بابا ولا ماما وموقف ادعو الله الا نقع فيه

**Nile_Storm** · 09-12-2008 03:01 PM

لا اعرف لماذا امتدت يداي لكاته هذا الموضوع في ايام العيد
علي الرغم من انه حدث امامي في ايام العيد

موقف بجد قعدني طوال الليل افكر فيه بجد ادعو الا يضعنا الله في مواجهته ابدا

كنت كعادتي في المستشفي مع جدتي كما يعلم بعضكم اسال الله الشفاء
المهم خرجت لاجلس في الاستراحه قليلا لاجد رجلا مهندما و يظهر عليه الوقار داخلا مندفعا امامي تجاه احد الغرف الخاصه بجراحه النسا و حياني قائلا السلام عليكم ردددت السلام
و اذ افاجي بعد دقيقه بصراخ و عويل من الغرفه التي دخلها و جهاز النبضات الكهربائيه تسرع به الممرضه
اطباء يركضون هنا وهناك
لااعلم لماذا في هذه اللحظه اندفعت معهم معلنا اني طبيب بكالوريوس -حتي محصلتش امتياز - و اعلم اني لن اساعد الا بالقليل و هذه المره الوحيده الي عملت فيها هذا الموقف المهم افاجا ان هذا الرجل ملقي علي الارض و حاولنا افاقته لكن امر الله كان نقد نفذ و فارقت روحه
جلست اتامل بعدها و اتعجب علي سرعته في دخول الغرفه كان لسان حاله " افسحوا لي فاني ذاهب لاموت "
و تعجبت علي ماحدث عندما فهمنا من زوجته انه مريض بالقلب و حدثت له هذه الازمه لما راها في السرير منتظره العمليه " مع انها علي حد قولها عمليه ليست بالصعبه " وقد كان - رحمه الله شديد الحب لها - فوقع بمجرد ان راها و كأن تحيه السلام التي القاها علي هي اخر ما نطق

الغريب ايضا علي حد قولها انها حدثت له كثيرا هذه النكسات و لكن كانو يسرعو بنقله للمستشفي و يفيق منها و سبحان الله المره الي تحدث بها في قلب المستشفي يفشل انقاذه و يموت

الموقف الذي اصابني بالحزن و الاكتئاب و لن انساه ما حييت و لا اخفي عليكم لقد منعت نفسي البكاء
منظر ابنه وهو يجري باتجاه الغغرفه و احد اقاربه يقول له البقاء لله وهو يسال

بابا و لا ماما

يالله من هذا سؤال

صعب اوي
فكلامها جواب صعب
انه يعرف حاله والده الحرجه و حاله امه التي بصدد اجراء عمليه
تري ماذا فكر
كان عاوز يسمع اي رد
ايه الي دار بجواه ساعته
الله الهمه الصبر

اعذروني نكدت عليكو في العيد بس كل ما افتكر السؤال ده يجيلي حاله من الرهبه

**Nile_Storm** · 09-12-2008 03:02 PM

و اعذروني للاسلوب الملخبط فاني كتبته بدون تنسيق

**mido777** · 09-12-2008 03:10 PM

لا حول ولا قوة الا بالله

موقف مؤثر جدا انك تكون مع حد وبعدها بلحظات يتوفاه الله

ربنا يرحمه ويصًبر اهله

**Noha-Esmat** · 09-12-2008 03:19 PM

لا إله إلا الله ولا حول و لا قوة إلا بالله

فعلا موقف بجد مؤثر لما الواحد يلاقى فجأة نفسه ممكن يخسر حد من أعز الناس ليه .... و أنا كنت لسة عاملة مشكلة مع مامتى من يوم الوقفة و كان مفيش كلام بينا لغايط من شوية (يا دوبك قولتلها امبارح كل سنة و انتى طيبة من تحت الضرس عشان يبقى عملت اللى عليا) و انهاردة لسة من شوية قمت من على النت اللى قاعدة عليه ليل و نهار و سايباها .. قمت عملتلها حاجة تشربها عشان كان عندها برد و قعدت معاها و قعدنا نحكى و كأن شيئا لم يكن ... و أجى دلوقتى بعدها بمفيش الاقى الموضوع ده....

مش عارفة هيفضل الكبر و العند اللى بينا و بين أهالينا لامتى امتى الواحد هيقول انا اسف على الاهمال و العند و قلة الذوق اللى كان بيتعامل بيها معاهم

ولا لازم توصل لموقف نلاقى حد من الاتنين هيضيع مننا عشان نحس بقيمتهم :k30::k30::k30:

شكرا على الموضوع اللى جه على الجرح يا نايل ستورم

**Lion_Heart** · 09-12-2008 03:20 PM

اللهم صبرهم و صبرنا على مبتلانا .

**elassar2010** · 09-12-2008 03:33 PM

لا حول ولا قوة الا بالله
ربنا يصبر ابنة

**Lion_Heart** · 09-12-2008 03:35 PM

المشاركة الأصلية كتبت بواسطة Noha-Esmat

لا إله إلا الله ولا حول و لا قوة إلا بالله

فعلا موقف بجد مؤثر لما الواحد يلاقى فجأة نفسه ممكن يخسر حد من أعز الناس ليه .... و أنا كنت لسة عاملة مشكلة مع مامتى من يوم الوقفة و كان مفيش كلام بينا لغايط من شوية (يا دوبك قولتلها امبارح كل سنة و انتى طيبة من تحت الضرس عشان يبقى عملت اللى عليا) و انهاردة لسة من شوية قمت من على النت اللى قاعدة عليه ليل و نهار و سايباها .. قمت عملتلها حاجة تشربها عشان كان عندها برد و قعدت معاها و قعدنا نحكى و كأن شيئا لم يكن ... و أجى دلوقتى بعدها بمفيش الاقى الموضوع ده....

مش عارفة هيفضل الكبر و العند اللى بينا و بين أهالينا لامتى امتى الواحد هيقول انا اسف على الاهمال و العند و قلة الذوق اللى كان بيتعامل بيها معاهم

ولا لازم توصل لموقف نلاقى حد من الاتنين هيضيع مننا عشان نحس بقيمتهم :k30::k30::k30:

شكرا على الموضوع اللى جه على الجرح يا نايل ستورم

للأسف مبنعرفش قيمتهم الا لما نتجوز ويكون عندنا عيال , مع كل خوف ولهفة عليهم او تعب حد من العيال بدعى لأبويا وامى , و للأسف كمان لما حد فيهم يتعب و من الوهن لا يستطيع التحرك , و مفيش حد بيحس انه انقطع سنده وامان الدنيا الا بوفاه أحدهما او كلاهما ,احب كمان اذكر ان كل عقاب يؤجل للآخرة الا عقوق الوالدين , اللهم اغفر لى ولوالدى ولأصحاب الحقوق على انك غفور رحيم .