أشترى نيسان صنى واللا رينو لوجان

**Egyzizo** · 24-09-2009 12:24 PM

بالرغم ان العربيتين مش من نفس الفئة ، لكن هأقول لكم على ظروفى وأرجو النصيحة علشان أنا عايز أخلص لأنى وصلت لمرحلة شد الشعر فى الحيرة ..

ميزة الصنى بالنسبة لى :
مركز خدمة ومعرض تحت البيت
عربية يابانى قيمة وسيما
أوتوماتيك

عيوب الصنى اللى شفتها حسب قراءاتى:
استهلاك بنزين عالى نسبياً
كنبة خلفية ضيقة

ميزة اللوجان بالنسبة لى:
سعرها مناسب
واسعــــة
اقتصادية فى استهلاك البنزين

عيوب اللوجان:
خايف تبقى شعبية وتقلب تاكسيات
مافيش منها أوتوماتيك
أقرب مركز صيانة ليا محتاج سفر ساعتين

**amr.elsayed** · 24-09-2009 12:36 PM

يا زيزو انت سألت ورديت على نفسك شوف انهى عربية
تلبى احتياجاتك اكتر وطبعا الصنى يشترط الحالة

**Egyzizo** · 24-09-2009 12:45 PM

ما هو عشان أنا محتار ، يا ريت تحطوا نفسكم فى ظروفى وتساعدونى فى الاختيار ..

وأنا باتكلم عن الزيرو سواء فى الصنى أو فى اللوجان.

**CryptonX** · 24-09-2009 12:50 PM

انا افضل الصني و خصوصا بظروف حضرتك الي قلتها .

**Egyzizo** · 24-09-2009 01:22 PM

شكراً كربتون على مساعدتك اللى أكيد هاحطها فى الاعتبار ..

بالنسبة للفئة السعرية فأنا حدى الأقصى الى مش هيقطم وسطى هو 100 ألف جنيه ..

بس أنا لما أعرف ان ست الكل هتكون قاعدة فى الكنبة الخلفية بتاعة اللوجان مستريحة عنها فى الصنى ، فده يخلينى احطها فى الاعتبار ..
هى كنبة الصنى ضيقة قوى؟

**amr.elsayed** · 24-09-2009 02:01 PM

المشاركة الأصلية كتبت بواسطة Egyzizo

شكراً كربتون على مساعدتك اللى أكيد هاحطها فى الاعتبار ..

بالنسبة للفئة السعرية فأنا حدى الأقصى الى مش هيقطم وسطى هو 100 ألف جنيه ..

بس أنا لما أعرف ان ست الكل هتكون قاعدة فى الكنبة الخلفية بتاعة اللوجان مستريحة عنها فى الصنى ، فده يخلينى احطها فى الاعتبار ..
هى كنبة الصنى ضيقة قوى؟

بص يا زيزو من الاخر واللى فهمته من كلامك انك عايز تشترى اللوجان بس خايف منها
عشان هى جديدة ومش معروفة اوى احب اقولك ان العربية كويسة جدا ومريحة جدا
وواسعة وتوكيل محترم جدا وانا نفسى حجزت اللوجان لنفس سبب ست الكل اللى
عايزها تكون قاعدة فى العربية مستريحة اخر حاجة ودة سبب رئيسى فى حجزى للوجان
على فكرة انا من اسكندرية يعنى التوكيل بعيد عنى
بالنسبة للصنى انا معنديش معلومات كتير عنها انا ركبتها يامة مع صديق مقرب جدا ليا
بس معجبتنيش لسبب واحد ان هى مش مريحة شوية + فعلا الكنبة بتاعتها ضيقة
دى حاجة انا استعجبتلها نظرا لطول العربية من الخارج وتحس انها عفشتها ناشفة شوية (الكلام على ex salon)
بالنسبة للفئة السعرية (اقصى امكانياتك 100 الف ) فى حاجات تانية ضميرى يحتم عليا انك
تشوفها زى الكيا سيراتو واسعة فيه فئة اوتو قريبة من امكانياتك
سوزوكى sx4 واسعة 103000 الف مانيول
وربنا يرشدك للاختيار الامثل

**hesham_soaida** · 24-09-2009 03:11 PM

لو انت الاثنين دول بس اللي حتختار بينهم, انا حرشحلك الصني. بالنسبة للكنبة الخلفية الضيق بالنسبة للطول, وليس العرض, يعني حيبقى صعب واحد طويل يقعد ورا.

**Samah AbdAllah** · 24-09-2009 08:15 PM

انا ارشح اللوجان مادامامت عاجباك لان العربية ممتازة من تقارير الزملاء عنها وتوكيل رينو محترم وممكن تفكر فى رينو سيمبول
بس ليه مفكرتش فى ميتسوبيشى او كيا سيراتو

-

الموضوع: أشترى نيسان صنى واللا رينو لوجان

LinkBack

أدوات الموضوع

عرض

-

-

-

المواضيع المتشابهه

نيسان صنى ولا رينو لوجان؟

ايهما افضل نيسان صنى الجديده او رينو لوجان

ايهما افضل نيسان صنى الجديده او رينو لوجان

هوندا سيفيك واللا مازدا 3 واللا فورد فوكس واللا اوكتافيا 2012

نيسان أبريو = رينو لوجان

الكلمات الدلالية لهذا الموضوع

المفضلات

المفضلات

ضوابط المشاركة