باشا انا جربت من الشمال لليمين 1342 وجيت ادور ادينتى صواريخ وماداريتش كلمت الميكانيكى قالى حط من الشمال لليمين 1234 وبردو مادارتيش ؟! باشا ممكن ترنلى برقم موبايلك ع 01120504924 وانا هكلمك بعد اذنك
عرض للطباعة
باشا انا جربت من الشمال لليمين 1342 وجيت ادور ادينتى صواريخ وماداريتش كلمت الميكانيكى قالى حط من الشمال لليمين 1234 وبردو مادارتيش ؟! باشا ممكن ترنلى برقم موبايلك ع 01120504924 وانا هكلمك بعد اذنك
أرقام السلندرات بتاعة الموتور من الشمال لليمين هى ١ ٢ ٣ ٤ - حاتمسك أول سلك طالع من البوجية رقم ١ يعنى اول واحد شمال وتشوفه داخل على فين حتلاقى فى الحتة اللى داخل فيها رقم مكتوب لو كان ١ يبقى تمام . وبالمثل حاتروح للسلك اللى طالع من البوجيه رقم ٢ وتشوفه داخل على رقم مكتوب عليه ٢ ولا رقم تانى وهكذا وتصلح الغلط بس نور بكشاف كويس علشان تشوف الكتابة.
فعلان يام/أحمد عبد الفتاح كلامك مظبوط 100% العربيه دارت ع الترتيب العكسى من الشمال لليمين 4321 لوش السلندر ... الف شكرا ياباشا
شكرا جزيلا على هذا الرد المفصل الوافى جدا
برغم انى كنت عارف ان اللى بيحصل عندى هو misfire .. و عارف كويس ان مشاكله على الموتور خطيره و مدمره
لكن كنت عامل زى اللى فى التنويم المغناطيسى و لم اهتم .. بس بصراحه كلمتك خلتنى افوق لنفسى ( خصوصا ان انت اللى قلتها ) .. تانى يوم مباشره بعد كلمتك نزلت غيرت البوجيهات
الميكانيكى :
نزلت تانى يوم على طول غيرت البوجيهات بالبوجيهات الاستاندرد النحاس بتاعتها .. طلبت من الميكانيكى انه يكشف على الاسلاك و البوبينه .. قال كويسه ( هو كان شغال فى توكيل سبرانزا .. بس يظهر انى حاغير الميكانيكى ده )
و هو بيركب البوجيهات لاحظت بالصدفه انه بيضغط على فيشه البوبينه بشده جدا بكلتا اليدين ( تمام كان واحد بيزق عربيه عطلانه من ورا ) .. حقيقى انا لم اصدق ما رأيته ( اللى بيتعمل فى فيشه بلاستيك و بوبينه بلاستيك )
و كمان اول مره يحصل ان فرده بوبينه كانت فاصله عن عدد 2 بوجيه .. الفيشه لم تكن مظبوطه و ظبطها .. برغم اننا غيرنا البوجيهات 4 مرات خلال ال 3 شهور اللى فاتوا و كل شيئ كان مظبوط و كويس خلال التركيب
التجربه :
المهم .. مشيت من عنده و لقيت نفس الرعشه بس اقل شويه و على نفس لفات الموتور
بعد ما تركته .. نزلت اجرب الفيشه .. طبعا من كتر الضغط المطاط اللى جوه الفيشه باظ و موش بتقفل فى الكلبس بتاعها ( راكبه و لكن موش محكمه و مفيش تكه القفل )
رحت صلحتها عند الكهربائى ( بس للاسف طبعا جزء من الكاوتش اللى جوه الفيشه اصبح ناقص .. يعنى ممكن متكونش محكمه 100% ) .. الرعشه قلت بنسبه 90% و لكن مازال هناك جزء خفيف متبقى ( احتمال تكون نفس الفيشه موش محكمه تماما ؟؟؟؟ )
الاعراض :
- العربيه زى الحرير قبل ما ابدأ فى استعمال البلاتينيوم ( العربيه شبه زيرو 15 الف كم )
-بعد التغيير بلاتينيوم و ظبط الفتحه 11 ( المقاس الاستاندرد بتاعى ) .. استعمال شهرين على المقاس ده
1- غلطه خفيفه جدا فى اول الدوسه ( يعنى ار بى ام من 700 الى 900 ) .. تشبه بدايات سكه خفيفه جدا جدا ( مفيش سكه )
