الموضوع: الزيت المناسب لشفروليه اوبترا

المشاركة الأصلية كتبت بواسطة emad81

كنت هغير واحط زيت synpower 5w30 بس لقيته api sl ودى حاجة استغربتلها مع أنه المفروض تخليقى بالكامل وغالى فمجبتوش. حطيت engine armour 10w40 وده نص تخليقى أو synthetic blend مع العلم أن كان فى نوع فالفولين تانى max life 10 w40 نفس المواصفات بس أغلى 30 جنيه. سألت المحل وهو موزع فالفولين ايه الفرق معرفش.
.نقطة تانية. بتاع الزيت سألني العربية موديل كام وماشية اد ايه. قاللى لو عربية مر على موديلها اكتر من 5 سنين وحتى لو الموتور معداش 100 الف لازم اللزوجة تزيد شوية يعنى بدل ما تبقى 5w30 زى الكتالوج تبقى 10w40 ايه رأيكم فى اللى قاله ده رغم أن مصلحته انه يبيعلى الزيت الأغلى اكيد

..

المهندس بوريو رد عليك رد وافى شافى .. و للاسف انت لم تتبع اى كلمه منه

المشاركة الأصلية كتبت بواسطة borio1704

خليك ماشي على الكتالوج... سواء دلوقتي أو بعد الـ100 ألف أو حتى بعد المليون.

المهم تختار مستوى الجودة الصح حسب الكتالوج... ودي أهم 100 مرة من اللزوجة.

من الآخر... مش أي زيت 5w-30 يمشي مع العربية ويحافظ عليها...

كتالوج الأوبترا طالب إن الزيت يكون مطابق لطلبات مواصفة جنرال موتورز رقم gm6094m...
(أو ممكن برده dexos1 ... دي مواصفة جنرال موتورز الجديدة وبتحل محل المواصفة القديمة)... يعني لازم تلاقي نفس الرقم (gm6094m أو dexos1) مكتوب على علبة الزيت...

ما لقيتوش ... ما تشتريهوش.

...

كنت هغير واحط زيت synpower 5w30 بس لقيته api sl ودى حاجة استغربتلها مع أنه المفروض تخليقى بالكامل وغالى

دى حاجه كانت محيرانى سابقا



ان فيه زيوت بيتكتب عليها SL بالاضافه الى انه مكتوب عليها sm او sn ؟؟

فما هو الداعى لكتتابه المواصفه SL الاقل فى التصنيف ( لان المفروض ان المواصفه الاعلى تشمل المواصفه الاقل ) !!



السبب ان فيه ناس بتفضل مواصفه ال SL ( عن مواصفه SM مثلا ) .. و لان مواصفه SL بتحتوى على كميه من الزنك اعلى من المواصفتين اللاحقتين sm او sn .. و الزنك ده هو الاساس المتعارف عليه لمده طويله لماده مقاومه التآكل Anti Wear Additive

ظهور مواصفه SM كانت استجابه لصناع السيارات بان يحافظ الزيت على علبه البيئه لانها جزء غالى الثمن .. و كمان علشان المتطلبات البيئيه .. فتم انقاص كميه الزنك فى مواصفه SM و استعواضه بمواد بديله غاليه الثمن



و لذلك يوجد رأى و بالذلت ممن يمارسون سباقات السيارات كهوايه و يملكون سيارات رياضيه .. ان الحفاظ على علبه البيئه ( لغلو ثمنها ) ليس مبرر .. لان الحفاظ على الموتور الرياضى و هو اغلى ثمنا طبعا اهم .. لذلك بعضهم ما زال يفضل SL لهذا السبب

علما بان المواد البديله فى sm او sn قد تؤدى نفس الحمايه



ده موضوع كنت عايز اكتبه من زمان بتفصيل اكبر .. اذا سنحت الفرصه لذلك

ان شاء الله هغير الزيت قريب مش هقعده كتير. وهى برضه فرصة اتابعه لو فى تسريب اعالجه خاصة أن اللى قبلى تقريبا كان حاطط زيت أتقل