الموضوع: مشكلة زوجية اتنين..

بعد مافوقنا نكمل الكﻻم.. زوجة جيدة تذاكر للأوﻻد وترعى البيت ولكنها ﻻ تمسك ابرة وفتلة على طول تصليح برة دا غير ان شنطة سفرى ممكن باﻻسبوعين ماتتفتحش وجايز جدا متتفتحش غير لما احضرها للسفر مرة تانية .. ابويا وحمايا السبعينيين مسستمين زوجاتهم الستينيين على طلباتهم .. واحد لو جات الساعة 3 واﻻكل مخلصش بيعمل حكاية والتانى لو اتاخرت علية فى القهوة او اعادة تسخين اﻻكل بعد ما يبرد فى نص الغدا هة فى نص الغدا يعمل حدوتة.. احنا هنا ممكن جدا نتغدى مع المغرب .. على الرغم ان الزوجة ﻻ تعمل..بس كنت بقول فى سرى ياريت كنا كملناها صيام اليوم دة.. الحقيقة الواحد واخد الموضوع من منظور شرعى .. الزوجة ليست خادمة و من حقها شرعا تطلب من يخدمها ان ثقل عليها متطلبات المنزل وهذا مايحدث على فترات متقطعة كما أن النبى كان يخدم نفسة بنفسة ويساعد زوجاتة.. اعداد الطعام ليس حكرا على النساء و نشطيب المواعين امارسة حوالى ثﻻث مران اسبوعيا.. امس لما حطيت بالحمام غيار وبيجامة ابقى البسهم كمان شهرين تﻻتة دى حل للمشكلة بين جنباتة رسالة استياء غير مباشرة .. وغياراتى الى بحتاج صيفا اغيرها بشكل يومى برضو غسيلها على ايدى فية رغبة فى انجاز المطلوب دون إبطاء.. حماتى وامى برغم اعمارهم لسة مستحملين عزايم اسر.. آخر عزومة عملناها الزوجة صحتنى مش عارفة توضب السمكة نزلت و خدت حوالى ساعة على ما انجزنا المطلوب.. الجمبرى عملتة فى العزومة الى قبلها اختى وزوجها مقشر وجاهز للاكل مراعاه لظروف الوالدة الى نظرها ضعيف جدا .. عزومتنا احنا اتعمل بقشرة والوالدة مكانتش عارفة تاكل..فضلت اقشر لها واحدة واحدة هيا والوالد عشان الغيرة .. نص ساعة لحد ما معاد اﻷكل خلص وخدت بواقى اﻻطباق عملتهم لنفسى طبق.. وطبقى راح عن طيب خاطر لصاحب نصيبة فى الشارع.. لما بسافر وﻻدى مبيرفعوش التليفون على جدهم وجدتهم ..طيب صغار دون العاشرة ..بطلب من امهم الوﻻد يكلموا جدودهم ميصحش يعدى شهر من غير سؤال.. الرد ماشى ماشى يوم الخميس الجاى يوم الجمعة الجاية اصل مشغولين فى اﻹمتحانات.. لدرجة انى فكرت اجيب لاوﻻد مبايﻻت ويبقى الكﻻم منى ليهم.. حاسس انى لو اجلى جة عيالى حيصل قطيعة بينهم وبين والدى.. مش عارف اصلج المسألة دى الزاى علما اننا بنزورهم ونبات عندهم من 3 ل 5 تيام شهريا..و بيشيلونا من عﻷرض شيل.. وميسيبوناش نسافر غير بتموين محترم .. و برغم إعﻻن استيائى من تعبهم .. مرة مراتى بتقولى انت بتحب ابو بﻻش..لية منروحش احنا للجزار وننقى بنفسنا بدل ما حمايا بيجيبلنا حاجات ساعات متطلعش على مزاجى.. بامسك نفسى و اقولها الى عاوزاة اؤمرى.. مع انى براعى اهلها على قد ماقدر وكل مانزل صيدلية برة اسألها لو حد من عيلتها محتاج اى حاجة..انا خايف على امى لمراتى متسدش معاها لو استضفتها عندى وسافرت.. برغم ان حماتى من 20 سنة كانت بتسد مع حماتها صاحبة الزهايمر تﻻت شهور كل سنة غير ان حمايا خد والدية مع اسرتة واطفالة وحججهم وهما فى ارزل العمر ووالدى ساهم فى شبكة و جواز احتة برغم ان دة اخر زواجة سنتين فاتجوز على 35 احنا مهما عملنا مش هنيجى ربع الى كانوا بيعملوة.. انا شكلى كدة صدعتكم برجاء الى يستاء من الموضوع يتجاهلة وبﻻش مشاركات تضايق يﻻ سﻻم

