مش عارف اختار واحترت

**ahmed_wagih** · 12-12-2017 03:59 PM

هو فعلا زى ما حضرتك تفضلت الصوت بيبقى مع بداية الدوارة الصبح وبيروح ودلوقتى بقى احسن بكتير بصراحة

بس اللى ملاحظة ان لما بجى اقرص على الغيار صوت المكنة بيعلى عن الاول يعنى لازم اطلع بالغيار عن ما كنت بعمل قبل كدة مع زيت موبيل يعنى مثلا لو ماشى على الثالث اطلع بالرابع علشان صوت المكنة على قبل كدة مع موبيل مكنش بالطريقة دى

بس بردة لما كلمت خدمة العملاء بتوع امسويل قالوا لى كلام عايز اتاكد منه من حضرتك هما قالوا لى ان الزيت امسويل كدة بقى احسن لانى كنت متعود انى اضغط بنزين علشان التصارع مع امسويل بمارس نفس الدوسة على البنزين وانا مش محتاجها علشان كدة بحس ان الصوت عالى

هل الكلام دة منطقى

سؤال تانى انا بردة اصبحت طريقة سواقتى مش هادية زى الاول اتجرات وبقيت بجرى وبقرص على العربية مش زى الاول

هى العربية دايو لانوس 2008 عاملة دلوقتى 155 الف
طبيعة مشويرى دائرى رايح جاى للشغل حوالى 35 كيلو بس فى اليوم والعربية طول اليوم بتبقى مركونة وفى الغالب بنزل بدرى والطريق بيبقى مفتوح وفى العودة متوسط الطريق بيبقى معقول

بس بقيت بقرص وبجرى عن الاول

ايه راى حضرتك فى التغير اللى جاى استمر على امسويل ولو الاجابة بنعم لو استخدم تخليقى 100% وانا بفضله بصراحة اتضر استخدم 5w50 لان اللى بستخدمة دلوقتى 5w30

او استخدم امسويل بردة نصف تخليقى اللى هو تقريبا xl 10w 40 واغلب الناس بتقول ان العداد بتاعى كبير ولذوجة 30 قليلة علية ( عارف اننا اتعلمنا منك انه مش بالكيلوهات علشان متتعصبش ) بس انا شارى العربية مستعملة تقريبا كانت عاملة 136 الف
وبالتالى معرفش اللى قبلة كان استخدامة اية وبيستخدم اية

ملحوظة الزيت عندى الحمد لله مش بينقص

معلش طولت عليك تعبينك معانا

**wael.shaker** · 15-12-2017 10:59 PM

السلام عليكم بعد إذن صاحب الموضوع
استاذنا الفاضل @

borio1704 انا عربيتى اكسينت 99 1500 cc غيرت زيت التعاون sj كتير قالولى انه مناسب للسياره وموديلها .
من فضل حضرتك رئيك أيه وايه افضل زيت مناسب عشان اعمل حسابى من المره الى جايه إن شاء الله تعالى .
وعايز اعرف اضع كام ك من الجالون مع تغيير الفلتر يعنى 3.5 ولا 4 لنر
شكرا لك على الشرح الوافى فى موضوع الزيوت استفت كتير منه .

**wael.shaker** · 15-12-2017 11:27 PM

المشاركة الأصلية كتبت بواسطة wael.shaker

السلام عليكم بعد إذن صاحب الموضوع
استاذنا الفاضل @

borio1704 انا عربيتى اكسينت 99 1500 cc غيرت زيت التعاون sj كتير قالولى انه مناسب للسياره وموديلها .
من فضل حضرتك رئيك أيه وايه افضل زيت مناسب عشان اعمل حسابى من المره الى جايه إن شاء الله تعالى .
وعايز اعرف اضع كام ك من الجالون مع تغيير الفلتر يعنى 3.5 ولا 4 لنر
شكرا لك على الشرح الوافى فى موضوع الزيوت استفت كتير منه .

