اقتباس المشاركة الأصلية كتبت بواسطة borio1704 مشاهدة المشاركة

مشكلة المواصفات الأوروبية إنها قابلة للغش بمنتهى السهولة...

إزاي؟؟؟

ببساطة جدا... الـacea طلعت حوالي 5 مواصفات لزيت الموتور.. ابتداء من 2002 ولحد 2012..

لو فرضنا إن زيت كان واخد تصنيف a5 حسب مواصفة 2002... هل يختلف عن زيت تاني واخد تصنيف a5 حسب مواصفة 2012؟؟؟

الحقيقة إن فيه فرق كبير بين الاتنين..

بس في الآخر... المكتوب على علبة الزيت حاجة واحدة... إن الزيت a5...

حسب أنهي مواصفة؟؟؟ الله أعلم.


زيوت قليلة جدا اللي تلاقي مكتوب عليها حاجة زي A5-04 مثلا.. يعني تصنيف A5 حسب مواصفة 2004.

يمكن ده اللي خلى أغلب الشركات الأوروبية تكبر دماغها من مواصفات الـacea وتعمل مواصفات خاصة لنفسها للقصور الكبير في أسلوب التعريف بتاع الـacea.

بصراحة.. كل شوية بتطلع لي حاجة تأكدلي إن الأوروبيين دول ناس مجعلصينها بدون داعي... وفي الآخر كل الجعلصة دي ما بتجيبش نتيجة وبتقلب على دماغ كل اللي عايز يمشي زيهم.

ما زلت لا أفضل التفكير الأوروبي ولا الصناعة الأوروبية إطلاقا.


...
احنا تفكيرنا واحد فى موضوع اليابانى و الاوروبى .. اتفاق تام



أنا راجعت بسرعة مثلا مواصفة acea اللي عندي... لقيت مثلا إن المواصفات دي ما حددتش قيمة محددة للـtbn إلا في مواصفة 2010... ولازم ما تقلش عن 8 في أغلب الأحوال..

ده معناه إن أي زيت الـtbn بتاعه أقل من 8 ومكتوب عليه تصنيف acea يبقى مصنف نفسه على مواصفة acea قديمة (زيت بترومين a-1 مثلا الـtbn بتاعه 7)
كنت باقرأ شويه فى Anti wear .. ال API SL كانت نسب مواد كتير موش محدده و يمكن وضعها باى كميه .. و تم تحديد الكميه لبعضها فى مواصفه SM

يعنى نفس الوضع لل API




ده على عكس طريقة تصنيف الـapi والـilsac.. اللي بتقدر تعرف بالضبط إذا كان الزيت ده مطابق لمواصفة حديثة أو لأ.
مفيش اى داتا شيت خاص بزيت A1 على النت .. الموجود هو بتاع الزيت القديم GF-5

بنفس المفهوم .. الزيت بترومين رقم TBN بتاعه 7 .. و واخد تصنيف API SN .. و ايضا تصنيف GF-5 .. و ايضا تصنيف Dexos 1

يعنى اعلى و احدث مواصفه فى API و اعلى و احدث مواصفه فى ILSAC .. و ده معناه ان معندهمش شرط للموضوع ده حتى الان !! .. يبقى ACEA بالشكل ده متفوقه عليهم فى تحديد مواصفه

و نفس الشيئ لزيت موبيل X1 >> انه واخد تصنيف SN/SM و GF-5 و ايضا تصنيف Dexos 1 .. بس تصنيفه لم يزيد عن ACEA A1/B1 .. يبقى مواصفه ACEA محدده و ادق من احدث المواصفه الامريكيه

و الفرق برضه واضح فى تسميه الزيوت التصنيعيه الحقيقيه فى اوروبا و امريكا

و هو ده اللى انا كنت اقصده


تحياتى و اعزازى و تقديرى