المشاركة الأصلية كتبت بواسطة tasaka
كلام مظبوط .. بس احب ازود عليها معلومه لفائده الزملاء فى المنتدى
- فعلا النسبه المعتاده بتكون لغايه 25% قبل تسجيل خطأ
- احد الاعضاء المشهورين فى قسم اوبل .. كان ليه موضوع عن المانافولد بتاع الاسترا .. و على ما اتذكر انه قال ان النسبه المسموحه فى الاوبل بتكون 12% ( موش 25% ) .. احتمال اكون انا اللى موش فاهم كلامه
- فيه نسبه تانيه لكن تادره الحدوث .. غير نسبه ال 25% اللى بتسجل خطأ و لكن لا تمنع الكمبيوتر من زياده ضخ الوقود لرقم اعلى من ال 25% ( و ليكن مثلا 40% )
فى نسبه قصوى اخرى .. لا يستطيع الكمبيوتر زياده ضخ الوقود اعلى منها .. و يتوقف عند هذه النسبه بلا زياده اضافيه
مثال توضيحى
LTFT قراءته 55%
STFT برضه بيقرأ نفس القيمه 55% ( و ده موش طبيعى المفروض دائما يستقر عند الصفر )
القراءات فى المثال ده بتبين ان الكمبيوتر وصل للنسبه القصوى التى لا يستطيع زياده الضخ عنها ( و ده نوع من الحمايه للمحرك و الا البساتم تغرق بنزين )
هو إيه اللى بيحصل علشان الكمبيوتر يزود البنزين ؟؟؟؟
الكمبيوتر بيزود زمن فتح الرشاش وبالتالى بتزيد كمية الوقود - بس هو مرتبط بزمن معين للدورة وعمره ماحايتجاوزه - نيجى بقى للأرقام ومتابعتها فى الحالة اللى اكتر من ٢٥٪ بتبقى أى قراية بعد كده ليس لها أى إعتبار وتعتبر تهييس من الكمبيوتر زى قراية معدل الإستهلاك لما تقف عالسلانسيه كتير بتلاقيها تعلى بنسبة مضطردة وممكن توصل لـ ٥٠ لتر/كم والعربية واقفة ولما تتحرك تلاقيها بتنزل بسرعة جدا علشان تصحح نفسها.
هى ميزه ال LTFT ان لو فيه عربيه فيها عيب خلط ان الموتور حيدور مظبوط من البدايه .. الموتور موش محتاج ينتظر دقبقتين او ثلاثه على ما ال LTFT يتأثر بقراءه ال STFT
الموتور فى بداية تشغيله بيبقى rich fuel لأن الكمبيوتر open loop وبيبقى اعتماده على مراقبة سينسور درجة حرارة مياه التبريد لغاية العربية ماتسخن وتوصل لحرارة التشغيل . الـ LTFT هى أخر حاجه وصلها الكمبيوتر واللى حايشغل عليها الموتور لغاية مايبدأ تسجيل قيم الـ STFT الجديدة إللى بتبدأ تتسجل لما سينسور الاكسجين يسخن ويدخل الدايرة ويبقى الكمبيوتر closed loop واللى كانت اتمسحت لما بطلت العربية واللى بتبقى زى القديمة وزى المتسجلة على الـ LTFT لو العربية مافيهاش مشاكل .
- دى طريقه مؤكده 100% لتشخيص تسريب فاكيوم تحديدا .. الراجل المحترم Matt فكر فيها كنظريه و بعدين اختبرها و بعدين اصبحت من المسلمات فى تشخيصه
- تسريب الفاكيوم ده حيكون احد نوعين
1- تسريب فاكيوم قبل دخول الخليط للسلندرات .. و هنا بيكون التصحيح مطلوب علشان نسبه الخلط تبقى سليمه ( برغم ان LTFT حيكون بيقرأ Lean ظاهريا )
2- تسريب فاكيوم خادع .. لانه بيكون فى مكان بعد السلندرات .. يعنى بيكون فى بدايه الشكمان مثلا ( لكن قبل حساس الاكسجين ) .. ده بيتسبب فى ان الكمبيوتر بيحس ان فيه حاله Lean برغم ان الحريق تم يتسبه خلط مظبوطه جوه السلندرات .. و النتيجه لهذا النوع من التسريب انه بيتسبب فى زياده الضخ و يصبح الخلط داخل البساتم Rich بدون داعى
فى كلتا الحالتين تسريب الفاكيوم خادع لأنه لم يتم قياس الهوا الزيادة بالـ MAP أو الـ MAF اللى موجود على فتحة دخول الهواء للمانيفولد وكل وصلات الفاكيوم بتبقى بعد منه والراجل شرح الكلام ده فى الفيديو الاول .
-
شرح الفكره بتفصيل اوضح للزملاء المهتمين بالامر
على السلانسيه بتكون كميه الهوا اللى داخله بسيطه .. بالتالى اى نسبه تسريب فاكيوم بتمثل نسبه كبيره بالنسبه لكميه الهوا البسيطه اللى داخله .. ده بيعمل حاله Lean واضحه .. و بالتالى الكمبيوتر بيستجيب بزياده الضخ و يزيد رقم LTFT ( لنفرض مثلا 20% زياده )
لما بنزود ال ار بى ام للموتور بصوره كبيره .. بتزيد كميه الهوا اللى داخل للموتور .. و لكن تسريب الفاكيوم بيفضل زى ما هو .. ده بيقل تأثيره على نسبه الخلط لان نسبه تسريب فاكيوم ستمثل نسبه بسيطه بالنسبه لكميه الهوا الكبيره اللى داخله .. معى كده ان نسبه الخلط المثاليه ستصبح قريبه جدا من الواقع لان تسريب الفاكيوم اصبح نسبه بسيطه جدا لا تؤثر فى حساب كميه الهوا اللى داخل ( يعنى موش محتاجين ضخ زباده )
و لكن الكمبيوتر مازال بيضخ ال 20% زياده .. فيبدأ الاحساس بوجود Rich .. و بدأ خفض ضخ كميه الوقود .. و بالتالى يبدأ رقم LTFT بالانخفاض مع زياده لفات الموتور
برضه بيظهر فى الفيديو سرعه استجابه ال LTFT للتغير الحادث فى STFT https://www.youtube.com/watch?v=VNSLwkxWF-w تحياتى و اعزازى و تقديرى
المفضلات