http://<a href="http://www.up-00.com...[/img]</a>

**borio1704** · 16-12-2017 03:09 PM

المشاركة الأصلية كتبت بواسطة ahmed_wagih

هو فعلا زى ما حضرتك تفضلت الصوت بيبقى مع بداية الدوارة الصبح وبيروح ودلوقتى بقى احسن بكتير بصراحة

بس اللى ملاحظة ان لما بجى اقرص على الغيار صوت المكنة بيعلى عن الاول يعنى لازم اطلع بالغيار عن ما كنت بعمل قبل كدة مع زيت موبيل يعنى مثلا لو ماشى على الثالث اطلع بالرابع علشان صوت المكنة على قبل كدة مع موبيل مكنش بالطريقة دى

بس بردة لما كلمت خدمة العملاء بتوع امسويل قالوا لى كلام عايز اتاكد منه من حضرتك هما قالوا لى ان الزيت امسويل كدة بقى احسن لانى كنت متعود انى اضغط بنزين علشان التصارع مع امسويل بمارس نفس الدوسة على البنزين وانا مش محتاجها علشان كدة بحس ان الصوت عالى

هل الكلام دة منطقى

موضوع الصوت هنا هو ده بالضبط اللي قصدي عليه... لازم نعرف إيه طبيعة الصوت العالي اللي قصدك عليه...

صوت تكتكة الموتور غير صوت انفجار البنزين جوه السلندر

صوت التكتكة له علاقة مباشرة بلزوجة الزيت وإضافات كتم الصوت في الزيت...
صوت انفجار البنزين له علاقة مباشرة بكمية البنزين جوه السلندر ومعدل دوران الموتور... وده له علاقة مباشرة بكمية المقاومة اللي الموتور بيواجهها في مقابل كمية البنزين المحترقة..

المقاومة دي مصادرها كتييييير جدا (الزيت واحد منها).. تقدر تتعرف عليهم من هنا..
https://www.nilemotors.net/Nile/475925-a.html (تعالى نفهم ليه استهلاك البنزين بيزيد؟؟)

المشاركة الأصلية كتبت بواسطة ahmed_wagih

سؤال تانى انا بردة اصبحت طريقة سواقتى مش هادية زى الاول اتجرات وبقيت بجرى وبقرص على العربية مش زى الاول

هى العربية دايو لانوس 2008 عاملة دلوقتى 155 الف
طبيعة مشويرى دائرى رايح جاى للشغل حوالى 35 كيلو بس فى اليوم والعربية طول اليوم بتبقى مركونة وفى الغالب بنزل بدرى والطريق بيبقى مفتوح وفى العودة متوسط الطريق بيبقى معقول

بس بقيت بقرص وبجرى عن الاول

طريقة سواقة حضرتك اتغيرت علشان استجابة العربية بقت أحسن من الأول...

الموضوع ده له كذا سبب...

أولا.. برودة الجو.. لإن الجو البارد بيزود كمية الأكسجين في الجو وبالتالي بيدينا احتراق أفضل بأقل كمية بنزين... وبالتالي قوة الموتور بتزيد .. أو بمعنى أصح بترجع لأصلها.

ثانيا.. لزوجة الزيت الخفيفة بتساعد على تقليل المقاومة الداخلية جو الموتور

عموما... لو حضرتك عندك عداد RPM.. فالقرص على الموتور بيكون لما العداد يعدي 4500 RPM (أو 2/3 مدى التشغيل)

لا أتوقع إن حضرتك بتوصل للمستوى ده.. بالتالي حضرتك ما زلت ما قرصتش على الموتور.

