على فكرة ... انا مش قادر الاحق على المعلومات ... هى فين المعلومات بتاعة الطالب المتوسط ؟؟!!
عرض للطباعة
على فكرة ... انا مش قادر الاحق على المعلومات ... هى فين المعلومات بتاعة الطالب المتوسط ؟؟!!
والله ياهندسة كلنا بنتعلم وياريت اى حد يقرا الكلام ده ويصححه لو فيه حاجه غلط ويقرا عنه ويفهم القصة ماشية ازاى لأن العربيات دلوقتى عاوزة صحصحة ومحافظة ومتابعة وأى معلومة حاتنفعك لأن الاصلاحات والكشف حتى بقى اسعاره غالية قوى والنتيجة بتبقى زى مانت عارف دوخة وضياع وقت وفلوس - والله كل يوم بتلاقى ناس كتير بتغير طقم شنبر ولا شورت بلوك ولا موتور حتى - بدون سبب ويمكن قلتلك قبل كده أو قلت لحد تانى مش فاكر والله مين عن اللى كانت المية بتنقص عنده وغير طقم شنبر وجوان ورادياتير ومروحة وكلاتش وقربة وفى الاخر طلع سربنتينة السخان اللى بتعدى فيها ميه سخنة علشان تدفى كابينة الركاب لو الدنيا ساقعه طلعت مخرومة وبعد كل اللى عمله ده وفضلت المية تنقص ولما سمع الكلام فى الاخر وراح كشف عند بتاع التكييف والراجل عملهاله وطب السربنتية ومرضاش ياخد فلوس !!!!!!! - الميكانيكى عاوز يغير موتور او فتيس والسمكرى عاوز يغير الابواب والشنطة والرفارف والسقف - والعفشجى عاوز يغير المقصات والمساعدين والبيضات والكبالن والسكاترا - مافيش حد عاوز يشتغل كله عاوز شيل وركب وكله على حساب الزبون !!!!!! على رأى توفيق الدقن : لما كله عاوز يضرب !!!!! من اللى حاينضرب !!!!! :)
إحنا الزباين يامعلم اللى عمالين ننضرب :)
تمام
بس بيتهيئ لى .. انهم اختاروا الزيت علشان هو اصلا بيستعمل فى العربيه و بيخش مع الهوا
بعنى فكره تسخين الزيت دى ممكن تنفع باستعمال قلايه بطاطس مثلا لتسخبن الزيت !!
اا معرفش الفروق .. بس هما بره بيستعملوا البروبان .. و انا عارف ان غاز الولاعات بيوتان .. علشان كده خفت منها .. لان اظن ان فيه فرق بينهم ؟؟اقتباس:
طريقه البوتجاز دى ( يعنى كنت بافكر برضه اجيب انبوبه غاز ملو ولاعات ) .. هل استعمالها امن .. يعنى مفيش خوف ان الموتور يولع ؟؟
دى بقى أنا مايجيليش قلب اعملها وحاسيب العربية بالفاكيوم أحسن :) - فيه ناس قلبها جامد بس المشكلة بتاعة البيوتان إن البيئة المحيطة كلها بتتملى ريحه وده معناه انه سريع الإنتشار - مثلاً واحد معدى ومولع سيجارة وجاى يتفرج حايعملك مشكلة !!!!!!
تحياتى و اعزازى و تقديرى
هو فيه شق من الحقيقه ان إحنا الزباين اللى عمالين ننضرب
و شق ثانى .. الجهل .. و ده نسبته ممكن تكون اكبر من الاول
فاكر مره فى عربيه زيرو .. بعد الضمان قالولى شحن الدينامو عالى عن اللازم و حيبوظ البطاريه و نغير الكتاوت .. قلت للصنايعى .. سيبه
نفس الكلمه اتقالت مرتين ثلاثه خلال سنتين .. قلت لهم سيبوه
بعت العربيه بعد 13 او 14 سنه .. الدينامو سليم اصلى بدون اى تغيير اى شيئ .. و البطاريه الفابريكه قعدت 6 او 7 سنين .. و غيرتها و هى لسه بتدور العربيه
و لو كنت سمعت كلامهم .. اكيد كل كام شهر مشكله فى الدينامو و تغيير بطاريه كل سنه
تحياتى و اعزازى و تقديرى
سؤال عن تفسير حاجه حصلت معى فى الفتيس .. و بصراحه متضايق جدا بسبب الموضوع ده
حصلت مرتين حتى الان .. و المرتين حصلوا عند تدوبر العربيه و هى بارده ( اول دواره كل يوم )
الوصف
بعد تدوير العربيه على البارد و الانتظار 20 ثانيه .. لو عشقت r و بعده d عده مرات للخروج من الجراج .. مفيش اى مشاكل
لكن فى المرتبن دول كنت باعشق ال r و ارجع سنه .. و بعدين احطها على n ممكن مثلا دقيقه ( و العربيه دايره ) .. و بعدها لما اعشق ال r للرجوع .. بيتحصل دبه جامده فى الفتيس .. و بعد كده التعشيق طبيعى d ,r مفيش مشاكل
يعنى هى مرتبطه بتعشيق ال r بعد وضعها على ال n لفتره و العربيه دايره .. و المرتين كانوا فى اول دواره بارده
- لم اجرب ان اعمل نفس الظروف و العربيه سخنه .. و لم اجرب اعشق d و هى بارده
الملاحظات
- الدواره البارده دلوقت بعد عمل الريست للكمبيوتر .. بقى ال ار بى ام اعلى شويه على البارد فقط ( لكن طبيعى بعد ما تسخن )
- كنت غيرت زين فتيس من شهرين .. و ظبطت المقاس على السخن .. بس ظبطته على البارك p موش على r ( ال p تفرق نصف لتر زياده عن ظبطه على ال r ) .. انا عملت كده لان قريت فى كتالوج نيسان ان الظبط بيكون على ال p
الموضوع ده سبب لى ضيق شديد يقى لى يومين
مع وافر الشكر
لازم تشوف كتالوج العربية قايل مستوى الزيت بيتقاس على الـ p ولا أى نقلة تانية لأنها بتفرق من ماركة لماركة - القياس عالسخن أعتقد إن كل الماركات متفقة عليه - وهل الحكاية دى ظهرت بعد تغيير زيت الفتيس ولا من قريب؟
فيه عربيات تقدر تحدد فيها ان الزيت ناقص أو زايد عن طريق المقاس بتاع زيت الفتيس بعد ماترجع من مشوار والعربية سخنة ودايرة تشوف هل الزيت عامل رغاوى لو كان عامل رغاوى يبقى زايد أو ناقص - وفى الاغلب بيبقى زايد . بس فيه عربيات مش بيبان فيها اذا كان عامل رغاوى ولا لأ.
