في كوتش بيتباع عن الموان اسمه مانع الاتربة .. هو بيكون فيه وجه بيلزق بعد ماتشيل الورقة
هاته والزقه على كل الشبابيك في الاماكن اللي ممكن يكون فيها تنفيث او غير محكمة
فيه منه نوع تركي 6 متر .. وفي نوع عادي بيقطعلك زي مانت عايز .

وطبعاً هتأمن عالغاز والكهرباء والميه .. وتشغل راديو على محطة القرأن الكريم
طبعاً هتسيب كهربا للراديو .. وتفصل الكهربا عن باقي الشقة .. وماتسبش نور شغال
علشان ممكن لاقدر الله ولو نسبة ضئيلة ان اللمبة تسخن وتسبب حريق او ماس او اي بتنجان
والراديو تخليه في مكان فاضي بعيد عن اي احتمال لعمل ماس كهربائي .

ويفضل من وقت للتاني حد يروح يبص عالشقة .. لو ليك حد تثق فيه اوي اوي اوي .

دة اللي في بالي حالياً .. شوف باقي الناس هتقول ايه .

المشاركة الأصلية كتبت بواسطة dreamo

تروح وترجع بالسلامة

بالنسبة للملابس والمفروشات .. ( نفتلين بلي ) تحوطه جوه شرابات حريمي وترميه وسط الملابس وحواليها
ومايضرش بردو لو رميته في كل مكان في الشقه .. لأنه بيمتص الرطوبه اللي بتسبب اغلب المشاكل
وبيمنع العتة

وكدة كدة مش هيكون فيه رطوبة لأن الشقة مفهاش نفس ولا استخدام حمام ولا استخدام مطبخ

وممكن تشتري 10 علب كيروكس كبير ب 15 من عند بتاع المنظفات ب 19 من الصيدلية
وتغرق الشقه رش وخاصة حوالين الشبابيك والابواب قبل المغادرة مباشرة وتقفلها

بالنسبة للتراب
في كوتش بيتباع عن الموان اسمه مانع الاتربة .. هو بيكون فيه وجه بيلزق بعد ماتشيل الورقة
هاته والزقه على كل الشبابيك في الاماكن اللي ممكن يكون فيها تنفيث او غير محكمة
فيه منه نوع تركي 6 متر .. وفي نوع عادي بيقطعلك زي مانت عايز .

وطبعاً هتأمن عالغاز والكهرباء والميه .. وتشغل راديو على محطة القرأن الكريم
طبعاً هتسيب كهربا للراديو .. وتفصل الكهربا عن باقي الشقة .. وماتسبش نور شغال
علشان ممكن لاقدر الله ولو نسبة ضئيلة ان اللمبة تسخن وتسبب حريق او ماس او اي بتنجان
والراديو تخليه في مكان فاضي بعيد عن اي احتمال لعمل ماس كهربائي .

ويفضل من وقت للتاني حد يروح يبص عالشقة .. لو ليك حد تثق فيه اوي اوي اوي .

دة اللي في بالي حالياً .. شوف باقي الناس هتقول ايه .

متشكر جداً يا باشا على ردك .. هجيب نفتالين ومانع الأتربة دول وأعملهم النهاردة

المشاركة الأصلية كتبت بواسطة حسام الغرباوي

بالاضافة لمشاركة الاستاذ dreamo

فحضرتك لازم لازم لازم لازم ..تغطي العفش بالكامل بمشمع بلاستك ...عن تجربة لازم لان مهما قفلت ومهما عملت حسابك بيدخل اتربه وبيدخل حشرات ...

اوعي تنسي المية اوعي تنسي المية اوعي تنسي المية ..اقفل المحبس الرئيسي


متسبش ملابس في الدولاب بشكل دايركت ...حطها في شنط ..( لازم تكون مغسولة وناشفة كويس ) وتقفل الشنطة ...في شنط بلاستك كبيرة بسوسته زي شنط السفر ( شبة بتاعة البطاطين كدا )


غطي ضهر التلاجة والاجهزة الكهربائية ببلاستك ولزق للاحتياط من دخول قوارض ...


شغل قرأن ...وحاول تخلية جنب باب الشقة ...يعني اللي واقف برة يسمع صوت القران للاحتياط


اوعي تحط قفل علي باب الشقة من برة ...

متشكر جداً على ردك يا أستاذ حسام ..

بس بالنسبة لتغطية العفش .. ينفع قماش مكان المشمع وأربط القماش بخيط ؟