المشاركة الأصلية كتبت بواسطة borio1704
الحقيقة موضوع شيق جدا وتحليل علمي منطقي وسليم جدا جدا.
بس عايز أنبه لبعض الحاجات اللي تقريبا عاملة لناس كتير لخبطة جامدة
أولا.. موضوع الإحساس بالمطبات إنها بقت أقل ده جاي طبعا من انخفاض معدل التمدد بتاع النيتروجين مقارنة بالهوا العادي...
طيب .. المفروض إننا بنملا الهوا حسب الضغط اللي مكتوب على قايم العربية على البارد.. بمعنى إن العربية لازم تكون واقفة لمدة ممكن تزيد عن 3 ساعات أو يمكن أكتر..
والعربية لو اتحركت لمسافة حوالي 1-2 كيلومتر بيعتبر خلاص بقى سخن.. يعني ما لحقتش تتحرك.
الكلام ده معناه حاجتين:
1- إن مش الاحتكاك هو اللي بيخلي الهوا يسخن.. ده مجرد انضغاط الغاز جوه الكاوتش بيخليه يسخن
2- الضغط التشغيلي للكاوتش هو لما يبقى سخن.. زي درجة حرارة الموتور كده.. يعني لما اظبط الضغط على 30 على البارد.. ده يعادل 33 على الساخن. . بفرض إن معامل تمدد الهوا في الحالة دي = 10%
كل الناس اللي قالت إنهم ما بقوش يحسوا بالمطبات زي الأول حسوا كده ﻹن ضغط الكاوتش بقى أقل من الطبيعي .. أو بمعنى أصح.. أقل من التشغيلي اللي العربية مصممة عليه أساسا.
دي مش حاجة كويسة على فكرة
ليه؟؟؟
الضغط الأقل معناه:
1- تسارع أقل
2-استهلاك بنزين أعلى
3- ثبات أقل على الطريق
4- تآكل كاوتش أسرع ( طبعا.. حسب المعتاد من الكاوتش قليل الضغط ).
علشان نتفادى السلبيات اللي فوق جي لازم لما نظبط ضغط النيتروجين.. أزود الضغط عن المكتوب في القايم..
بس بكام بالظبط؟؟؟
مش هقدر أقول دلوقتي..والموضوع محتاج دراسة علشان نحدد الفرق بين تمدد النيتروجين وتمدد الهوا. . وبعدين نحدد.
بس مبدئيا... لو مشينا بالخطوات دي. . النيتروجين مش هيبقى ليه لازمة فعلا.. وفلوس بتترمى عالأرض
...