اية الفرق بين الياه الخضرا والمقطره؟؟؟

**Mahmoud_405** · 30-11-2008 03:08 PM

السلام عليكم
في ناس قالتلي ان المياه المقطره احسن من المياه الخضرا وده علشان مفيهاش اي نسبة املا فهل ده صح؟؟؟ اية الفرق بين المياه الخضراء المركزه والعادية؟؟
وشكرا

**waled369** · 30-11-2008 03:17 PM

الميه الخضرا خاصة بالراديتير للتبريد و المقطرة بتزود بيها البطارية أما نسبة التركيز دي بصراحة معرفهاش .

كمان فيه فرق جوهري جامد جدا ان الميه الخضرا بيكون لونها أخضر و الميه المقطرة ملهاش لون ههههههههههههههههه باضحك معاك اوعى تزعل .

**HeMa_LanCeR** · 30-11-2008 03:22 PM

عادي جدا ممكن تحط مياه مقطره بدل المياه الخضرا ودي بتكون احسن من المياه الخضرا المضروبه اللي بقت ماليه السوق

30-11-2008 03:31 PM

الميه الخضرا/الحمرا مركزة و لازم تتخف , وفعلا بتتخف بميه مقطرة و كمان لإستكمال سعة دورة التبريد لغاية كلمة max.
أما الميه المقطرة فهي فعلا خالية من الأملاح و بكده نتجنب حدوث تكلسات في دورة الميه في الرادياتير
المية الخضرا/الحمرا برضه خالية من الأملاح (أحد خصائصها).
حسب معلوماتي من خلال محطة موبيل إن الخضرا لأغلب العربيات الأسيوي و الحمرا لأغلب العربيات الأوروبي.
أرجو أن أكون أفدت حضرتك.

30-11-2008 03:33 PM

ياريت لو ناوي تستعمل الميه الخضرا أو الحمرا تكون من محطة بنزين و يكون من إنتاج الشركة الخاصة بمحطة البنزين.

**pendodo2002** · 30-11-2008 03:47 PM

الميه الخضره بيكون عباره عن ميه مقطره عليها جليكول ايثيلين او ماده مشابهه
هدفها انها تمنع ان الميه تغلي عند 100 درجه وبتخليها تغلي عن 130-140 درجه في الضغط الجوي العادي و بتوصل لـ 150 تحت الضغط الموجود جوا الريداتير وطبعا طول ما الميا سائله بتتحرك بسهوله و دوره التبريد بتبقى تمام
طبعا تخفيف الميه دي يعني انتا بتقلل من تركيز ماده الجليكول يعني بتخلي الميه تغلي عند درجه الغليان الطبيعيه اللي هيا 100 درجه وبالتالي تلاقي الميه تلات ارباعها اتحول لبخار جوا الانابيب وده بدوره هيبوض دوره التبريد بالكامل لان البخار بينضغط و ممكن يوقف دوره التبريد ولو بشكل مؤقت كما ان امتصاصه للحراره \ فقدان الحراره اقل من الحاله السائله وبالتالي دوره التبريد هتبقا تعبانه

الميه المقطره تضاف للبطاريات السائله

**Einstein_EG** · 30-11-2008 04:09 PM

المية المقطرة عبارة عن H2O من غير اى شوائب ولا املاح ، مياة نقية بنسبة 99.9% و دى احسن حاجة للراديتير فى الشتا ، و لو عربيتك ليه حرارتها عاليه ، تحط معاها ميه خضرا (بس خد بالك من المضروب) بنسبة 30% و يستحسن تجيبها من محطة Shell ، فى شهر 7 و 8 حط مية خضرا مع مية مقطرة بنسبه 50% و بعدين زودها كل مرة مية مقطرة بس .
دا اللى انا بعمله لو فى حاجة احسن قولوى

**Mahmoud_405** · 30-11-2008 05:37 PM

الف شكر علي الردود السريعه يارجاله

**mrghost** · 04-12-2008 06:01 AM

المعروف ان المياه المقطره بتكون خاليه من الاملاح وبالتالى تمنع انسداد مواسير الردياتير بس برضه ممكن يتعرض للصدأ فالاحسن استعمال مياه خضراء او حمراء بس تكون نوع جيد