اقتباس المشاركة الأصلية كتبت بواسطة emad81 مشاهدة المشاركة
الحمد لله غيرت الزيت عند 8500 كم وحطيت زيت ac delco 5w30 dexos 1 زى المطلوب فى كتالوج الاوبترا . العربية ماشية 108 الف هتابع الزيت . بس هو المفروض يمشى اد ايه لو معظم حركة العربية سفر؟

حسب كتالوج العربية الأمريكي.. لو معظم شغل العربية سفر تقدر تغير الزيت كل 12,500 كيلومتر (12 ألف و500).. وأنا أفضل إنه يكون 10 آلاف بس...

بشرط إن ما يحصلش معاك أي حاجة من دول:

  1. القيادة في طرق متربة أو غير معبدة
  2. القيادة في الغبرة (الخماسين مثلا)
  3. قطر عربيات أو مقطورات


لو أي حاجة من دي بتحصل معاك.. يبقى تغير كإنك بتسوق داخل المدينة أو رحلاتك قصيرة.. (الكتالوج كاتب كده)..

وظروف القيادة داخل المدينة أو الرحلات القصيرة متعرفة في الكتالوج كالتالي:

  1. لو معظم رحلات العربية أقل من 8 كم... خصوصا لو الجو بارد جدا (تحت الصفر).
  2. لو معظم الرحلات بيبقى فيها تشغيل على السلانسيه كتير (زحمة - انتظار بالتكييف).
  3. لو العربية بيتشتغل سيارة خدمات (عربية ديليفري - شرطة - تاكسي - خدمات تجارية).


لو أي حاجة من دول بتحصل معاك يبقى تغير الزيت كل 5000 كم .. زي ما الكتالوج قايل.

...