2- مفيش اى مشكله بعد كده و العربيه سلسه على جميع لفات الموتور
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه ( كان العربيه بتفرمل للحظه فى بدايه الدوسه اثناء المشى
-بعد التغيير بلاتينيوم و ظبط الفتحه 10 ( المقاس الاستاندرد للبوجيه البلاتينيوم ) .. استعمال شهرين على المقاس ده
1- الغلطه الخفيفه قلت عن الاول فى اول الدوسه
2- مفيش اى مشكله بعد كده و العربيه سلسه على جميع لفات الموتور ( بس ظهرت شبه رعشه خفيفه جدا عند 1500 لفه )
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه
-بعد التغيير بلاتينيوم و ظبط الفتحه 9 ( اقل من المقاس الاستاندرد للبوجيه البلاتينيوم ) .. استعمال اسبوعين
1- الغلطه الخفيفه قلت عن الاول فى اول الدوسه
2- مفيش اى مشكله بعد كده و العربيه سلسه على جميع لفات الموتور ( بس ظهرت شبه رعشه خفيفه جدا عند 1800 لفه الى 2000 لفه )
3- احيانا عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه
-بعد التغيير الى البوجيهات الاصليه نحاس
1- الغلطه الخفيفه شبه انتهت .. لكن للاسف لسه موجوده على خفيف جدا .. و دى بصراحه مضايقانى جدا
2- بعد ما صلحت الفيشه الرعشه راحت بنسبه 90% ( كانت موجوده مع البوجيهات النيكل الاستاندرد )
3- الخنقه انتهت اثناء المشى
الخلاصه :
ممكن الميكانيكى ده .. اثناء مرات تغيير البوجيهات كان بوظ الفيشه و هو ده اللى كان بيعمل الرعشه فى البوجيهات البلاتينيوم ( لانها ظلت موجوده حتى بعد الرجوع للنيكل الاصلى ) .. و
لكن الاكيد ان الغلطه فى اول الطلعه مرتبطه بالبوجيهات البلاتينيوم .. لانها انتهت بنسبه كبيره مع النيكل
الميكانيكى ده لما ظبط البوجيهات البلاتينيوم .. من اول مره بيغير مقاس الفتحه من بين السن الموجب و السالب .. يعنى هو ممكن يكون بوظ البوجيهات حتى قبل ان يركبوا ( شال طبقه البلاتينيوم من على البوجيه ) .. يعنى حتى موش حاقدر احكم 100% على الغلطه الخفيفه فى اول الدوسه .. لانه بوظ البوجيهات اثناء ظبط الفتحه من اول مره تركيب ( برغم انى قبل ما اشترى سألته هل عنده فللر ظبط البوجيه البلاتينبوم .. قال موجود !!!! )
- سؤال :
- هل حصل ضرر دائم الان ؟؟
- ايه اللى ممكن يتأثر بال misfire ( كرنك و كامه ؟؟
- هل البوبينه تكون اتأثرت من البلاتينيوم لان مقاومته اعلى ؟؟
انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
ده رد قديم يوضح الموضوع اكتر
تحياتى و اعزازىاقتباس:
- فيه حاجه انا عملتها و كنت متخوف شويه من تأثيرها على الكامه
- البوجيهات عندى مواصفه NGK BKR6E-11 نيكل عاديه .. سعر 70 جم
- البوجيهات المتوافقه هى اما V Power نيكل عاديه ( موش متوفر ) .. او اريديوم ( انا كنت عايز اجرب بس و لقيته غالى جدا للتجربه بيه ) .. البلاتينيوم موش موجود فى لائحه البوجيهات المتوافقه
- انا استعملت بلاتينيوم BKR6EGP و هو G Power ( موش ال V Power نيكل عاديه ) .. ده له نفس رقم البوجيه عندى بالظبط و لكن بلاتينيوم ( سعر 130 جم ) .. الفرق الوحيد هو ان ال Gap بتاعته هى 1 مم بدلا من 1.1 للاصلى النيكل ( مواصفه العربيه عندى ) ..
