الموضوع: مشكله ف طقم البيوجهات الجديد ؟!

المشاركة الأصلية كتبت بواسطة م/أحمد عبد الفتاح

الـ STFT و الـ LTFT مرتبطين تماماً ببعض ولايمكن حتلاقى ان الاتنين اشاراتهم مختلفة ودايما ماشيين فى نفس الاتجاه وعلشان تشتغل مظبوط لازم تتابعهم عند عدة rpm للموتور يعنى عند الايدل وعند ١٥٠٠ لفة وعند ٢٥٠٠ لفة مثلاً وده حاشرحه فى اجابتى للباشمهندس احمد .

المشاركة الأصلية كتبت بواسطة م/أحمد عبد الفتاح

لو دورت العربية وسخنت تمام ووصلت لدرجة حرارة التشغيل ولقيت مثلاً على سرعة الايدل بتاعة الموتور الـ LTFT +٢٠٪ يبقى الحالة دلوقتى lean والوقود أقل من اللازم - حانرفع السرعة لـ ١٥٠٠ لفة ونشوف بقى كام ونرفع تانى لـ ٢٥٠٠ لفة ونشوف بقى كام - لو لقينا القراية نزلت لغاية +٥٪ فى السرعتين الاخيرتين يبقى فيه مشكلة فى الأيدل وغالبأً ممكن تكون فى الفاكيوم . لو لقينا لسه نسبة التزويد عالية فى السرعتين زى الايدل يبقى يبقى السبب هو إن البنزين فى الأساس مش واصل للمطلوب بسبب مشكلة فى خط الوقود زى الفلتر او ضعف الطلمبة .

- المثال التخيلى الذى وضعته للشرح مناسب جدا و دقيق بالنسبه لشرح تسريب الفاكيوم

- ثم استكملت الشرح عليه لحاله ضعف الطرمبه .. بس اعتقد حاله الطرمبه كانت تتطلب مثال منفصل مناسب للاعراض علشان يكون مقارب للواقع لسهوله الفهم

- اعتقد فى حاله طرمبه ضعيفه .. حيكون LTFT على السلانسيه عادى بدون زياده .. لان منظم ضغط الوقود ( Fuel Preaaure Regulator ) حيكون مقفول تماما على السلانسبه يعنى مهما كان الضغط ضعيف سيتجمع و يكون كافى لمتطلبات الرشاشات القليله اللى على السلانسيه

- و يكون التشخيص هو .. LTFT عادى على السلانسيه و يبدأ ال LTFT فى الارتفاع مع زياده ال ار بى ام .. ثم يتخفض مره اخرى عند العوده للسلانسيه

لان ضعف الطرمبه سيظهر عند الاحتياج لكميات كبيره على لفات موتور عاليه و كمان وقتها منظم ضغط الوقود ( Fuel Preaaure Regulator ) بيكون مفتوح جزئيا او كليا ( ضعف الطرمبه سيكون واضح )

- و حتى لو لم يكن رقم LTFT عادى على السلانسيه .. فهو لازم يزيد مع زياده لفات الموتور ثم ينزل مع الرجوع لسلانسيه لمكانه قبل رفع لفات الموتور .. علشان تشخص عيب طرمبه

فيه 3 فيديوهات وضعتهم فى ردى للزميل العزيز ahmed_eng2001 لتشخيص ضعف طرمبه ( م نفس موقع matt )

تحياتى و اعزازى و تقديرى

المشاركة الأصلية كتبت بواسطة م/أحمد عبد الفتاح

هو إيه اللى بيحصل علشان الكمبيوتر يزود البنزين ؟؟؟؟
الكمبيوتر بيزود زمن فتح الرشاش وبالتالى بتزيد كمية الوقود - بس هو مرتبط بزمن معين للدورة وعمره ماحايتجاوزه - نيجى بقى للأرقام ومتابعتها فى الحالة اللى اكتر من ٢٥٪ بتبقى أى قراية بعد كده ليس لها أى إعتبار وتعتبر تهييس من الكمبيوتر زى قراية معدل الإستهلاك لما تقف عالسلانسيه كتير بتلاقيها تعلى بنسبة مضطردة وممكن توصل لـ ٥٠ لتر/كم والعربية واقفة ولما تتحرك تلاقيها بتنزل بسرعة جدا علشان تصحح نفسها.

