أشترى رينو لوجان أعلى فئة و لا نيو أوبترا 2016

**engphp** · 14-05-2016 03:21 AM

أشترى رينو لوجان أعلى فئة و لا نيو أوبترا 2016 حد يساعدنا ارجوكم

الرينو لوجان الفئة الاعلى سعرها بقى 146000
النيو اوبترا 2016 بقت 143000

اشترى مين
مين احسن و ينفع فى السفر
و الامان
اداء كويس
حد يفيدنا بالله عليكم

**scientist9508** · 16-05-2016 06:09 AM

بسم الله الرحمن الرحيم

أخى الفاضل

لن أفتي لك فى الأوبترا لأننى لم أجربها و إن كانت توقعاتى عنها متفائله و يدعم ذلك إنتشارها السريع فى وقت قصير

أما عن اللوجان فقريب لى إشتراها و من ثانى شهر من إمتلاكها شعر بالندم على شرائها ولو كان معه إمكانيه تغييرها كان قد باعها فى شهرها الثانى معه

هداك الله لأرشد أمرك و أقومه

السلام عليكم و رحمة الله و بركاته

**mostafagaber** · 16-06-2016 03:04 PM

الخوف من الاوبترا اعاده البيع لائن مضوع انها سياره صينيه بالكامل عمل لها سمعه سيئه من الممكن ان تعيقك اثناء اعاده البيع

**m-sabry** · 19-06-2016 10:37 PM

انت شفت اﻻوبترا الجديدة؟ انا شفتها من يومين في التوكيل.. اتوهمت.. عربية تحفة.. فوق الوصف.. مواصفات وكماليات رهيبة.. اﻻفضل في فئتها السعرية.. لكن بيقولوا ان موتورها صيني.. سألت التوكيل قالولي انها كوري والفتيس كوريس لكن الموتور اجزاء منه صيني واجزاء ياباني واجزاء كوري.. وقالولي ان معظم العربيات المنافسة كده برضو وان مفيش موتور كامل بيكون كل اجزاؤه من بلد واحدة لكن التوكيﻻت التانية مبتقولش..
لكن اقولك على حاجة.. صدقني بعد ما شفتها وقعدت جواها وشفت جودتها وعزل الصوت وفتحة السقف..و..و ... الخ قررت غالبا اجيبها ان شاء الله حتى لو كلها صيني !!! حلوة اوي
غلبت الوجان والصني

**wael30003** · 23-06-2016 01:15 AM

متابع بشدة

لأنى بفكر اشترى الاوبترا ومحتار بنها وبين اللوجان

لوجان الفئة التانية اوتو 137000
الاوبترا a/t f/o 1.5
136990

**m-sabry** · 24-06-2016 11:02 PM

نصيحة مني إلحق الاوبترا قبل نهاية رمضان.. انا كنت زيك محتار بين اللوجان اعلى فئة والصني والتيجو وبعد مقارنة مستفيضة لمدة شهرين كنت خلاص هجيب اللوجان لولا واحد صاحبي الله يكرمه قالي عالاوبترا.. ولما قارنتها باللوجان لقيتها احسن بكتير... بص مش هقولك غير روح اركب الاتنين هتعرف انا اقصد ايه.. ببقولوا انها وحشة علشان معظمها صيني.. طب صدقني لو شفتها وركبتها هتشتريهاحتى لو كانت انتاج مصانع جاكي شان
العربية تحفة.. وهم.. فوق الوصف.. فخمةجدا وقيها كل ما تتخيله وتحلم بيه..
بقولك الحقها لان سعرها في التوكيل كان ١٣٧ الف وللاسف زاد يوم الخميس اللي فات وبقى ١٤٠ الف والاستلام خلال ٤٥ يوم.. اما المعارض فاستلامها فوري وسعرها اعلى طبعا.. بس التووكيل موديل ٢٠١٧ والمعارض معظمها ٢٠١٦