- جربته على Gap مقاس 1.1 ( مواصفه العربيه عندى ) .. ثم عدت مره اخرى الى 1 مم من 3 اسابيع
- اداؤه افضل و تسارع احسن .. بس دائما بأحس ان العربيه فى اول الدوسه ( بدء رفع ال ار بى ام ) ما يشبه غلطه خفيفه جدا ( عدم نعومه ) .. بعد تخطى هذه المنطقه ( 1000 او 1100 ار بى ام ) نعومه كامله
- دى ان كنت متخوف منها على الكامه بسبب الغلطه الخفيفه دى .. بس انا ماشى بالبوجيهات الجديده كذا شهر بدون حدوث اللخبطه دى .. لكن من 3 اسابيع عدلت الفتحه الى 1 مم ( الفتحه الاصليه للبوجيه البلاتينيوم ) و الغلطه دى قلت عما كانت عليه لما كنت ظابط البوجيه البلاتينيوم على 1.1 ( المواصفه الاصليه المطلوبه عندى للبوجيه النيكل العادى )
- انا لما اخترت البوجيه البلاتينيوم .. تفكيرى كان ان فبه بوجيهات After Market .. و لانه كان واخد نفس رقم البوجيه عندى فده يعنى قدر كبير من التوافق .. بس طبعا مكنتش متأكد ان الكهرباء المتولده من الكويل عندى حتكون كافيه للبلاتينيوم ام لا ؟؟ لان مقاومته اعلى من النيكل .. و ده يمكن السبب اللى خلانى ارجع لفتحه 1 مم الاصليه للبوجيه البلاتينيوم لتعويض ضعف الكويل بالنسبه للبلاتينيوم .. و يمكن ده اللى خلى NGK تخلى فتحته 1 مم بدلا من 1.1 لنفس كود بوجيه
- على فكره انا موش من الصنف اللى بيحب تعديل المواصفات .. دائما باتبع مواصفه العربيه للامان .. بس استهلاك البنزين القاتل اللى عندى ( 120 كم فى الصفيحه داخل البلد ) هو اللى اجبررنى على التجربه .. سواء للبوجيهات او الزيت ..
و ربنا يستر
انا شاكر جدا جدا جدا لهذا الرد الوافى الشامل
طبعا محتاج اقرأه بتمعن شديد قبل الرد
الباشمهندس بوريو بمواضيعه الجميله خلانى توجهت الى الزيوت فى بداياتى فى المنتدى ..اقتباس:
بس واضح إنك حضرت دكتوراة فى البوجيهات
ان شاء الله نحضر الماجستير فى الزيوت تحت اشرافه
تحياتى و اعزازى و تقديرى
- بالنسبه لعمل فلش للكمبيوتر بالطريقه اللى انت وصفتها لى سؤال :اقتباس:
انا فكيت كابل الموجب و وضعته على السالب ( السالب راكب فى البطاريه ) لمده 5 دقائق .. و ان شاء الله اجرب النهارده بالليل
تمام وإن كنت أفضل عمل الفلاش للكمبيوتر بتاع العربية بفك الكابل السالب وبعد كده تفتح الكونتاكت وتنور النور العالى وترجع تانى المفتاح وتشيلة من الكونتاكت وتستنى الـ ٥ دقايق .