معلومه جديده بالنسبه لى

بس هل جايز يكون زمن دوره الرشاش الاقصى هو اللى بيحدد الحد الاقصى ( كمثال 55% ) ؟؟ ..

بمعنى ان القراءات حقيقيه حتى مثلا ال 55% ( الناتجه عن زمن فتح الرشاش الاقصى ) و فوقها بيبقى تهييس ( موش فوق ال 25% ) ؟؟

- تسريب الفاكيوم ده حيكون احد نوعين
1- تسريب فاكيوم قبل دخول الخليط للسلندرات .. و هنا بيكون التصحيح مطلوب علشان نسبه الخلط تبقى سليمه ( برغم ان LTFT حيكون بيقرأ Lean ظاهريا )

2- تسريب فاكيوم خادع .. لانه بيكون فى مكان بعد السلندرات .. يعنى بيكون فى بدايه الشكمان مثلا ( لكن قبل حساس الاكسجين ) .. ده بيتسبب فى ان الكمبيوتر بيحس ان فيه حاله Lean برغم ان الحريق تم يتسبه خلط مظبوطه جوه السلندرات .. و النتيجه لهذا النوع من التسريب انه بيتسبب فى زياده الضخ و يصبح الخلط داخل البساتم Rich بدون داعى
فى كلتا الحالتين تسريب الفاكيوم خادع لأنه لم يتم قياس الهوا الزيادة بالـ MAP أو الـ MAF اللى موجود على فتحة دخول الهواء للمانيفولد وكل وصلات الفاكيوم بتبقى بعد منه والراجل شرح الكلام ده فى الفيديو الاول

انا اقصد انه فى الحاله الاولى نتج عنه تصحيح مطلوب و ظبط نسبه الخلط بناء على الكميات الحقيقيه

لكن خادع فى الحاله التانيه .. لانه بوظ نسبه خلط مظبوطه و خلاها Rich

تحياتى و اعزازى و تقديرى

المشاركة الأصلية كتبت بواسطة م/أحمد عبد الفتاح

لما بنقول طلمبة وقود ضعيفة فده معناه إنها مش بتوصل الضغط داخل مسطرة الرشاشات إلى الضغط المطلوب و بيبقى الاحتمالات إن الطلمبة خلوصاتها وسعت او البلف الغير رجاع اللى على خط طردها باظ وفاتح فى الاتجاهين على طول أو البلف الغير رجاع بتاع منظم ضغط الوقود باظ وبرضه فاتح على طول فى الاتجاهين ( وظيفة منظم الوقود المحافظة على الامداد المستمر بالضغط المطلوب بدون زيادة علشان الرشاشات متبوظش). دايما طلمبات الوقود بيبقى ضغطها والكمية اللى بتضخها فى الدقيقة او الساعة اكبر من احتياج الموتور والمنظم بيظبط لنا الضغط لكن الكمية الزايدة بتخرج من المسطرة فى خط الراجع - مع التشغيل المستمر والاحمال والسرعات المختلفة انت مش بتلاحظ حاجه تقريبا فى البداية - لأن زمن فتح الرشاش بقى كبير والموضوع تقريبا معادل بعضه - وبيبدأ الموضوع فى التدرج من ان الاستهلاك بتاع البنزين زايد (صدقنى مش حاتفكر فى الطلمبة) وحتبدأ فى سكك تانية ممكن تكون فعلا هى السبب وممكن تكون الطلمبة هى السبب. - ثم العربية مش بتدور من أول مرة ولازم تدور كذا مرة - لغاية العربية مش بتمشى أو وقفت بيك ـ محدش فى مصر حايفكر من الأول يبص على الـ ltft ولا الـ stft وإن بص مش حايفهم حاجه فى الغالب :)
لو حد فاهم وبص على الحاجات دى فى السكانر فى الأول حايقدر يوصل لبداية الخيط إن فيه تسريب فاكيوم (فين ؟؟؟) أو مشكلة فى خط الامداد من الطلمبة (فلتر ولا طلمبة ولابلوف غير رجاعه ولا رشاشات؟؟) يبقى ساعتها لازم نكمل الاصلاح والكشف باستخدام الأجهزة والطرق التقليدية.

