استاذ احمد ازي حضرتك
بس هو سؤال بايخ شوية وسامحني فيه
بس معلش هو حضرتك عايز توصل لأيه؟؟؟
ياجماعه الموضوع ابسط بكتير من اننا نكتب فيه 9 صفحات
القصه كلها 20 جنيه اللى ليه مزاج يجرب حس بفرق خير وبركه محسش يعنى مخسرش حاجه انتو محسسنى ان اننا بنهرب بانجو
سهلو على نفسكو
يا أستاذ أوتو
الموضع أخذ 9 صفحات
إنت شايف إنهم كثير
لكن أنا شايف إنهم مفيدين جداً لأي واحد بيبحث في الموضوع ده ويجد في التسع صفحات كل الآراء
وبعد كده ينفذ ما إقتنع به
ومفيش صعوبة ولا حاجة
كويس ان الناس مهتمه بالتفاصيل بس انا هاستعين بكلامك
"وللعلم فإنه أحياناً قد تكون هناك نظرية علمية تؤكد جدوى أمر معين ولكن بقيمة أصغر من أن يلاحظها أي إنسان أو يستفيد منها وبالتالي تصبح بلا قيمة"
ده كان قصدى الموضوع مش مؤثر للدرجه اللى نختلف عليها
دمتم سالمين واشوفكو فى رالى الفراعنه
:S_thum1[1]:
يوجد موضوع عنة بالاهرام للسيارات
***
* كلامك سليم ضغط 30 في جميع الغازات يعني 30
* طيب ممكن أسأل حضرتك لية في الصيف كل الناس بتخلي الضغط 28
* طبعاً لإن الأحتكاك والسخونة تؤدي إلي تمدد بعض الغازات وحيث أن النيتروجين غاز خامل فإنه لا يتأثر بالاحتكاك ولا بالسخونة وبالتالي لا يزيد الضغط عن ال 30 بعكس الهواء العادي
يعنى اثبتنا ان الكثرية بيقولوا ان فيه فرق... سواء باحساس المطبات او غير ذلك
انا معاك طبعا فى الحزئية دى بس فعلا دة بيحصل... و لولا انى مجرب الموضوع دة فى عربيتين مكنش صدقت ابدا القصة دى و لو الناس حلفت من هنا لبكرة... بس فعلا فيه فرق بيحصل و لحد دلوقتى مش فاهم ازاى و ليه بيحصلاقتباس:
المهم إن كلمة ضغط العجل 30 مينفعش بعدها نقول الغاز ده أطرى من ده
لأن معنى الضغط واحد في جميع الغازات 30 يعني 30
MMamdouh
شكراً
أنا قصدي بالسؤال ليس مدى ثبات الضغط
ولكن التأكد من أنهم يضعون النيتروجين بنفس ضغط الأكسجين
لمحاولة تفسير كلمة إن الكوتش أكثر طراوة
مناقشه مثيره و مفيده في نفس الوقت
انا مجربتش النيتروجين بس هجربه و اشوف لو في فرق
اشكرك يا ahmed1981 علي المناقشه الممتعه
تحياتي,,,,
بعد مراسة عدة شركات عالمية لصناعة الإطارات حول مسألة النيتروجين
كان أولهم رداً على بريدي الإلكتروني هو شركة بريدجيستون
وقمت بترجمة الرد
وبالتالي الرد مع الرجمة:
Ahmed,
أحمد
Thank you for visiting our website. You were inquiring the use of nitrogen (N2) versus air on your tires.
شكراً على زيارة موقعنا
لقد كنت تتساءل عن استخدام النيتروجين بدلاً من الهواء في الإطارات
Some tire shops and filling stations have been offering nitrogen as an inflation gas for passenger and light truck tires. Nitrogen is acceptable as an inflation gas for use in Bridgestone/Firestone passenger, light truck and truck tires.
بعض محلات الإطارات أو محطات نفخ الإطارات تعرض النيتروجين كغاز بديل لنفخ الإطارات في سيارات الركاب والنقل الخفيف
والنيتروجين يعتبر غاز مقبول للاستخدام في نفخ الإطارات من نوع بريدجستون/فايرستون في كل من سيارات الركاب والنقل الخفيف والشاحنات
According to www.tiresavernitrogen.com, it is believed nitrogen-filled tire lasts longer by an estimated 25% and offer better fuel efficiency by 3.3% miles per gallon. However, what you will have to consider is the cost: $10 - $20 extra per tire to inflate the tire. If the tire has to be repaired, nitrogen has to be deflated and you could be charged again for the replacement of nitrogen. Make sure you ask your tire facility on these costs before your tires are filled in by nitrogen.