- الرعشة أو الغلطة إللى فى الأول دى ممكن جداً تروح معاك بالوقت وكويس إنك عملت فلاش للكمبيوتر بتاع العربية علشان تشيل سلوك السائق behavior لأن ده بيبقى زى خانة فاضية فى الكمبيوتر فلاشة يعنى بتقبل التسجيل والمسح فالسلوك بتاع السائق (زى مثلاً الدوسة بتاعته على الاكسلاتير وسرعتها وزمنها ) بيتبرمج عليها وجايز جداً لما كانت فيه مشاكل الفلاشة برمجت نفسها عالوضع ده ولما تعملها فلاش بتتمسح السلوكيات دى وتبدأ فى برمجة نفسها من أول وجديد
1- فتح الكونتاكت بيكون على اول تكه ( تشغيل الكاسيت ) ؟ ام فتحه لتكه التدوير ( اللمبات تنور فى العدادات ) ؟
2- تشغيل النور العالى لمده كام دقيقه ؟ ( قبل قفل الكونتاكت و اخراج المفتاح من الكونتاكت )
3- الانتظار 5 دقائق ده بيكون بدون عمل اى شيئ بعد اخراج المفتاح من الكونتاكت ؟
4- هل بعد ربط السالب محتاج عمل ايدل ليرن .. ام فقط التدوير دقيقتين مثلا
بعد ما عملت الطريقه بتاعتى ( فك الموجب ثم تلميسه على السالب لمده 5 دقائق ) .. لما جيت ادور العربيه اول مره .. عداد ال ار بى ام لم يعمل .. انتظرته حوالى 20 ثانيه و لم يعمل .. طفيت العربيه و دورت تانى اشتغل مظبوط .. هل ده كان طبيعى ( علشان لو موش طبيعى ممكن اتردد فى عمل الفلش بالطريقه بتاعتك تجنبا لما قد يحدث )
- العربيه اتحسنت كتير بعد ما عملت الفلش بطريقتى ( فك الموجب ثم تلميسه على السالب لمده 5 دقائق ) و لكن موش 100% :
1- الغلطه فى البدايه انتهت بنسبه كبيره .. و لكن موش 100%
2- الرعشه عند ار بى ام 1800 الى 2000 راحت لمده نصف\ ساعه و رجعت تانى و استمرت الى الان .. و كمان بتحصل الرعشه اثناء النقل لو الفتيس الاوتوماتيك نقل على ار بى ام منخفض عند 2300 مثلا عند انخفاض ال ار بى ام من 2300 الى 2000 مثلا ( يعنى زى ضرضره خفيفه ) .. و لا تحدث الرعشه اقل او اعلى من ار بى ام 1800 الى 2000 ( سؤاء اثناء التسارع او اثناء انخفاض ال ار بى ام اثناء النقل
الرعشه دى وصفها بالظبط هو نفس احساس تعشيق الثالث على سرعه بطيئه مثلا 30 فى فتيس يدوى ( يعنى زى ضرضره خفيفه كده تختفى لما السرعه تعلى )
3- الغلطه اثناء المشى انتهت بنسبه كبيره .. و لكن موش 100% .. عند بدايه الدوسه ( اثناء المشى .. موش من الوقوف ) .. بحس ان العربيه فيها غلطه خفيفه زى خنقه خفيفه للحظه ( كان العربيه بتفرمل للحظه فى بدايه الدوسه اثناء المشى )
- على فكره الكمبيوتر برمج نفسه بسرعهاقتباس:
بس خلى بالك هى مش حاتبرمج نفسها فى ساعة ولا يوم ولا يومين الله أعلم ؟؟؟ بس هى لازملها ٤٥ دورة تشغيل ويقصد هنا بدورة التشغيل مش انك تدور وتبطل ٤٥ مرة - لأ بيقصد بيها إن الكمبيوتر الرئيسى يكون خلص كل الإختبارات والمراقبات اللازمة ودى بتاخد وقت لأن العربية فيها كمبيوتر رئيسى وحوالى ١٠٠ كمبيوتر فرعى مش حايسيب الدنيا دى كلها ويقعد يبرمج السلوك بتاع السائق فبيستنى لما الفرصة تكون مواتية ( يعنى درجة حرارة الموتور والفتيس وصلوا لدرجة حرارة التشغيل ودرجة حرارة الهوا اللى داخل للموتور تثبت والفاكيوم يثبت وحاجات تانية كتير وبيقعد يراقب فى الحاجات دى ٤٥ دورة تشغيل علشان يسجل محصلة سلوك السائق لأنه مش بياخده من اول وهلة)