تحليل روعه .. ده محتاج مذاكره

بس محتاج استوضح بعض النقاط

( وظيفة منظم الوقود المحافظة على الامداد المستمر بالضغط المطلوب بدون زيادة علشان الرشاشات متبوظش). دايما طلمبات الوقود بيبقى ضغطها والكمية اللى بتضخها فى الدقيقة او الساعة اكبر من احتياج الموتور والمنظم بيظبط لنا الضغط لكن الكمية الزايدة بتخرج من المسطرة فى خط الراجع -

- موش المفروض ان منظم الوقود ده مقفول على طول فى السلانسيه .. بغض النظر عن الضغط ؟؟ .. ام فيه ByPass للطوارئ ؟؟

لان لو مفيش ByPass .. يبقى لازم الواحد يشترى الطرمبه مواصفه فابريكه علشان ميحصلشى مشاكل

مع التشغيل المستمر والاحمال والسرعات المختلفة انت مش بتلاحظ حاجه تقريبا فى البداية - لأن زمن فتح الرشاش بقى كبير والموضوع تقريبا معادل بعضه - وبيبدأ الموضوع فى التدرج من ان الاستهلاك بتاع البنزين زايد (صدقنى مش حاتفكر فى الطلمبة) وحتبدأ فى سكك تانية ممكن تكون فعلا هى السبب وممكن تكون الطلمبة هى السبب. - ثم العربية مش بتدور من أول مرة ولازم تدور كذا مرة - لغاية العربية مش بتمشى أو وقفت بيك ـ

- تقصد ان زمن فتح الرشاش بقى كبير علشان LTFT اصبح عالى ؟؟ ام فيه سبب اخر ؟؟

- و المفروض لو هو بسبب زباده LTFT .. يبقى زمن الفتح الكبير ده للرشاش حيكون على ار بى ام عالى ( موش على السلانسيه ) .. يبقى المفروض انى الاجظ العطل بصوره اوضح ؟؟

ام اك تقصد ان ضغط الطرمبه بيكون دائما بيكون اكبر من التصميم بفارق كبير .. فمهما حصل مشاكل بتقدر تعطى الكميه اللازمه لفتره من الزمن قبل ان تتعطل نهائيا

- ليه استهلاك البزين حيزيد ؟؟ موش فاهم الحته دى .. يعنى ال LTFT حيزيد لتعويض ضعف الطرمبه و لكن فى الحقيقه هو حيضخ كميه البنزين اللى اصلا كانت مطلوبه للخلط ؟؟ ممكن توضيح ؟

محدش فى مصر حايفكر من الأول يبص على الـ ltft ولا الـ stft وإن بص مش حايفهم حاجه فى الغالب :)
لو حد فاهم وبص على الحاجات دى فى السكانر فى الأول حايقدر يوصل لبداية الخيط إن فيه تسريب فاكيوم (فين ؟؟؟) أو مشكلة فى خط الامداد من الطلمبة (فلتر ولا طلمبة ولابلوف غير رجاعه ولا رشاشات؟؟) يبقى ساعتها لازم نكمل الاصلاح والكشف باستخدام الأجهزة والطرق التقليدية.

السؤال باللون الاحمر ده امتحان ؟؟ .. اللى اعرفه ان الفاكيوم بيكون على منظم ضغط الوقود علشان يفتح خط الراجع مع زياده ال ار بى ام

طبعا لازم ادوات .. و اعتقد الاسهل هو اختبار خراطيم الوقود بالبلوف ..و الافضل يكون من قبل و بعد الرشاشات علشان الرشاشات تختبر بالمره



و ده الرد الى كتبه للمنهدس احمد 2001 لحين انك ترد عليه

المشاركة الأصلية كتبت بواسطة tasaka

- لحين رد المهندس احمد .. شوف الفيديو رقم 2 ( Part 2 ) .. من البدايه حتى الدقيقه 5 .. حيبين لك شكل المنحنى لو فيه ضعف فى وصول البنزين الى داخل السلندر ( لاى سبب ) .. ممكن فلتر مسدود .. طلمبه او فيشه الكهربا بتاعتها موش كويسه .. Regulator موش كويس .. رشاش بيسيل .. ديفرام الريجيوليتور بيسرب .. خراطيم بتسرب .. الخ