**m-sabry** · 24-06-2016 11:15 PM

الاوبتراالجديدة التجميع المصوي تحفة ياجماعة والله.. اقولك حاجة..روح الشيخ زايد عالمحور من بره بعد هايبر وان.. هتلاقي توكيل نيسان ورينو وشيفروليه التلاتة لازقين في بعض.. ادخل نيسان اركب الصني وادخل رينو واركب اللوجان وادخل شيفروليه واركب الاوبترا هتفهمانا اقصد ايه... عربية رووووووعة تحفة بجد والله

**Mohamed Desoky** · 24-06-2016 11:56 PM

المشاركة الأصلية كتبت بواسطة m-sabry

الاوبتراالجديدة التجميع المصوي تحفة ياجماعة والله.. اقولك حاجة..روح الشيخ زايد عالمحور من بره بعد هايبر وان.. هتلاقي توكيل نيسان ورينو وشيفروليه التلاتة لازقين في بعض.. ادخل نيسان اركب الصني وادخل رينو واركب اللوجان وادخل شيفروليه واركب الاوبترا هتفهمانا اقصد ايه... عربية رووووووعة تحفة بجد والله

عارف حضرتك لو الاوبترا تقفيل الصين هتبقى افضل بكتير من التقفيل الاهبل المصرى قال صنعه فى مصر قال ومش فاهم حد بيشترى زيرو وبيفكر فى سعر اعادة البيع ياعم افرح وخد خيرها 5 سنين وبعدين ربك يحلها من عنده ؟

**wael30003** · 25-06-2016 01:42 AM

الموضوع مش شكل وفخامة

لان كل الصينى بيتميز بالفخامة

لكن تظهر مشاكله بعد الاستعمال

احنا عايزين حد عمل 100000 كم عشان نقدر نحكم عليها

اللوجان عملت 100 و150 الف وشغاله زى الفل والبيع شغال بعد ما وصلت للرقم ده فى العداد

ما تتخدعش بالمظاهر ....الصينى بيعتمد على المظاهر

ونات شايف اخبار الاسبيرانزا ايه ؟

واخبار ايمجراند ايه ؟

**Mohamed Desoky** · 25-06-2016 02:22 AM

المشاركة الأصلية كتبت بواسطة wael30003

الموضوع مش شكل وفخامة

لان كل الصينى بيتميز بالفخامة

لكن تظهر مشاكله بعد الاستعمال

احنا عايزين حد عمل 100000 كم عشان نقدر نحكم عليها

اللوجان عملت 100 و150 الف وشغاله زى الفل والبيع شغال بعد ما وصلت للرقم ده فى العداد

ما تتخدعش بالمظاهر ....الصينى بيعتمد على المظاهر

ونات شايف اخبار الاسبيرانزا ايه ؟

واخبار ايمجراند ايه ؟

ممكن تقولى اخبار السانديرو ايه وكل الرينو الجديد لحق يعمل 150 الف كيلو فى كام سنه وبعدين احنا مش بنتكلم عن عربيه صينى احنا بنقول تجميع الصين هيا اسمها شيفروليه ؟ومن امته كانت الرينو ناجحه فى مصر بلاش اوربا فاكر الداتشا نوفا نزلت كام سنه واختفت خالص والميجان الفاشله انا ركبتها اسؤء عربيه تكييف وحش استهلاك بنزين قطع غيار اغلى من الالمانى ؟فى حاجه فى الميجان مو 2008 كل 10 الاف كيلو لازم الكومبيوتر يضرب كويون كل 10 الاف مظبط نفسه وكان الواحد بس 600 ج احسب فى اربعه كل سنه هعمل 40 الف عربيه مقلب الميجان وسعر بيع واقع عمر الرينو ماكان زى البيجو والسيتروين وسعرهم اكبر بكتير وله الرينو مش فرنسى وله هيا لقيطه ملهاش بلد؟؟؟؟؟