1- بعد تغيير البوجيهات ( قبل عمل الفلش ) .. اول مشوار 10 كم اتحسنت بسيط و تانى مشوار كان افضل كتير
2- بعد عمل الفلش بطريقتى .. بدون عمل ايدل ليرن .. التحسن ممتاز من اول مشوار
انا اهتمامى الاساسى كان ( و مازال ) بكمبيوتر العربيه و تشخيص الاعطال .. و فاهم ال Driving Cycle من وجهه نظر تشخيص الاعطال .. يا ريت لو امكن تشرح لى ليه محتاج 45 دوره قياده .. هل الرقم ده للعربيات الامريكى ام الاوروبى ام الاسيوى ؟؟
انا كنت خايف على الكامه ( الغلطه اللى فى بدايه المشى ) .. و كمان ان سير التقسيمه يكون الشد بتاعه اصبح موش مظبوط نتيجه الغلطه اللى كانت بتحصل اثناء المشى ( الخنقه و الفرمله اللحظيه دى )
- عندى شبه يقين ان المشكلهكلها فى دائره الاشعال .. بدليل التحسن الفورى بعد اصلاح الفيشه .. اعتقد ان فيه حاجه تانيه لازم تتعمل للتأكد من الفيش دىاقتباس:
- هل البوبينه تكون اتأثرت من البلاتينيوم لان مقاومته اعلى ؟؟
البوبينة قبل البوجية فى الدايرة فطبعاً لو حتى حطيت بوجيهات صاروخ فضاء :) ولا ليها اى دعوة - اللى يضايقها الميس فاير الكتير يعنى مثلا لو سلكين بوجيهات خالفين ولا حاجه فحاتسخن أكتر من اللازم والعزل بتاعها يبدأ فى الانهيار.
- انا خوفى ان البوجيه البلاتينيوم مقاومته اعلى من النحاس .. فممكن يعمل حمل على البوبينه بالراجع
- لو شفت الموتور عندى ( ما شاء الله ) .. مفيش خراطيم او ما شابه ممكن يكون فيها اى مشكله .. الفلاتر كلها متغيره من الف و خمسمائه كم فقطاقتباس:
العربيه استهلاكها على الطوالى زى كتالوجها بالظبط و احسن شويه كمان .. المشكله فى الاستهلاك جوه البلد هو اللى قليل .. وضعتها على الجهاز من سنه ( فى التوكيل ) .. قال لى قرائتها مثاليه يعنى مظبوطه 100%
بعد حوالى اسبوع او ١٠ ايام لو الموضوع بتاع الفلاش اللى عملته مجابش نتيجة يبقى نبدأ نبحث فى مثلا فلتر الهوا - خراطيم الفاكيوم - الرشاشات - يعنى واحدة واحدة وبإذن الله تتحل
- و مشكله الفيش دى عيب شغل ميكانيكى حمار ( الفيش كانت فابريكه )
- اعتقد لازم نستكمل النقاش الجميل فى موضوع استهلاك البنزين على السلانسيه .. و ياريت يكون نقاش عام فى استهلاك البنزين ( غير خاص بالسؤال بتاعى )
ممكن يكون هو ده المدخل المظبوط
تحياتى و اعزازى و تقديرى
-
بالنسبة للطريقة بتاعة الفلاش للكمبيوتر إللى أنا ذكرتها ليك دى الطريقة المفضلة مش عندى بس لكن عند الشركات المصنعة للعربيات والطريقة دى ساعات بيكتبوها فى الكتالوج بتاع بعض العربيات أو فى كتالوجات الصيانة اللى الشركات بتطلعها بس مش بتديها لاصحاب العربيات مجانا زى كتالوج الاستخدام لكن بيبيعوه بمبالغ كبيرة - فيه بعض الكتالوجات بتنصح إنك تفك السالب وتسيب العربية نص ساعة وفيه كتالوجات تانية بتقول ربع ساعة - إللى أنا زودته إنك تفتح النور العالى وده بيسرع العملية ويوصلها انك تستنى ٥ دقايق بس(الميكانيكا الشعبية ) :) - وفيه ناس تانية بتعمل طريقة تانية تخليك تستنى دقيقتين بس برضه بالميكانيكا الشعبية .