خلاصه ال 5 دقائق .. ان LTFT سيزداد مع زياده ال ار بى ام .. ده بيدى احتمال :

1- مشكله فى الطرمبه .. او ضعف فى فى وصول البنزين الى داخل السلندر لسبب ما
2- و بيدى كما احتمال ا ال MAF بيقرأ كميه هوا اقل من الكميه الحقيقيه الداخله

و يتم عمل اختبارات اضافيه لتحديد ايهما السبب .. ممكن مثلا قياس ضغط الوقود ( و لكه غير كافى وحده لتحديد ضعف الطرمبه ) و لكن حيبين لك ان ضخ الوقود فيه مشكله فى اى مكون على المجموعه و يتم استكمال الاختبارات المناسبه
خالص تحياتى

تحياتى و اعزازى و تقديرى

المشاركة الأصلية كتبت بواسطة م/أحمد عبد الفتاح

- ليه استهلاك البزين حيزيد ؟؟ موش فاهم الحته دى .. يعنى ال LTFT حيزيد لتعويض ضعف الطرمبه و لكن فى الحقيقه هو حيضخ كميه البنزين اللى اصلا كانت مطلوبه للخلط ؟؟ ممكن توضيح ؟
حضرتك علشان نفهم الحتة دى كويس حانفترض ان العربية كويسة ومافيش مشكل وبتسحب كل دقيقة ١٤,٧ كجم هوا - يبقى الكمبيوتر حايغذيها بـ ١ كجم بنزين .
طيب حصل مشكلة تسريب فاكيوم واصبح الموتور بيسحب ٢٢ كجم هوا فى الدقيقة فالكمبيوتر حايقوم بتزويد زمن فتح الرشاشات علشان يزود البنزين إلى ١,٥ كجم فى الدقيقة علشان يحافظ على النسبة يبقى كده حصل زيادة فى استهلاك البنزين ولا لأ - حصل زيادة طبعاً بس النسبة بتاعة الخلط ثابتة.

نخش على لو الطلمبة أو خط الإمداد بالوقود فيه ضعف شوية - الكمبيوتر حيلاقى كمية الهوا اللى داخلة الموتور ١٤,٧ كجم فى الدقيقة لكن كمية البنزين ٨,. كجم فى الدقيقة هنا الكمبيوتر لما يلاقى العربية lean لازم يحولها إلى rich فمش حايزود البنزين ٢,. كجم بنزين فى الدقيقة لكن حايزودها أكبر شوية من الـ ٢,. كجم وحيخليها مثلاً ٣,. كجم ( الكمبيوتر متبرمج إنه يخلى الوقود أقرب إلى الـ rich ) وده لإعتبارات السلامة لازم الموتور ميحصلهوش stall أو يبطل فجأه فى معظم الأعطال إللى بيحس بيها وده علشان الباور والفرامل مايروحوش منك لاقدر الله نتيجه تبطيل الموتور ففى معظم السيناريوهات المتبرمجة على الكمبيوتر بتروح للـ Rich .

المعلومه بالازرق دى .. اول مره اعرفها .. كت متصور انه حيزود ال الـ ٢,. كجم موش ٣,. كجم

و مكنتش اعرف ان الكمبيوتر بيستعمل احتياطات سلامه

شكرا على المعلومات القيمه .. اللى اتعلمت منها كتير

السؤال باللون الاحمر ده امتحان ؟؟ .. اللى اعرفه ان الفاكيوم بيكون على منظم ضغط الوقود علشان يفتح خط الراجع مع زياده ال ار بى ام
لأ مش امتحان بس انا اقصد بيه انك عرفت توصل بالسكانر لغاية مدى معين وبعد كده مافيش حاجه فى السكانر حاتقولك التسريب بتاع الفاكيوم فين .
بالنسبة للفاكيوم بتاع المنظم فالعكس هو الصحيح علشان يقلل الراجع فيحافظ على الضغط ثابت
والفاكيوم مش فى الحتة دى بس فيه خراطيم فاكيوم كتير على مانيفولد الهوا - حتى التكييف ليه وصلة فاكيوم علشان لما يشتغل الموتور يزود بنزين شوية علشان الحمل بتاع التكييف - جوان المانيفولد بتاع الهوا ده لو بايظ بيعمل تسريب فاكيوم ( ودى حاجه بتحصل كتير)

فيه ماكنيه دخان بتحطها فى مدخل الانجكشن ..

