الموضوع: إنهيــار صنــاعة السيــارت فى العالم و خاصة الأمريكية !!

المشاركة الأصلية كتبت بواسطة Mohamed_SlvrLan99

رامى اللى أنت بتتكلم عليهم دول بتوع فورد اوروبا, مبينزلوش فى أمريكا ماعدا الفوكاس بس برضة بتاعت السوق الامريكى غير بتاعت بقيت العالم و كمان أقل حاجة فيها 2000 سى سى.

ممكن فعلاً عشان أنا جايبهم من whatcar.com و ده إنجليزي ولما دخلت دلوقتي سايت فورد أمريكا لقيت أصغر متور فورد في أمريكا الفوكاس ود 2000 cc زي مانتا قلت

المشاركة الأصلية كتبت بواسطة ramyso4

كل سنة ونتم طيبين أول حاجة

شكراً يا أستاذ توت عل موضوع بس كان لي تعليقين

أول تعليق اتمنى مايبقاش رد فعلنا الشماتة تجاه أي أزمة أو مشكلة تمر بها أمريكا وكلامي مش موجه لحد معين د بس رجاء عشان احنا أخلاقنا أعلى من إن احنا نستنى كبوات الناس ونشمت فيهم

تاني حاجة أنا شايف إن احنا واخدين فكرة إن العربية الامريكاني ال-cc بتاعها كبير علطول ود بسبب انطباعنا عن العربية الأمريكاني القديمة بس الوضع إختلف نسبياً دلوقتي

الفورد بتنزل فوكاس 1400cc ومونديو 1600cc و سي ماكس 1600cc كا 1300cc وفيستا 1200cc وفي نفس الوقت ماركت كتير كانت معروفة انها بتعمل عربيات إقتصادية بمواتير صغيرة بقت تعمل حاجات ال-cc بتاعها عالي

السلام عليكم يا أستاذ رامي
أنا فعلا شمتان في الحكومة الأمريكية و لا أتمنى لهم إلا الشر و الخراب

كل يوم يطلع علينا واحد منهم
أسرائيل باقية مادامت أمريكا قوية و تستطيع حمايتها
سنضرب إيران لو فكرت حتى في ضرب صاروخ واحد على الصهاينة في فلسطين
إسرائيل ستظل أقوى من كل العرب بمساعدتنا لها
إسرائيل محمية مليون 100 % في مجلس الأمن حتى لوقف أي عدوان مش حتى مهاجمتها ..... دائما الفيتو الأمريكي جاهز لأي مشروع عربي لوقف أي عدوان صهيوني
اللهي يتحرقوا بجاز وسخ .........

بغض النظر بقى عن خلافات العرب و ضعفهم و خلافات الفلسطينين نفسهم
و لكن أكره هؤلاء جدا
ازدواجية في المعايير فظيعة
عايزين ديمقراطية في فلسطين علشان يخلصوا من عرفات
جت حماس
معجبتهمش حماس ......... مش معترفين بيها
مع أن حماس تم أنتخابها عن طريق الشعب الفلسطيني و عن الطريق الأنتخابات الحرة النزيهة اللي أمريكا فرضتها على الفلسطيين و كانت نزيهة بشهادة أمريكا و الأتحاد الأوروبي ( مع أني مش بطيق حماس )
بس هي بلد بنت ستين في سبعين
و عايزني ماشمتش فيهم ............ يأكلهم قطر و يغوروا في ستين داهية
و أحب أسجل كرهي الشديد ليهم
و شكرا

------------

بالنسبة للمواتير اللي حضرتك بتتكلم عليها
دي بيتم تطويرها في مصانع فورد في انجلترا علشان تتباع في انجلترا و بعض دول أوروبا
إنما السوق الأمريكي مفيهوش الكلام ده
ده بالنسبلهم لعب عيال المواتير 1600 دي .....حاجة كدا كوخة
أول مواتيرهم هي 2000 سي سي
حتى الماركات التانية مش بيقبلوا عربيات صغيرة إلا أعداد قليلة قوي و معلهاش طلب هناك

يعني شاطحين في العالم ضرب يمين و شمال و ظلم
و إستهلاك لموارد العالم بطريقة شنيعة
و عايشين في الدور و فاكرين نفسهم فتوات العالم
جاتهم مصيبة تأخدهم
يا راجل ده أنا زهقت
كل ما أفتح سي ان ان أسمع عنهم حاجات تغيظ
حتى اتفاقيات تقليل الأنبعاثات الخطيرة على البيئة مش عايزين يمضوا عليها علشان تلوث الأرض اللي خله القاهرة لغاية يوم 5 ديسمبر حر حر حر

و لندن اللي كان بينزل فيها تلج من أول اكتوبر ...... وقف و بطل ينزل و بقى بينزل يوم و لا أثنين في يناير و خلاص على كدا

أحنا مش واخدين بالنا من البلاوي اللي بتحصل بسبب الأنبعاثات الخطيرة اللي أمريكا مسئولة لوحدها عن ربعها




الأستاذ فادي
لا يوجد ما يبرر التبذير
فهناك آيه شديدة الوضوح في القرآن الكريم توضح مدى حرمانية التبذير و أنه من عمل الشيطان
و لن أذكرها علشان أنا مش عارفة حرفا
و بعدين كلام حضرتك واضح أنه بسبب تأثير عملك في شركة بترول
و لكن هذا لا يبرر الإستهلاك العالي في السيارات
بدل الإستهلاك العالي في السيارات
يمكن بناء محطات تحلية مياة لدول أفريقيا الفقيرة ووقف العجرة غير الشرعية و جعلهم أعضاء منتمين منتجين في الأقتصاد العالمي و زيادة موارد الطعام العالمي بدل الحروب الأهلية و بيع الأسلحة لهم و التمتع بالسيارات الكبيرة الحجم في أمريكا الملعونة

يا راجل ......... أنتوا فتحتوني ..........و كفاية كدا
خليني ماشي جنب الحيط و أنا أساسا غلبان و مليش في حاجة
واخدين بالكم .....

مقال منقول من اهرام الجمعة : اعلنت شركة تويوتا اليابانية انها ستطر لاغلاق ثالث مصنع لها خلال الشهر الحالي وذلك في محاولة لمواجهة الانخفاض الحاد في معدلات الطلب علي سياراتها في الولايات المتحدة وباقي دول العالم واوضح هاروتوشي فوكاساوا المتحدث الرسمي باسم الشركة انه سيتم غلق المصنع المختص بتجميع محركاتها بحلول ال25 من ديسمبر الحالي لتصبح هذه هي المرة الاولي التي يتم فيها وقف العمل منذ 15 عاما بسبب خفض معدلات الانتاج ورجح فوكاساوا احتمال اغلاق المزيد من المصانع في حالة تفاقم الازمة المالية الراهنة . وبعد ده كله التوكيل هنا مالوش دعوة ... يقفلوا مصنع اتنين - الاسعار هنا لازم تزيد غصب عن الكل

تحيا توكيلات مصر حرة مستقلة
أصل حضرتك مش واخد بالك
أحنا في مصر بنحب نعيش مستقلين

فملناش دعوة بالمصانع اللي تتوقف و لاه حتى تولع
المهم التوكيل يكسب أضعاف اللي الشركة ألأم بتكسبة في العربية الواحدة

...................تحيا توكيلات مصر حرة مستقلة ...............

لا يا عم مفيش نزول فى الاسعار ان شاء الله ولسة هتولع
وتحيا مصر

هي دي مصر ولا بلاش

يعنى تويوتا بتقفل مصانعها
على كده مش حتحافظ على لقب الصانع رقم 1 لفتره طويله