بصفة عامة لازم نعرف الشركات بتقول ليه نص ساعة ولا ربع ساعة ؟؟؟؟؟
حضرتك اى دوائر الكترونية بيبقى فيها أجزاء فى هذه الدوائر اسمها كوندنسرات كهربية - الكوندنسر الكهربى فى اى دايرة بيخزن شحنة (كهربا) لو تفتكر زمان لما كان بيجى الراجل اللى بيصلح التلفزيونات فى البيت كان بعد مايفك وش التلفزيون الخلفى يوصل المفك فى اجزاء من التلفزيون على الشاسية المعدنى بتاع التلفزيون وكنا بنسمع صوت فرقعة صغير - ده كان بيفرغ الكوندنسرات علشان مايتكهربش او يعمل قفلة تبوظ حاجه تانية فى التلفزيون .
الكوندنسرات اللى فى الدواير الكهربية بعد ماتشيل الباور عنها بتفرغ لوحدها بمرور الوقت - الناس بالتجارب لقت ان الوقت اللزم لتفريغ الشحنة الكهربية فى الكوندسرات اللى فى كمبيوتر العربية بتحتاج من ربع الى نص ساعة للتفريغ الذاتى - طيب أنا عاوز أعمل حركة تسرع الموضوع ده زى الراجل بتاع التلفزيونات :) - مش حاقدر لأن الكمبيوتر مش حاعرف اوصل لمكوناته والدواير بتاعته بتبقى مطبوخه (عليها طبقة عازلة ناشفة مغطياها) - يبقى ايه الحل ؟؟؟؟؟ ده سؤال الميكانيكا ولا الكهربا الشعبية :) - الحل بسيط قوى إننا نسحب الشحنة من الكوندنسرات دى بأى حمل كهربى كبيرعليها ويكون مفاجئ (حمل كبير ومفاجئ دى نقطة فنية جداً مش مجالنا ومعرفش إجابتها) - يبقى نفتح الكونتاكت كأننا حاندور مافيش اى حاجه حاتحصل لأننا شايلين سالب البطارية وبعدين أنور النور العالى عندك لمبتين الواحدة ٥٠ ولا ٧٠ وات يبقى حمل محترم تنورهم مش حاينوروا طبعا لأن الشحنة اللى فى الكوندنسرات دى بتبقى صغيرة ماتنورش لمبة التابلوه حتى لكن بتبقى عاوزة تفريغ سريع جدا بحمل كبير وهو ده اللى بيعمله النور العالى - لكن لاحاينور ولا التابلوه حاينور بس الكوندنسرات حاتفرغ بسرعه وباسيبها بعد كده ٥ دقايق بس إحتياطياً - فيه ناس بتوصل سلك بمقاومة ليها قيمة معينة بين الطرف الموجب اللى لسه راكب فى البطارية وبين الارضى بتاع العربية (مش سالب البطارية) بطريقة معينة علشان يفرغوا الشحنة .
بالنسبة للايدل ليرن هو لو البطارية نامت ولا حبيت تغيرها مش حاتعمل ايدل ليرن لو العربية محتاجاه ؟؟؟؟؟؟
العربية لو محتاجه ايدل ليرن زى عربيات تانية (قديمة شوية ومن أول تقريبا ٢٠٠٦ أو ٢٠٠٨ العربية بقت بتعمل ايدل ليرن لوحدها ) بطريقتك أو بطريقتى كانت حاتحتاج ايدل ليرن بالطرق اللى كانت بتتعمل من فترة - كده كده حضرتك محتاج ايدل ليرن بس عربيتك من النوع اللى بتعمله لوحدها مش محتاجه حد يعمله وحتلاقيها ملخفنة شوية اول مرة تدورها علشان بتبدأ تعمل ايدل ليرن لنفسها وكل مرة تدور العربية أو تعملها دورة تشغيل حاتتحسن لغاية برضه عدد معين فى دورات التشغيل ممكن تكون فى الاول على مثلا ٢٠ دورة أو فى الاخر على ٤٥ دورة تشغيل حسب ترتيب البرنامج اللى على الكمبيوتر .