هى فكرتها سهله .. هى عباره عن تسخين زيت بشده لغايه ما يعمل زى بخار .. و بعدي توصله على خرطوم كمبرسور هوا عليه محبس .. اعتقد فى مصر ممكن تتعمل بطريقه بسيطه

بالنسبة للفاكيوم فإختباره بالميكانيكا الشعبية سهل قوى :) زى موضوع مشبك الغسيل كده :) - حاتجيب سبراى منظف كاربراتير من البنزينة وتدور العربية وتقعد ترش حوالين خراطيم الفاكيوم وتركز ناحية جوان مانيفولد الهوا شوية لغاية ماتسمع صوت الموتور بيعلى - يبقى الحتة دى فيها تسريب وشكراً :) - على فكرة فيه ناس بره بتديها بيوتان (بوتاجاز يعنى ) ههههههههه وكله شغال :)

انا بصراحه كنت عايز اعمل الطريقتين دول بس خفت ..

انا فاهم الفكره العامه .. ان البنزين هو وسيله لانتاج الهيدروكربون .. يبقى ممكن نوصلها للمحرك باى وسيله اخرى ( منظف كربيراتير او غاز )

طريقه منظف كاربراتير هل استعمالها امن .. يعنى مفيش خوف ان الموتور يولع ؟؟

طريقه البوتجاز دى ( يعنى كنت بافكر برضه اجيب انبوبه غاز ملو ولاعات ) .. هل استعمالها امن .. يعنى مفيش خوف ان الموتور يولع ؟؟

- تقصد ان زمن فتح الرشاش بقى كبير علشان LTFT اصبح عالى ؟؟ ام فيه سبب اخر ؟؟
زمن فتح الرشاش بقى كبير علشان يزود البنزين طبقاً لأوامر الكمبيوتر علشان يحافظ على النسبة بتاعة الخليط اللى الكمبيوتر حس بيها عن طريق حساس الاكسجين .
- و المفروض لو هو بسبب زباده LTFT .. يبقى زمن الفتح الكبير ده للرشاش حيكون على ار بى ام عالى ( موش على السلانسيه ) .. يبقى المفروض انى الاحظ العطل بصوره اوضح ؟؟

النقطه دى موش واضحه بالنسبه لى ( يمكن علشان مفهومى بخصوص طريقه عمل منظم ضغط الوقود )

الكلام كان عن ضعف طرمبه .. او ضعف وصول البنزين داخل السلندر لسبب ما

المفروض على السلانسيه الطرمبه قادره توفى بالاحتيجات .. و ال LTFT حيكون طبيعى

لما نزود ار بى ام .. زمن فتح الرشاش حيزيد ( حتى فى حاله طرمبه سليمه ) .. و لكن فى حاله وصول بنزين قليل .. زمن الفتح حيكون اكبر ( علشان LTFT حيرتفع مع رفع ال ار بى ام )

يبقى المفروض انى الاحظ العطل بصوره اوضح ( فقط لو الطرمبه ضعيفه اوى ) ؟؟

ام اك تقصد ان ضغط الطرمبه بيكون دائما بيكون اكبر من التصميم بفارق كبير .. فمهما حصل مشاكل بتقدر تعطى الكميه اللازمه لفتره من الزمن قبل ان تتعطل نهائيا
الضغط والكمية مش بيكونوا اكبر بنسبة كبيرة وده علشان يعمل حاجة إسمها compensating ليتوافق مع ظروف التشغيل المختلفة - والدليل على كده انك لو ركبت خرطوم شفاف عالراجع حتلاقى دايما فيه راجع فى الخرطوم ده تحت اى ظروف تشغيل بس حيفرق فى الكمية بتاعة الراجع.

