الموضوع: ماهو السبب في عدم أنخفاض أسعار السيارات في مصر

في بريطانيا في تسعينات القرن الماضي حدث تصادم بين سفينة نقل بحري وبين سفينة أخري أو بين السفينة ررصيف الميناء ( لست متذكرا بالظبط ) وكانت هذه السفينه محملة بالبترول ونتيجة لإمتلاء البحر المتوسط بالبترول ماتت كميات كبيرة من الأسماك مما أدى إلي زيادة أسعار الأسماك ولم يعترض المواطن البريطاني علي ذلك لإنه يعلم السبب. ولكن مع الوقت وشيئآ فشيئآ أخذت الأسعر في الإرتفاع مرة بعد الأخري . فأحس المواطن أن هناك من يسرقه فإمتنع المواطنون عن شراء الأسماك لفترة فعاد السعر إلي طبيعتة ( في ظل وجود كميات من البترول في البحر ) ولكن المواطنون رفضو الشراء لفترة أخرى . ثم إنخفض السعر إلي معدله العادي وكأن حادث الإصطدام لم يحدث ولكن المواطنون رفضو الشراء ( للمرة الثالثة ) . ثم إنخفض السعر أكثر وأكثر ليصبح السعر أقل من معدله الطبيعي والعادي ولكن المواطنون رفضوا الشراء أيضآ ( للمرة الرابعة ) وأكرر ( للمرة الرابعة ) إلي أن فسدت الأسماك عند التجار وتحمل التجار مصاريف إزالتها بصفتها قد أصبحت الآن ( زبالة ) وعندما سئل المواطنون في بريطانيا عن رفضهم للشراء بالرغم من عودة السعر إلي معدله الطبيعي وأكثر بكثير فكان رد أغلب المواطنون كالتالي . لكي يصبح تجار الأسماك ( عبره ) لأي تاجر آخر في أي سلعة أخرى يفكر أن ( يسرقني أو يستغلني ) . سؤال ؟ هل من الممكن أن يصل الشعب المصري لهذه الدرجة من النضج والوعي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

المشاركة الأصلية كتبت بواسطة AshTurbo

وأنا عن نفسي معايا فلوس أشتري عربية جديدة محترمة و كاش ومع ذلك مش هشتري دلوقتي وهستحمل رزالة المواصلات وتناكة سواقين التاكسي والميكروباص عشان البلد دي حالها يتعدل .

اولا: احب ان اقدم لك كل احترامي لرفضك ان تنساق وراء جشع واستغلال التجار.

ثانيا : تأثير الأزمة لسه مظهرش بجد في مصر (بعض القطاعات تأثرت بشكل مباشر مثل البورصة وبعضها بدأت علامات التأثر ولكن لم تصل الى ذروتها مثل المنتجات الغذائية والسياحة والعقارات وبعض القطاعات مازال يصارع ويعاند ومنها سوق السيارات) ... ولكن لا تتعجل فا الانخفاض قادم قادم لامحالة

ثالثا : لايخفى عليك يا عزيزي انا هناك الكثير من تجار السيارات يتابعون منتدانا الغالي (نايل موتورز) بشكل يومي ومستمر ويتابعون ردود فعل المشتركين بالمنتدى ومن مصلحتهم ان تبدأ عجلة السوق في الدوران مرة اخري لأنهم يعانون منذ اكثر من شهرين من ركود رهيييييييييييييييييييب.

أهلا وسهلاً بيك شريف وشكراً على المقالة اللى نقلتهلنا وبصراحة فيها كلام عجبني زي حكاية لجنة وكلاء السيارات طبعاً احنا الحكاية عندنا بدنجان وسايحة وفيها تخبط كبير ومفيش أشراف (أو سيطرة) هو دة المفهوم اللي مفروض يتقال ان مفيش سيطرة من الأجهزة الرقابية وأجهزة الدولة على وكلاء السيارات فبقى كل واحد بمزاجه وبقى لكل شيخ طريقته وشوف آخر جملة في المقالة

وحول تخفيض أسعار السيارات ذات الموديلات 2008، قال سمير الشبيلي، مدير عام إحدى وكالات السيارات، إن الشركات تقوم بعروض ترويجية للموديلات 2008 من بعد شهر رمضان والحج، وذلك بغرض استقبال الموديلات الجديدة، مبينا أن هذه العروض والتخفيضات لا تعني انخفاض الأسعار من الخارج، إنما هي حملات ترويجية يقوم بها الوكيل.

دة دليل كبير أن الوكلاء هناك عندهم ستوك كبير ولسة مابعوش منه يعني متخزن بقالة كتير فمبالكم بقى بالستوكات اللى عندنا في مصر شوفوا قد أيه دخل البلد عشان حكاية التقسيط دة اللى فتحت الباب على مصراعيه ولازم يتخلصوا منه قبل ما موديلات سيارات 2009 تنزل بص أحنا بقى الحال عندنا مفيش غير قلة قليلة بتعمل حملات ترويجية زي أوماترا توكيل فيات وكمان عز العرب لما عمل تخفيضات على مويلات سيتروين ونزل حملة بسيطة في الجرايد وتوكيل دايهاتسو برضه نزل شوية عروض عموماً أنا شايف أن في ضغط على التجار نتيجة الأزمة اللي حصلت وكمان الحكومة رمت الكورة في ملعبهم لما صرحت أن مفيش تخفيضات على الجمارك وقفلت الباب في وشهم وبالطبع في وشنا أحنا الأول يعني لازم الستوك اللى عند التجار والوكلاء ينخفض سعره وهينخفض وهتزيد الحملات الترويجية الفترة القريبة القادمة ومحدش يتوقع أنخفاض كبير دلوقتي ومحدش يتوقع أن الأنخفاض يحصل بسرعة كبيرة - وهوبا - في لمح البصر العربيات تنزل النص صعبة طبعاً وكلها مسألة وقت .

أهلاً وسهلاً بيك MaYo وشكراً على الرواية اللي قلتها ودة سيناريو ممكن يحصل في أي مكان في العالم وبالطبع ممكن تحصل حكاية الأنخفاضات دي لو حصل زي ماحصل في روايتك بس أحنا عندنا صعب يقاطعوا كتير أو صعب نتوحد فترة كبيرة وكل واحد في الأول والآخر بيهمة مصلحتة وبعد كدة مصلحة الآخرين فاللي أحنا بنعملة دة بمثابة توعية للناس بنهدي اللعب يعني اللى معاه يشتري عربية لو أستنى فترة صغيرة هيلاقي تخفيضات وعروض ترويجية وكماليات وفوائد وهو الكسبان في الآخر بردة يبقى لزمته أيه التسرع الغير مبرر .

أهلاً وسهلاً بيك sherif Anton وتحياتي لحضرتك .

ثالثا : لايخفى عليك يا عزيزي انا هناك الكثير من تجار السيارات يتابعون منتدانا الغالي (نايل موتورز) بشكل يومي ومستمر ويتابعون ردود فعل المشتركين بالمنتدى ومن مصلحتهم ان تبدأ عجلة السوق في الدوران مرة اخري لأنهم يعانون منذ اكثر من شهرين من ركود رهيييييييييييييييييييب.

صدقني يا سيدي الفاضل هم مش خسرانين في كل الأحوال وعجلة السوق لما هتلف هيكسبوا مش هيخسروا والخاسر الأكبر اللي حيفضل واقف مكانه ومش هيتجاوب مع الأزمة اللى حاصلة بشكل مناسب ومدروس .