الـ ٤٥ دورة تشغيل أعتقد متفق عليها معظم أو كل المصنعين ودى بتبقى شوية إختبارات بيعملها الكمبيوتر وكل اختبار لازم يكون ليه ظروف معينة والإختبار إللى الكمبيوتر ميقدرش يعمله لأن ظروفه مش مناسبة للإختبار بيعديه ويخش على اللى بعده فى اللستة بس بيحط جنب منه علامة not ready زى مثلا حساسات الاكسجين فى بداية تشغيل العربية الباردة بتبقى معمول ليها باى باس والأوامر للكمبيوتر بتبقى من حساس درجة حرارة مياه التبريد علشان العربية تسخن بسرعه وعلشان الكمبيوتر يسمح بكمية كبيرة من الوقود تتحقن حتى بتلاقى الار بى ام عالى فى بداية التشغيل لأن الوقود كتير وطبعا لو حساس الاكسجين مش معموله باى باص حايقلل الوقود والعربية مش حاتسخن - كمان حساس الأكسجين علشان يشتغل عاوز حرارة عالية علشان كده فيه سخان جواه لو حرارة الحساس موصلتش للمطلوب الكمبيوتر حايعمله باى باس لغاية مايسخن ولغاية دوره فى الاختبار القادم بس بيكتب جنبه برضه not ready - فيه إختبارات كمان بتحتاج إن تانك البنزين يكون فيه بالكتير تلات أرباعه لو مفول الإختبارات دى حايتعمل لها باى باس ويتكتب جنبها not ready . علشان كده الكمبيوتر بيحتاج ٤٥ دور تشغيل علشان يشتغل بكامل طاقته والعربية تتظبط تمام .
أنا باقولك ليه كده لأن لما كنت فى امريكا وعندى تجديد رخصة وفحص للعربية كان بيبقى يوم أغبر مش عليا على كل الناس - لو عملت ناصح وعملت فلاش او ريسيت للكمبيوتر قبل ماتروح تفحص بيوم مثلا ولا يومين حاتروح عندهم ونص القرايات على الكمبيوتر بتاع المرور اللى بيفحصوا بيه مكتوب جنبها not ready وتلاقيها طالعالك ملعلطة عالكمبيوتر وفى الشيت اللى بيدوهولك :) ومع السلامة مافيش تجديد :)
بالنسبة للمشكلة اللى لسه عندك أنا قلتلك فلتر الهوا وده بيبقى ليه طريقة علشان نعرف بيها هو مظبوط ولا مش قادر يعدى هوا زى الرجالة :) حتى لو جديد ممكن يكون الميكرون بتاعه مش مطابق ( معظم قطع الغيار دلوقتى ايدك والارض) لأنه لو مش كويس استهلاك البنزين حايزيد - والفاكيوم برضه ليه طريقة للكشف مش شرط يكون الخراطيم شكلها حلو وجديد وبرضه ممكن الفاكيوم يخلى العربية تحرق بنزين او يحصل فيها رعشة - والرشاشات برضه ليها طريقة علشان نشوفها بتفتح وتقفل ولا فيه رشاش فيشته برضه تعبانة.
