الموضوع: معدل تغير زيت للتوكتوك

المشاركة الأصلية كتبت بواسطة mohamedmomqq22

انا مش عارف اشكر حضرتك ازاي متجيب رقم موبيلك احولك رصيد انا بتكلم بجد والله مش عارف اشكرك ازاي
سؤال تاني هل معدل التغير هيفرق في الشتاء او الصيف في الشغل الشاق او العادي؟ علشان الفرق من هنا و الهند ان الطريق ممهد هناك هنا كله مكسر و توقف مستمر فضلت ادور في الكتالوج ملقتش حاجة بصراحة
و مرة تانية جزاك الله خيرا

أشكرك على مشاعرك النبيلة :)

بس أنا مش باخد فلوس على نشر المعلومات... أنا بشارك في المنتدى لزيادة الوعي وحبي للسيارات.. فقط لا غير :) .. وزي ما حضرتك استفدت مني.. أنا كمان استفدت من زملا كتير عملوا زيي ...

بالنسبة لمعدل التغيير... وعلى حسب معلوماتي.. ما دام مفيش تعليمات حوالين الموضوع ده في الكتالوج يبقى معندكش فرق..

وعموما.. موضوع الشتا والصيف ده مش موجود نهائي لما بتستخدم زيوت بلزوجة متعددة (الزيوت اللي عليها رقمين زي 20W-50 مثلا)

حالات الاستخدام الشاق المفروض تكون مكتوبة في الكتالوج.. ولو ما لقيتهاش.. أنصحك تدخل عالموضوع ده.. ممكن يساعدك..
https://www.nilemotors.net/Nile/490076-a.html (إمتى تغير زيت الموتور؟؟؟)

طبعا لو كنت بتخلي الموتور يدور سلانسيه كتير (ساعة متواصلة مثلا) والموضوع ده بيتكرر كتير.. يبقى لازم تاخد الموضوع ده في حسابك وتغير الزيت على كيلومترات أقل.

في العادة.. بيحسبوا الساعة على السلانسيه بحوالي 20 كيلومتر.


على فكرة .. ما تفتكرش الهند شوارعهم جميلة ... احنا أحسن منهم.

...