التكييف مش بيبرد كويس .. شوية بارد وشوية هواء عادي

**راجي رضا الله** · 03-06-2016 04:43 PM

بسم الله الرحمن الرحيم
اللهم صل على محمد وعلى آله وصحبه أجمعين

انا عندي جهاز تكييف شارب بارد فقط 1.5 حصان .. من سنتين تقريبا بدأ يخرف .. يعني مرة يشتغل كويس وعشرة لا

حتى لما بيجيب هواء بارد مش بيبقى بارد قوي زي الأول .. ويشتغل شوية وبعدها بنص ساعة مثلا أو أقل يجيب هواء سخن ( صهد )

جبنا شركة صيانة وغيروا الكباستور اللي في الكباس .. وشحنوا الجهاز فريون ونضفوه وقاسوا الكهرباء اللي داخلة للتكييف لقوها 170 تقريباً

فهل الستابلايزر هيخلي الجهاز يشتغل كويس ويجيب ساقع زي الأول ومش هيفصل فجأة ويجيب صهد تاني ؟؟

**راجي رضا الله** · 03-06-2016 10:44 PM

الو الوووو

**Karim Alaa** · 04-06-2016 02:30 AM

نوعه ايه؟ يونيون اير :)

**Elawany13** · 04-06-2016 08:52 AM

احتمال كبير يكون ضعف الكهرباء السبب والله اعلم

**راجي رضا الله** · 04-06-2016 01:04 PM

المشاركة الأصلية كتبت بواسطة Karim Alaa

نوعه ايه؟ يونيون اير :)

شارب :)

**borio1704** · 04-06-2016 02:16 PM

المشاركة الأصلية كتبت بواسطة راجي رضا الله

طب لو السبب من الكهرباء .. هل الستابلايزر هيحل المشكلة ؟

الاستابيلايزر ممكن قوي يحل المشكلة..

كل المكيفات بتفصل الكمبريسور لمدة 3 دقايق لو حصل إنك فصلت الكهربا مثلا ورجعت شغلت المكيف تاني... وأتوقع إن المكيف بيمنع تشغيل الكمبريسور كإجراء وقائي علشان الكمبريسور ما يضربش.

نفس الكلام ينطبق على الثلاجة.

...

**راجي رضا الله** · 04-06-2016 02:44 PM

المشاركة الأصلية كتبت بواسطة svneleven

طبعا الكهربا هي السبب. 170 فولت قليل جدا. استابلايزر هيحل المشكلة لكن هيكون غالي عشان يقوم المكيف.

تمام شكراً جزيلاً

المشاركة الأصلية كتبت بواسطة borio1704

الاستابيلايزر ممكن قوي يحل المشكلة..

كل المكيفات بتفصل الكمبريسور لمدة 3 دقايق لو حصل إنك فصلت الكهربا مثلا ورجعت شغلت المكيف تاني... وأتوقع إن المكيف بيمنع تشغيل الكمبريسور كإجراء وقائي علشان الكمبريسور ما يضربش.

نفس الكلام ينطبق على الثلاجة.

...

انا عندي برضه التلاجة شوية تشتغل وشوية لا .. مش عارف بسبب الحرارة ( ان الماتور بيسخت يعني ) ولا الكهرباء برضه ؟

**AHMED12345678** · 04-06-2016 06:20 PM

عندى نفس المشكلة
عندى تكييف شارب 2 وربع حصان مركبه فى مارس 2011 ومن امبارح مش عاوز يشتغل
كل ما اشغله التكييف الكمبريسور يقوم لمدة 10 ثوانى وبعدين يفصل ويجيب صهد وميرضاش يجيب هواء بارد 000 اقفله واشغله تانى يعمل نفس الحركة
مع انى عندى تكييف تانى كاريير والتكييف التالت ال جى وكل واحد فيهم واحد ونص حصان وشغالين كويس
التيار الكهربائى فعلا مش قوى وده باين من صوت الاستبلايزر الى مركبه للتلاجة
ومش عارف الحل ايه 000 اجيب استبلايزر للتكييف الشارب
واذا جبت استبلايزر للتكييف اجيبه كام كيلو