الموضوع: محتار بين الكارينز والكرولا والفلونس والفيكترا والباسات والسيراتو

المشاركة الأصلية كتبت بواسطة م/أحمد عبد الفتاح

كل عام وحضرتك طيب وبخير
بالنسبة للعربيات إللى أنا رشحتها لحضرتك هى مناسبة لمتطلباتك + إنها من العربيات الصامته فى السوق يعنى مابنسمعش عنها مشاكل زى اللى بيحصل فى جميع العربيات الحديثة بقالنا كذا سنة على الوضع ده - التويوتا والهوندا اكتر عربيتين مابنسمعش عنهم أى مشاكل يليها السيراتو بمشاكل قليلة جداً - سعر إعادة البيع للكورولا والسيراتو ممتاز - الوسع بتاع الكورولا لاغبار عليه - أوبشنات الكورولا حسب فئتها لأن الكورولا بتنزل مصر بكذا فئة (أكتر من ٥ فئات ) عندك فئات من أول تكييف وباور بس لغاية فئة فيها كل حاجه حتى نظام الركن بتركن مع نفسها وانت سايب ايدك . السعر هو اللى حايحدد الفئة اللى إنت حاتشتريها حسب الامكانيات المتاحة - وفى كل الاحوال التويوتا تويوتا ـ وانصحك تروح تتفرج عليها وتشوف الوسع بتاعها بنفسك هل مناسب معاك - وبالتوفيق إن شاء الله

روحت النهاردة الليثي اللى في شارع النزهة

ركبت التيجو بالنسبة لي خامات باب وتابلوه غاية في السخافة ... رغم انها مليانة اوبشنز بس حسيت ان اوكرة الباب بلاستك لعب اطفال

ركبت الكروز تحسها متينة جدا ولكن مرتحتش فيها من حيث المساحة ممكن لو حد متعود يسوق عربيات صغيرة يحسها كويسة لكن الكروز فيها فخامة

ركبت النيسان سنترا عربية واسعة من جوة وحلوة بس كفخامة ومتانة تحسها لصالح الكروز

كان وقت الفطار ملحقتش اركب الفلوانس ولا الكرولا

ولكن الكرولا سعرها معدي جامد جدا مش هقدر عليها في الوقت الحالي ربنا كريم :)

المقارنة الان انحصرت بين الكروز والفلوانس والسنترا

بس قولت متسرعش غير لما استخير رغم اني كنت واخد الفلوس بس الحمد لله

علي الكلام ده
يبقي الكورولا والباسات والسيفيك