طبقاً للموقع التالي: www.tiresavernitrogen.com الذي يدعي أن الإطارات المملوءة بالنيتروجين تدوم أكثر بحوالي 25% وتعطي كفاءة أفضل في استهلاك الوقود 3.3% ميل لكل جالون (بمعنى أن استهلاك الوقود يقل بنسبة 3.3%)
ومع ذلك لابد أن تأخذ في اعتبارك تكلفة ملئ الإطارات بالنيتروجين (10 أو 20 دولار للعجلة الواحدة) وفي حال أن النيتروجين تسرب أثناء إصلاح العجل فلابد من ملئها مرة أخرى بالنيتروجين
لابد أن تسأل عن تلك التكاليف قبل أن تملأ الإطارات بالنيتروجين
Bridgestone/Firestone passes no judgment on the claims stated by various nitrogen suppliers. What we can tell you is that our tires have inner liners designed to act as pressure retention devices specifically with the use of air, restricting air loss due to permeability. Nitrogen will not cause any detrimental reaction to innerliners.
شركة بريدجستون فايرستون ليس لها أن تحكم على إدعاءات شركات توريد النيتروجين
ولكن ما نستطيع قوله لك أن التصميمات الداخلية لإطاراتنا مصممة لعملية الاحتفاظ بالضغط الداخلي في حال استعمال الهواء والحد من الفقد في الهواء بسبب النفاذية.
والنيتروجين لن يكون له تأثير ضار على التصميم الداخلي للإطار
If you have further questions, please feel free to email us back.
Thank you and have a nice day.
إذا كانت لديك أسئلة أخرى ، فلا تتردد في الكتابة إلينا
أشكرك وعمت صباحاً :C_laugh[1]:(أشكرك وأتمنى لك نهارا سعيدا)
Rod Maniboإنتهت الرسالة
Merchandising & Inventory Management
Bridgestone Retail Operations, LLC
ـــــــــــــــــــــــــ ـــــــــــــــــــــــــ ـــــ
وتعليقي عليها:
يقولون أنهم يصممون الإطارات على أساس إستخدام الهواء في نفخها
وأعطوني موقع على الإنترنت لشركة تبيع وسائل تعبئة النيتروجين وتتحدث عن مزاياه من وجهة نظرها
ويقول أنهم ليس لهم أي حكم على تلك الإدعاءات في مسألة النيتروجين التي يروج لها موردو النيتروجين
لكن كل ما يستطيعيون قوله أن النيتروجين ليس ضار
الحقيقة ردهم لم يفد كثيراً
وعندما تصل بقية الردود من الشركات الأخرى سأوردها تباعاً
أعتقد يبقى احسن يا بوحميد لو نحاول نشوف تفسير علمى......لأن موضوع أنهم بيظبطوا الضغط على درجات أقل.....محصلش معايا قبل كده مع العلم أنى قسته فى كذا مكان ( مجرد قياس ) و كان ثابت و كمان الأستاذ sh23 عنده مقاس الضغط بتاعه......و بيقيس بيه.
و لتالت مرة بأعيد الكلام
أنا فاكر كلامك والله يا أبو حميد
لكن أنا أبحث عن تفسير علمي
وهنوصل بإذن الله
*****
من خلال الموقع الذي سبق أن ذكرتة في مداخلة سابقة لك وهو
http://www.tiresavernitrogen.com/
يمكن تلخيص الآتي :
*أن الأكسجين وبخار الماء الموجودين في الهواء العادي ومع أرتفاع درجة الحرارة تحدث عملية أكسدة للمطاطمما يؤثر علي الجدار الداخلي للإطار وبالتاليوزيادة إستهلاك الكاوتش
* أن النيتروجين غاز خامل جاف وبالتالي يقلل من عملية الأكسدة ويطيل العمر الأفتراضي للإطاربمعدل 25 %
*أن ضغط الإطار في حالة الهواء العادي يقل بمعدل درجتين في الشهر ؛ علي حين يقل بذات المعدل في ستة أشهر في حالة استخدام النيتروجين
*أن النيتروجين من خلال محافظتة علي معدلات ضغط الكاوتش في معدلها الطبيعي يؤدي إلي خفض إستهلاك الوقود بنسبة 3.3%
*أن النيتروجين بطبيعتة الجافة يوفر درجة حرارة ابرد (أقل سخونة) من الهواء العادي مما يجعلة أكثر أماناً في ظروف التشغيل القاسية .