الأر بى ام العالى بيعمل برضه خبطة فى الفتيس - والنقل اثناء الحركة بتاعة العربية بيعمل خبطة فى الفتيس
اولا انا شاكر جدا جدا لاهتمامك الدائم .. شكرا جزيلا
- انا حاشوف فى الكتالوج العربى ( بس اعتقد لو المعلومه دى موجوده فيه كنت شفتها ) .. بس سأتأكد مره اخرى
- شوفت كتالوج انجليزى ( للموديل الروسى منها ) .. العربيه كودها فى الصين B11 و الاسم فى روسيا Oriental Son و اسمها برضه Mekado .. و شفت برضه كتالوج انجليزى ل Chery Tiggo 2009 المفروض عليها نفس الموتور و الفتيس الاوتومانيك
- عربيات شيرى يظهر ان الزيت بيتقاس على N .. و دى معلومه جديده بالنسبه لى
ساجرب القياس على N الزيت مقاسه ايه .. فى التوكيل هنا بيقيسوا على R على ما اعتقد لان ميكانيكى التوكيل اللى بشتغل معى كان عايز يعمل كده
- من قريب يعنى بعيد عن ميعاد تغيير الزيت .. موش فاكر بالظبط .. بس اعتقد اول مره من 10 ايام مثلا و مره من يومين .. و اعتقد بس موش متأكد ان المرتين بعد ما عملت الريست بطريقتى ثم الثانيه بعد ما عملت الريست بطريقتك .. معرفش هل ده ليه علاقه ؟؟اقتباس:
وهل الحكاية دى ظهرت بعد تغيير زيت الفتيس ولا من قريب؟
- ملحوظه .. كنت لما عملت الريست المره الاولى رشيت شويه ميه مكان البطاريه ( علشان كان فبه ملح ) .. البطاريه فوق الفتيس بالظبط .. ده موضوع احتمال يكون مرتبط باللى حصل المرتين لانه فى نفس توقيت عمل الريست اول مره
- ملحوظه انا استعملت زيت فتيس متعدد للتغيير .. لا اعتقد له علاقه
- ملحوظه كنت رشيت DW40 قبل ( الدبه المره رقم 2 ) على كابل مصدى او طبه ؟؟ فى الفتيس جنب المقاس .. بس برضه قبل رشه كانت الدبه حصلت ( المره الاولى )
تقريبا اللى لونها اصفر دى هى اللى رشيت عليها
http://nileup.com/up/watermark.php?s...901791.png&p=c
انا شيكت اكتر من مره و هو سخن .. بس لم الاحظ وجود رغاوى .. سأتاكد من ده كمان ..اقتباس:
فيه عربيات تقدر تحدد فيها ان الزيت ناقص أو زايد عن طريق المقاس بتاع زيت الفتيس بعد ماترجع من مشوار والعربية سخنة ودايرة تشوف هل الزيت عامل رغاوى لو كان عامل رغاوى يبقى زايد أو ناقص - وفى الاغلب بيبقى زايد . بس فيه عربيات مش بيبان فيها اذا كان عامل رغاوى ولا لأ.
انا فاهم قصدك ان الرغاوى foaming دى هوا و بتلخبط الفتيس
لما باطلع و ال ار بى ام عالى و هى بارده 1200 مفيش مشكله سواء R , D .. فمفيش علاقه .. بالعكس لما بأقف دقيقه سلانسيه العربيه بتسخن اكتر و ال ار بى ام بينزل .. المشكله فى الوقوف على Nاقتباس:
الأر بى ام العالى بيعمل برضه خبطة فى الفتيس
لا .. انا لا افعل هذا الموضوع نهائيااقتباس:
- والنقل اثناء الحركة بتاعة العربية بيعمل خبطة فى الفتيس
تحياتى و اعزازى و تقديرى