مشكلة زوجية اتنين..

**mbx4e** · 07-09-2016 06:51 PM

نحدد ونلخص المشكله
انت عايز مراتك تعمل مجهود في خدمة البيت وخدمتك زيادة ومعرفة انواع الاكل والشطارة بتاعت ست البيت ...الخ . في المقابل انت موفر كل حاجه وبتساعد وبتشارك وملتزم بدورك وزياده.... مزبوط ...صح ؟
هو دا المطلوب صح كدا.
دا سؤال ممكن نعرف اجابته بنعم او لا.

طيب هل من ناحية الزوجه هل حصل اي نقاش بينكم او اي تواصل قبل كدا في الكلام دا يعني اتكلمت معاها او طلبت منها قبل كدا اتناقشتوا.. هل في رفض او قبول؟

اوهل في اتفاق مسبق قبل الزواج او في بدايته على حاجه معينه ؟

هل في فرق او اختلاف في المستوى مادي او اجتماعي او تعليمي او بيئة التربية او مدن او مناطق او سن بينك وبينها؟

**lena jo** · 07-09-2016 09:29 PM

بالنسبة للاولاد . اولادك لازالوا صغارا. يعني الحمد لله عندك فرصة تشكلهم و تغير فيهم . اهم حاجة تعلمهم احترام الاخرين كبارا و صغارا و تفهمهم ان الاب و الام و الجدود لهم احترام خاص . دخول حجرة الاب و الام باستئذان. الاب او الام نائمين يعني مفيش صوت يعلي عشان الازعاج لا يصح. يعني مفيش حاجة اسمها ينور النور و حد نايم. و لا حتي الاخوات مع بعض ، محدش يزعج اخوه النائم .اتفق مع والدتهم علي تربيتهم صح و عدم تركهم ليتأثروا بمن حولهم . حضرتك بدأت تعلمهم كما ذكرت منذ شهور حقوق والديهم ....الخ. خيرا فعلت و لكن لا تتركهم و تابع مع والدتهم سلوكهم و استجابتهم و طبعا بدون ضغط لكن باقناعهم ان هذا هو الصح و الصواب و غير ذلك خطأ و ان ما يفعله معظم الناس ليس بالضرورة هو الصواب. ربنا يوفقك و يصلح حالك ان شاء الله

**elnakshabandy** · 08-09-2016 07:47 PM

الصراحة
الصراحة
قول اللي انت عايزه مباشر وصارح باللي جواك

**Colin Chapman** · 10-09-2016 11:48 AM

المشاركة الأصلية كتبت بواسطة mbx4e

نحدد ونلخص المشكله
انت عايز مراتك تعمل مجهود في خدمة البيت وخدمتك زيادة ومعرفة انواع الاكل والشطارة بتاعت ست البيت ...الخ . في المقابل انت موفر كل حاجه وبتساعد وبتشارك وملتزم بدورك وزياده.... مزبوط ...صح ؟
هو دا المطلوب صح كدا.
دا سؤال ممكن نعرف اجابته بنعم او لا.

طيب هل من ناحية الزوجه هل حصل اي نقاش بينكم او اي تواصل قبل كدا في الكلام دا يعني اتكلمت معاها او طلبت منها قبل كدا اتناقشتوا.. هل في رفض او قبول؟

اوهل في اتفاق مسبق قبل الزواج او في بدايته على حاجه معينه ؟

هل في فرق او اختلاف في المستوى مادي او اجتماعي او تعليمي او بيئة التربية او مدن او مناطق او سن بينك وبينها؟

**Colin Chapman** · 10-09-2016 11:51 AM

المشاركة الأصلية كتبت بواسطة عﻻء سالمان

حياة هادئة و احترام متبادل.. مع وجود ضوابط حاسمة منها :
الست مينطلبش منها حاجة ﻻ غسيل وﻻ اكل وﻻ نضافة.. تشتغل فيهم لو ليها مزاج و من حقها تتساعد لو طلبت.. يعنى مفيش ضغط وﻻ طلبات.. ست البيت غير مجبورة وهلب يور سلف..بس الى مزعلنى وانا سفرياتى كتير انى برجع تعبان و عالحمام على طول واضرب عينى عالشماعة مفيش غير الفوطة..بتلف بيها واطلع من اﻻستحمام ادور على هدوم البسها..ليا عشر سنين على دا الحال واليوم كنت مرهق بزيادة..قررت اطلع من الحمام و قبل ما البس اخدت هاند باج فيها كل احتياجاتى من غيار وبيجامة و اخبيها فى الحمام عشان المرة الجاية وهكذا .. طبعا مقدرش افتح بقى باﻻمنية الغالية انى ارجع من السفر اﻻقى غيار و بيجامة..بدل ما اطلع ملفوف بالفوطة وحافى..
وكنت مكلف جماعتى من كام يوم يدوا تمن خروف العيد لجمعية خيرية حددتهالهم وفات اربع تيام و اتقالى معرفناش نوصل العنوان وكان فية مشغوليات واخدة الوقت

.. جلسات عﻻج الولد وتمرينة 5 مشاوير اسلوعيا..قلت معلش اخركو كدة.. بكرة الضهرية بودى التمن..
و الدنيا وقفت على رجل كأنى اجرمت بلفظ فاحش. ازاى اقول كدة و ليهم 5 ساعات بيوضبوا البيت.. وادينى اهو نايم وحدى .

. معرفش اتفك بكلمة فالبيت عذرا ﻷنى مرهق بزيادة