-----
هذا ما فهمتة من موقع الشركة الموزعة للنيتروجين ؛ وأرجو من الزميلين العزيزين/ ممدوح ؛ أحمد 1981 تأكيد أو تصحيح ما فهمتة من خلال زيارة الموقع
في المجمل هذا ما يقوله الموقع
لكن هذا موقع دعاية لبيع منتجات التزويد بالنيتروجين
والحقيقة الرد بتاع بريدجستون إنهم بيصمموا الإطار على أساس إنه هيكون فيه هواء بيضاد فكرة التأكسد وتقصير عمر الإطار اللي بيقولوا عليها في موقع البيع
هو صحيح كتب الموقع في رده لكنه نأى بنفسه محملهم مسؤلية كلامهم
وأنا في إنتظار ردود من شركات إطارات أخرى
فمواقع البيع الدعائية ليس بها الكثير من الثقة
يا جماعه مفيش بخار ميه بيدخل الكاوتش
لانه بتكثف فى تنك الكومبريسور و لو حد شيك مع بتاع كاوتش هيقول له انه لازم يعمل drain كل فتره للتنك من الحنفيه الى بتكون تحت فى التنك
انا اتكلمت اكتر من مره فى موضوع النتروجين, و يمكن اكون اكتر واحد فى المنتدى بيستخدم نيتروجين فى الشغل
كل المميزات الى الشركات بتتكلم عليها دى كلام salesmen و كل الدلائل العلميه الى بيتغنوا بيها صح من الناحيه العلميه لاكن غلط من الناحيه العمليه
مثلا موضوع ان حجم ذرة النيتروجين اكبر من الاكسجين ده هيؤدى الى تقليل نسبة التسريب ... موضوع الحجم صح. انما موضوع تقليل التسريب مش صح, ليه؟ علشان الفرق بين(فرق الحجم بين ذرة النيتروجين و الاكسجين) بالنسبه لحجم possible leak paths الى موجوده فى الكاوتش صغير جدا فبيكون كلام فارغ يعنى مالهوش تاثير(حد فاكر وحدة قياس حجم الذره الى مبنعرفش نشوفها بالعين المجرده!)
برجاء مراجعة مشاركاتى فى اللنكين دول
http://www.nilemotors.net/Nile/showt...t=32372&page=4
http://www.nilemotors.net/Nile/showt...t=40798&page=3
http://www.nilemotors.net/Nile/showt...?t=4682&page=4
----
* بداية أتفق معك في كل ما ذكرتة
* لكن ألست معي في أن أول أنصار ملء الإطارات بالنيتروجين في مصر هم مراكز FIT&FIX والتي تتبع توكيل بريدجيستون
* بالإضافة إلي أن ما ورد بالموقع المشار إلية يتفق مع ما ذكرتة في أحد مداخلاتي السابقة من ثبات ضغط الإطارات منذ أربع اسابيع وكذا الإحساس بنعومة الإطارات وإختفاء صوت الدبدبه وهو نفس ما لاحظة عدد من الأخوة في مقدمتهم محمد ممدوح ؛ أحمد عبد المقصود
* ولابد لي هنا من توجيه خالص الشكر لك علي بحثك عن التفسير الفني والعلمي لظاهرة النيتروجين ؛ وفي إنتظار مزيد من مدخلاتك الشيقة
أثناء البحث في المنتدي وجدت موضوع سابق يناقش مسألة ملء الإطارات بالنيتروجين
وهذا هو رابط الموضوعhttps://www.nilemotors.net/Nile/14828-a.html
تتبع التوكيل المصري كرجل أعمال له أكثر من نشاط طالما بيجيب فلوس
لكن لا تمت لشركة بريدجيستون بأي صلة
ثبات الضغط بمعنى عدم الحاجة لتزويد الإطار بالهواء نتيجة التنفيس هذا أمر معقول
أنا عندي الحمد لله كوتشين بريدجيستون في الجولف منفوخين هواء عادي لم أقم بتزويدهم هواء منذ أكثر من ثلاثة أشهر أو أكثر
لذلك فلا أجد نفسي بحاجة للإستفادة من تلك الميزة في النيتروجين
لكن بالنسبة لقول البعض أن ضغط النيتروجين ثابت مع إختلاف درجات الحرارة فهذا كلام علمياً غير مقبول
وبخصوص إحساس البعض بنعومة وعدم دبدبة في الإطارات فهذا ما نبحث عن تبرير له
وطبعاً موقع البيع لم يتكلم عن تلك النقطة رغم إنه موقع دعاية للبيع يعني ممكن يقول أي كلام ورغم كده مجبش سيرة
أنا اللي بشكر حضرتك على المشاركة
وإن شاء الله نستفيد كلنا حتى لو إختلفنا في وجهات النظر
لا يابوحميد انا متابع الموضوع من بدرى بس كنت ساكت لانى شايفك قايم بالواجب و زياده
كمل قراءه هتلاقى الكلام علمى و منطقى
والله والله والله انا معايا سويفت 93 وانتو عرفين ان العفشه بتاعتها نشفه شويه مع الرغم انى غيرتلها اربع مساعدين يابانى اغلى حاجه فى السوق علشان استريح بس بردوة لقيتها نشفة بردوة .