مش لدرجة انى لما اشترى كرمبة مثﻻ كأنى جايب قنبلة .. وتفضل فى التﻻجة لحد متبوظ وتترمى ومش لدرجة انى لما اكل محشى مثﻻ يكون من ادين نفس الست الى بتنضف البيت.. الحمد لله الواحد ممكن يعيش بأى شكل .. ومفيش حد كامل و ﻻ زوج و ﻻ زوجة .. و زوجتى زى امها مش عكسها وﻻ حاجة المسألة ببساطة انى ﻻ بحب اصارح وﻻ بحب اطلب .. بسكت وبعمل الحاجة بنفسى ياما استغنى عنها بالعربى كدة رافض انى اكون عبء على مراتى .. بس المشكلة الى بجد انى مبقدرش اتحكم فى تعبيرات وشى.. يعنى لو عندى امتعاض معرفش ادارية حتى لو حفظت لسانى .. ومبشرحش السبب فبتهاجم على طول باسطوانة انى غاوى نكد وكدة .. أوقات بنفس عن نفسى بمكالمة طويلة للوالدين من غير اى خوض فى اﻻسرار دى .. المكالمة الطويلة بتثير غيرتها وازاى اتكلم مع والدى اكتر ما بتكلم مع اسرتى.. طيب انا برتاح مع والدى وعمرى مابيحصلى ازعاج وانا قاعد معاهم لكن مثﻻ مرة كنت جاى من السفر مرهق مكملتش يومين و محبش اسهر على سماجة التليفزيون..رحت انام بدرى سمعت بنتى 6 سنوات بتقولها ماما لية بابا سايبنا ودخل ينام.. قالتلها بالحرف لو عاوزاة يصحى روحى اتنططى على دماغة.. دة غير ان الوﻻد الى بتخانق مع امهم لو تصحيهم غصب عنهم .. ممكن يكونوا مرتبين فسحة وكدة ولو يشوفونى هبدأ اروح فى النوم بينوروا عليا النور بشكل شايفة ﻻ يخلو من وقاحة بس ببلع الموضوع واعند احيانا واسايرهم احيانا.. لسة مؤخرا من ست شهور بدأت اشرحلهم حقوق والديهم واحفظهم أيات اﻹستئذان فى القرآن سورة النور.. وابتدوا يفهموا مؤخرا واحدة واحدة ان ميصحش يضايقوا الناس الكبيرة الى قربت تبقى عجوزة عشان من السهل يجيلهم صداع..الطفل كائن ضعيف قليل الحيلة ميصحش بيتة يهينة او يضغط علية بزيادة كفاية انة فمجتمع سيئ سواء بالمدرسة وﻻ الباص وﻻ النادى مش هيتربى بإخﻻص غير فى بيتة وﻻ هيتعلم عن ربة ودينة غير فبيتة خصوصا وانهم نفوس خيرة عالفطرة مينفعش نعلمهم الجبن و نهز ثقتهم مثﻻ .. يتكلفوا بمهمات و يتشجعوا عالفنون التشكيلية و يواجهوا متنافسين فى بطوﻻت و يتعلموا النشان و ضرب النار كمان والكرامة تكون فوق كل اعتبار .. لسة من شهر اختلفت مع رئيسى الجبار وطردتة.. ولما اتسألت قلت عشان بربى وﻻدى عالكرامة و فاقد الشئ ﻻ يعطية.. عاوز بس اوصل انة ﻻ يجوز الخلط بين الرحمة من ناحية والسلبية والجبن من ناحية.. وزى ما فية ناس غاوية كتر كﻻم و رفع صوت واعﻻن مستمر عن اﻻستياء وعدم الرضى فية ناس يكفيها النظرة لترتدع وبحاول اكون فبيتى كدة..طالما الواحد حاسس باستمرار انة ممكن متطلعش علية شمس الغد اكيد هيحاول بقدر اﻹمكان يتعدل.

اولا انت مش محدد المشكلة فين .......ولا انت بتفضفض وخلاص ؟

ثانيا موضوع اهتمام الزو جة بيكون عن طريق تحديد طلباتك واحتياجاتك لان الستات مختلفين عن الرجالة فى التعامل ....
الستات بتنتظر دائما انت عاوز اية وتعملة .......ودة لانها بتتعامل مع اولادها ....وطلبات البيت وطلبات الزوج كل دة فى نفس الوقت .....بينما الرجل بيتعامل زى جهاز الكمبيوتر المبرمج بالمهمات المتتالية ولا تجد رجل يستطيع ان
يعمل اشياء متعددة بالتوازى او مع بعض وانما بيقوم عقلة بترتيبهم وينفذ مهمة اولى ثم مهمة ثانية وهكذا .....

موضوع تجهيز ملابس وغيارات بيجى بالتعود وانك تصبر على تكرار الطلب ....

موضوع اهتمام الاولاد بواجبات الاسرة دة كمان بيجى من الصغر بالاوامر والتعود .....ودة قبل سن التمرد او المراهقة وبعد كدة بيحصل فطور وعدم طاعة فى سن المراهقة وبعد مرور الفترة دة ....الاولاد بيلتزموا بما اتعودوا علية

ربنا يصلح لك الاحوال ,,,,,,,

محدش يأدب الست غير الست هددها بالزواج عليها لو ما التزمتش اتجوز دا صنف ميجيش غير بالسك علي وشه .