تحليل روعه .. ده محتاج مذاكره

بس محتاج استوضح بعض النقاط

- موش المفروض ان منظم الوقود ده مقفول على طول فى السلانسيه .. بغض النظر عن الضغط ؟؟ .. ام فيه ByPass للطوارئ ؟؟

لان لو مفيش ByPass .. يبقى لازم الواحد يشترى الطرمبه مواصفه فابريكه علشان ميحصلشى مشاكل
خلى بالك منظم ضغط الوقود ده نوعين نوع قديم بيبقى على خط الراجع وبيبقى عليه خط فاكيوم واخد من الموتور علشان لما تزود السرعة الضغط مايقلش فى المسطرة بتاعة الرشاشات ويظل ثابت عن طريق خنق الراجع شوية - فى النوع القديم ده لو ركبت عداد ضغط على المسطرة بتاعة الرشاشات ورفعت السرعة وفضلت دايس بنزين مش حتلاقى الضغط يتأثر تقريبا هو هو على السلانسية - ولو دوست وشيلت رجلك بسرعة حتلاقى الضغط يزيد لحظيا حوال ١ او ٢ psi ويرجع للطبيعى تانى .
النوع الجديد من منظمات ضغط الوقود بيبقى موجود جنب الطلمبة وهو والطلمبة والعوامة بيعملوهم فى موديول واحد بيتركب فى التانك وده بينظم الضغط من بابه من الاساس .
وطبعاً لازم تشترى طلمبة مواصفة فابريكة فى الحالة دى لأن الموديول بقى فيه بلف غير رجاع خاص بالطلمبة وبلف غير رجاع خاص بمنظم الضغط وأحياناً بيبقى فيه كمان بلف غير رجاع للموديول كله - دايما المشاكل بتبقى فى البلوف الغير رجاعة لأنها بتتأثر لو البنزين فيه شوائب .
فى النوع الثانى اللى هو موديول واحد فيه طلمبة ومنظم ضغط وعوامة فيه ناس ساعات بتغير الطلمبة بس (يقولك غيرنا قلب الطلمبة ) وبعدين مايحصلش أى تحسن لأن ممكن جداً يكون البلف الغير رجاع بتاع المنظم هو اللى مفوت ـ كمان فيه حاجه مهمة تانية إن الخراطيم اللى بتبقى فى الموديول ده اللى بتوصل من الطلمبة للمنظم ومن الموديول للخط العمومى بتبقى من نوعيه خاصة لأنها بتكون غاطسة فى البنزين وطبعا لما بتيجى تغير الطلمبة (القلب) بتركب اى خراطيم من اللى فى السوق ودى بتبوش وتسيح وتتفتت وتعمل مشاكل لاحصر لها - علشان كده لو اى حاجه باظت فى الموديول يفضل تغيره كله أو تشترى الخراطيم الأصلية الداخلية ودى عاوزة واحد فنان يقوم بالقصة دى .

انا فهمى معكوس للنوع القديم اللى باللون الازرق .. انه بيكون مقفول على طول فى السلانسيه ( بسبب ضغط السوسته ) .. و انه بيفتح مع دوسه البنزين بسبب زياده الفاكيوم ( اللى بيشد السوسته لفوق و يفتح خط الراجع ) .. يمكن فيه اكتر من نوع لمنظمات الضغط القديمه ؟؟

عانيت شهور من الخراطيم دى بتاعه الطرمبه فى عربيه كبا زمان .. لغايه مالقيت خرطوم من الاصلى

https://www.youtube.com/watch?v=zTK9-DoGIVY

كنا اتكلمنا عنه كتير أنا والباشمهندس أحمد من فترة ) ونفتح الكونتكت بدون تدوير أو ندور مش حاتفرق ونبطل ونشوف الضغط خلال ٥ دقايق لو نزل بسرعة تبقى خط الامداد بمشتملاته ولو نزل بالراحة يبقى رشاش معلق أو فيه تسريب فى المسطرة .

قريت رسالتك فى رسائل زوار المهندس احمد 2001 .. و غطا التكييف اللى لقيته فى البلكونه علشان تعمل جهاز قياس الضغط

على فكره فى 3 فيديوهات لشيروكى 2003 على موقع مات .. اعتقد واحد منهم قياس ضغط الوقود و طرمبه البنزين

https://www.youtube.com/watch?v=B9uUSaQ-vhA


تحياتى و اعزازى و تقديرى

99% من البوجيهات اللي في السوق مضروب ..نصيحه : ركب البوجيهات اللي انت حلتهم