وكان موضوع النيتروجين فى دماغى بقاله فترة،وقلت اسئل مجرب ومتسألش طبيب وسألت الاثنين(ههههه)
لاقيت فرق انا والله مش متخيله كأنى بالضبط كنت لابس فى (حذاء ماركه باتا،وبعد كده لبست ماركه أديداس).
طب حد يقول لنا أسعار الملو بالنيتروجين إيه علشان نحدد عما إذا كنا هنجرب ولا لأ
وعى فكرة لسة حالاً سامع رأي عن ملو الإطارات بغاز الهيليوم ...
يظهر إن بلدنا الحبيب بينفع الترويج فيه عن أي شئ .
موش بعيد في يوم نسمع عن منتج جديد وهو ( هواء نقي معبأ في قراطيس ) ...
هأ هأ هأ هأ هأ
العجلة بــــــ 5 جنيهات فقط
وبجد هتحس بفرق أن شاء الله
وأنا سمعت عن الهيليوم بس أكيد هيبقى أغلى بس معرفش فين وبكام بالضبط
وغاز الهيليوم بيدخل فى أحذيه كرة السله علشان يمتص الصدمات .
فعلا العجلة بــ 5 جنيه ممكن تملىء العجل عند بتوع بريدجستون عمارات العبور ناس كويسة و من ساعة مامليته يجيى من 8 شهور تقريبا لما بعدى اكشف علية و يزودوه عمرهم ما اخدوا فلوس تانى للتزويد
ياجماعة النيتروجين جامد جدا وفرق شاسع عن الهواء العادى ودة اللى لاحظتة وعشان اجرب مليت العجل كلة بالنيتروجين ومشيت بية اسبوع وبعد كدة فضيتة ومليتة هواء حسيت بفرق بجد وبعد كدة جربت بردة ان اخلط الاتنين مع بعض عشان اشوف هيعمل رجرجة ولا لأ بس معملش اى حاجة وفعلا من ساعتها وانا مواظب على النيتروجين وكمان انا قعدت شهرين مركب كاوتش جديد معملتش قياس ضغط الاطار ولما روحت قيستة لقيت مافيش اى نسبة ضغط قلت وكل اللى عملتة انى ظبطت الضغط على 28 بدل 30 بعكس الكاوتش اللى مليان بالهوا اللى لازم تظبطة كل اسبوع حتى لو بتتحرك بالعربية ودة طبيعى عن ناتج تفاعل الهواء بالحرارة بيتحول لبخار مياة داخل الكاوتش وبخار المياة بيتحلل الى املاح بتترسب فى الكاوتش بتعمل تاكل وصدأ بعكس النيتروجين وعن تجربة وعن اقتناع كامل مافيش حد فى الزمن دة هيدفع فى حبة هوا 20 جنية فى حاجة مالهاش لازمة او مافيش بينها فرق وبين اللى ب2 جنية تملى الاربع فرد
السلام عليكم ... بصراحه انا كنت فاكر موضوع النتروجين ده اشتغاله وتهيات لحد ما جربته النهارده وجربت العربيه في المشي وسط البلد - حاجه تانيه خالص اولا؛ الدركسيون نعم اكتر ما كان -ثانيا؛ احساسي بالمطبات قل بنسبه65% من الاول وان شاء الله هجربها وانا مسافر وهقولكم ع الاخبار . العجله بخمسه جنيه فعلا والحسابه بتحسب .
اقرب مكان نيتروجين في المهندسين او شبرا مصر فين يا جماعه
ان شاء الله ناوي اجرب موضوع النتروجين ده
بس مش عارف عندنا في السعودية يبقي بكام
الحاجات هنا غالية جدا اي تعامل مع اي فني في العربية بفلوس و فلوس كتير كمان .....
ايوا ده اشتغاله مش اكتر
لا مش اشتغالة
و عن تجربة سنين
بس الفرق بيبقى مش واحد لكل السيارات و بالاصح حسب الكاوتش المستخدم اذا كاوتش واطي قوي زي 195/45 مثلا مش حاتحس بفرق لان مافيش حجم كبير للهواء اساسا
انما عندي في كاوتش الجيب الكبير 255 الفرق كبير لان حجم الهواء كبير و بالتالي بيفرق في التمدد كتير و بيريح العفشة اكتر مع السخونة ما بيتمددش
كلامك مضبووووووووووووط 100 100
أنا فعلن سألت ناس كتير في الموضوع دة و قالولي كدة برده و غير كدة سألت ناس معاها عربيات كانت بتملي الكاوتش بالنيتروجين و قالولي بقينا نملي هواء عادي