ماهو الزيت المناسب

**الشقنقيرى** · 22-10-2017 05:44 AM

عربيه هوندا سيفيك 2010 عامله 150000 كم ايه النوع واللزوجه المطلوبه

وعربيه كيا ريو 2004 عامله 140000 كم ايه النوع واللزوجه المطلوبه
وشكراً

**borio1704** · 23-10-2017 03:38 PM

اختيار الزيت مالوش دعوة نهائي بالعربية ماشية قد إيه...

اختيار الزيت أساسا معتمد على توصيات كتالوج عربيتك.. وهو ده المرجع الأساسي والوحيد.

خد بالك إن الزيت عبارة عن حاجتين: لزوجة + مستوى أداء (جودة)...

ومستوى الأداء أهم من اللزوجة..

دي كتالوجات العربيات اللي بتسأل عليها:

هوندا سيفيك 2009 الأوروبية (هي نفسها الـ2010)
https://drive.google.com/file/d/0B5R...ew?usp=sharing

وده كتالوج هوندا سيفيك الأمريكية (بس ما تعتمدش عليه في توصيات الزيت)
https://drive.google.com/file/d/0B5R...ew?usp=sharing

كيا ريو 2003 (هي نفسها 2004)
https://drive.google.com/file/d/0B5R...ew?usp=sharing

ويا ريت تعدي على الموضوع ده لو عايز تعرف ازاي تختار الزيت الصح لعربيتك..
https://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)

...

**الشقنقيرى** · 23-10-2017 08:57 PM

دخلت كتالوج الريو ولقيت ارقام كتير فى الزيوت بس مش عارف المناسب انى رقم يعنى 10-40 مناسب ولا لا

**borio1704** · 24-10-2017 08:48 AM

المشاركة الأصلية كتبت بواسطة الشقنقيرى

متشكر ليك امال ليه كل الناس بتسالنى الاول العربيه عامله اد ايه مش عشان يشوفوا الاستهلاك للموتور عشان نسب الخلوص لتجنب تبخير الزيوت الخفيفه

\

دي أخطاء شائعة ومفاهيم خاطئة عند ناس كتير .. وللأسف حتى بعض المتخصصين بيقعوا فيها..

استهلاك الموتور مش بيتحدد من الكيلومترات... فيه طرق محددة بنعرف منها حالة الموتور من خلال الكشف عليه..

ياما فيه مواتير ماشية 50-60 ألف وعايزة عمرة.. ومواتير تانية ماشية 300-400 ألف ولسه بحالتها.

العبرة بكيفية استخدام العربية.. مش ماشية قد إيه.

ثانيا.. الزيت مش بيتبخر.. أصلا مفيش زيت بيتبخر في درجة حرارة تشغيل الموتور العادية...

الزيت بيستهلك ويتحرق مع البنزين.

ادخل هنا علشان تعرف ازاي الزيت بيستهلك في كل المواتير.. حتى الجديدة على الزيرو..
https://www.nilemotors.net/Nile/418186-a.html (تبخر الزيت... هل هو حقيقة أم خرافة؟؟)

وادخل هنا كمان علشان تعرف أسباب نقص الزيت في المواتير...
https://www.nilemotors.net/Nile/492938-a.html (مستوى الزيت في المحرك .. إيه أسباب نقص الزيت؟؟؟)

وفي جميع الأحوال... ما ينفعش تحط زيت غير المكتوب في الكتالوج نهائي.

...