الموضوع: عايز اوصل لسبب نقصان الزيت اخر حاجة غطا البلوف

السلام عليكم ورحمة الله وبركاته

انا معايا عربية هونداى اكسنت 2010 مانوال كانت ماشية 45 الف كيلو ودلوقتى تقريبا 92 الف وكنت شاريها من سنتين ونص.

من اول ما جبتها وكان فيها مشكلة نقص الزيت وكنت ماشى على موضوع انى ازود زيت وفلتر علطول وازود زيت وطول الفترة ده مطلعتش دخان والعربية مبتنسخنش

لفيت بها اللى يقول عمرة كاملة واللى يقول نص عمرة وناس اكتر اصحاب عربيات بيقولوا النص عمرة مش بتفرق فى حاجة وحل مؤقت وهترجع تاني استمر على كده لغاية ما تجيب عمرة كاملة

النهاردة كنت عند كهربائي العربية كانت بتجيب سخونة فى الصالون من عند الرجول وكانت فى مروحة فاصلة وضبطها وبالمرة قولتله على مشكلة فى التكييف انه مرة واحدة والعربية واقفة امبير ال rpm يعلى وينزل والتكييف بيفصل ويجيب هوا سخن فقالى هنضفه وبصراحة مش عارف قال هنضف ايه المهم انه فتح العلبة البلاستيك الواصلة بين فلتر الزيت لاقاها جايبة زيت وفيها زيت كتير وقعد ينضف كتير ببخاخ AC delco وقولتله العربية بتاكل زيت ومش بتطلع دخان فقالى هو ده السبب وانا كان معايا عربية نفس الوضع وخلونى اعمر الماكنة وفى الاخر طلع غطاء البلوف

قالى روح اشترى واحد جديد او استعمال وغيره عند الماكينكى من غير ما تسألة ولا تاخد رايه

المهم انا صورت الماكنة ومشاور على الحتة اللى فتحها وقاعد ينضفها بالبخاخ (معرفش غطا البلوف ده اسمه ايه فى مصر)

وايه رايكم فى موضوع تغيير غطاء البلوف؟ وهل ممكن يكون الحل؟ وهل يستاهل انى اغيره ويا يكون السبب او يطلع فنكوش هو كمان؟

انا عايز كل الاحتمالات الواردة غير العمرة والنص عمره

الصور اهه، المكان اللى بشاور عليه اللى جاى من فلترة الهوا ده اللى نضفه بالبخاج واللى كان فيه زيت هو والقطعة السودة اللى واصلة بيه

الواصلة بين فلتر الزيت (انا قصدى بها فلتر الهوا) بس كتبتها غلط