الموضوع علشان يتحل مش عاوز زهق وحياخد وقت - إلا لو عاوز تخلصه بسرعة وتصرف كتير تروح شارى طقم بوجيهات تانى وطقم مباين وطقم رشاشات وبوابة بالمرة :)
انت فى اسكندرية أعتقد - ممكن اقابلك بس افضى شوية ونقيس كل الرشاشات والمباين واللى انت عاوزه كله وعندى أجهزة بتاعتى للإستخدام الشخصى ممكن نستخدمها ولا تشغل بالك وإبقى ابعتلى رقمك عالخاص وانا حاكلمك اتفق معاك على معاد
شكرا على الرد الوافى القيم جدا
بصراحه الواحد عايز يقعد يذاكره ( موش يقرأه )
انا كنت بأسأل عن المده اللى اخلى النور الكبير والع فيها قبل اغلاق الكونتاكت ( كام دقيقه ) ؟
ايه هى المنظومات اللى بتحتاج ان التانك يكون فيه بالكتير تلات أرباعه ( اختبارات للكانستر ؟ )
منت قريت انهم عندهم طريقه للاختبار فى الحاله دى ( يمكن موش بينفذوها فى كل الولايات !! ) .. هو بيعمل دورتين قياده Driving Cycle .. دوره القياده دى بتكون مصممه لاختبار جميع المنظومات بتكون سرعات مختلفه و قياده مدينه و قياده سريع و تسارع و قياده هادئه .. بعد الدورتين دول بيظهر العيب فى ثانى دوره قيادهاقتباس:
أنا باقولك ليه كده لأن لما كنت فى امريكا وعندى تجديد رخصة وفحص للعربية كان بيبقى يوم أغبر مش عليا على كل الناس - لو عملت ناصح وعملت فلاش او ريسيت للكمبيوتر قبل ماتروح تفحص بيوم مثلا ولا يومين حاتروح عندهم ونص القرايات على الكمبيوتر بتاع المرور اللى بيفحصوا بيه مكتوب جنبها not ready وتلاقيها طالعالك ملعلطة عالكمبيوتر وفى الشيت اللى بيدوهولك :) ومع السلامة مافيش تجديد :)
ده رد كنت كتبته عن اضاءه لمبه الاعطال
http://www.nilemotors.net/Nile/46479...post3875931565
فلتر الهوا من التوكيل ..اقتباس:
بالنسبة للمشكلة اللى لسه عندك أنا قلتلك فلتر الهوا وده بيبقى ليه طريقة علشان نعرف بيها هو مظبوط ولا مش قادر يعدى هوا زى الرجالة :) حتى لو جديد ممكن يكون الميكرون بتاعه مش مطابق ( معظم قطع الغيار دلوقتى ايدك والارض) لأنه لو مش كويس استهلاك البنزين حايزيد - والفاكيوم برضه ليه طريقة للكشف مش شرط يكون الخراطيم شكلها حلو وجديد وبرضه ممكن الفاكيوم يخلى العربية تحرق بنزين او يحصل فيها رعشة - والرشاشات برضه ليها طريقة علشان نشوفها بتفتح وتقفل ولا فيه رشاش فيشته برضه تعبانة.
الموضوع علشان يتحل مش عاوز زهق وحياخد وقت - إلا لو عاوز تخلصه بسرعة وتصرف كتير تروح شارى طقم بوجيهات تانى وطقم مباين وطقم رشاشات وبوابة بالمرة :)
انت فى اسكندرية أعتقد - ممكن اقابلك بس افضى شوية ونقيس كل الرشاشات والمباين واللى انت عاوزه كله وعندى أجهزة بتاعتى للإستخدام الشخصى ممكن نستخدمها ولا تشغل بالك وإبقى
ابعتلى رقمك عالخاص وانا حاكلمك اتفق معاك على معاد
فلتر البنزين جبت بتاع الاوبترا ( على ما اتذكر .. هو نفس بتاع الليجانزا ) لان فلاتر التوكيل كانت سيئه
بصراحه لا يمكن اغير حاجه OEM نازله مع العربيه بقطع غيار موش مضمونه دلوقت .. خصوصا ان العربيه عامله 15الف كم فقط ( يعنى صعب ان رشاش او غيره يبوظ )
انا كنت قريت احد ردودك .. كان فيها عنوان المحل .. بجوار مستشفى السلامه فى الازاريطه و اسم المحل هو " جيب " .. و كنت بأفكر امر اسلم عليك من فتره .. ان شاء الله نتقابل قريب
انا حاسس ان استهلاك وسط البلد ده انه ممكن يكون طبيعى ( احتمال ) من اللى قرأته من الاستهلاك للزملاء فى المنتدى ( ارقام غريبه لعربيات 1600 محترمه )
استهلاك الوقود اعتقد تحسن بنسبه 8% بعد ما استعملت زيت 5W30 ( لكن محتاج اتأكد من الرقم ده تانى ) ..
الزيت المفضل فى الكتالوج 10W30 و 5W40 .. زيت 5W30 غير مذكور فى الكتالوج عندى
http://www.nilemotors.net/Nile/3876080072-post637.html
http://www.nilemotors.net/Nile/3876079982-post631.html
تحياتى و اعزازى و تقديرى