المشاركة الأصلية كتبت بواسطة ahmed_wagih

ايه راى حضرتك فى التغير اللى جاى استمر على امسويل ولو الاجابة بنعم لو استخدم تخليقى 100% وانا بفضله بصراحة اتضر استخدم 5w50 لان اللى بستخدمة دلوقتى 5w30

او استخدم امسويل بردة نصف تخليقى اللى هو تقريبا xl 10w 40 واغلب الناس بتقول ان العداد بتاعى كبير ولذوجة 30 قليلة علية ( عارف اننا اتعلمنا منك انه مش بالكيلوهات علشان متتعصبش ) بس انا شارى العربية مستعملة تقريبا كانت عاملة 136 الف
وبالتالى معرفش اللى قبلة كان استخدامة اية وبيستخدم اية

ملحوظة الزيت عندى الحمد لله مش بينقص

معلش طولت عليك تعبينك معانا

حسب الاستخدام اللي حضرتك بتوصفه... ما زلت شايف إن لزوجة 5W-30 مناسبة لحضرتك أكتر من 5W-50

وما تحطش موضوع الكيلومترات ده في دماغك ما دام الموتور مش بياكل زيت...

ادخل على الموضوع ده لمعلومات أكتر..
https://www.nilemotors.net/Nile/477071-100.html (أسطورة الـ100 ألف كيلومتر... هل لها أصل؟؟؟)

توصياتي دايما هي...
اشتري الزيت اللي يحقق طلبات الكتالوج وتستريح معاه ومناسب لميزانيتك وتتوقع إنه يكون موجود باستمرار .. لإن التغيير المستمر بيقلل من جودة الزيت الجديد.

ولو آمسويل ريحك أكتر.. خليك معاه.

...

**borio1704** · 05-01-2019 04:25 PM

المشاركة الأصلية كتبت بواسطة fiercedragonn

السلام عليكم
انا صاحب الموضوع الاصلي
افكرك بنفسي عندي دايو لانوس 2006 ماشية 35 الف كيلو بس ، مشاويري خفيفة جدا،
انا بالاسكندرية
كنت نصحتني باستخدام زيت زي شيل الترا كل 6 شهور مع تغيير الفلتر في كل مرة
السؤال
مع زيادة الاسعار هل ممكن تنصحني بكيفية تقليل التكلفة قليلا
مثلا زيادة مدة التغيير
او الفلتر كل مررتين
او تغيير الزيت بسعر اقل
او ....او .....
ممكن حضرتك تنصحني بعدة اختيارات للتكلفة بالترتيب حتى اختار ما يناسبني

أهلا وسهلا بحضرتك...
أكيد فاكرك.. وافتكرت التفاصيل بعد ما راجعت النقاش في الموضوع هنا...

طبعا من ضمن أسس اختيار الزيت المناسب هو موضوع السعر.. والحمد لله إن الكتالوج مدينا اختيارات كتير نقدر نختار منها...

قدامنا طريقتين لتقليل التكلفة..

إما إننا نستخدم زيوت عمرها طويل (لمدة سنة).. أو اختيار زيوت أرخص..

الاستراتيجية الأولى معناها إننا ممكن نستخدم زيوت أغلى شوية (للاستخدام لمدة سنة) بس لو قسمنا السعر على ٢ (على أساس التغيير مرة كل ٦ أشهر زي الأول) هيطلع السعر أقل.. وما تنساش إنك كمان هتوفر سعر الفلتر.

الزيوت اللي تنفع معاك هنا قليلة جدا ويكاد يكون مفيش غير زيت آمسويل سجنتشر في السوق.

الاستراتيجية التانية إننا ندور على زيوت أرخص تحقق متطلبات الكتالوج.. ونغير كل ٦ شهور...

غالبا هنروح لماركات أرخص
أو
لزيوت نصف تخليقية
أو
لزيوت معدنية

هنا فعلا الاختيارات كتير ولازم حضرتك تساهم بنفسك في جزء من الاختيار.

الطريقة دي طبعا ممكن توفر معانا ١٠٠-٣٠٠ جنيه في المرة الواحدة... حسب اختيارك

بس ما تنساش إن غالبا لو رحنا لزيوت معدنية (اللي فيها أكتر توفير في الفلوس) هيزيد معاها استهلاك البنزين.. ده غير التأثيرات التانية على عمر الموتور على المدى الطويل.

لو حبيت تستمر على استخدام زيوت تخليقية بس أرخص.. فأنصحك بواحد من دول:

زيت آيسن بلزوجة 5w-30

زيت التعاون coop1 بلزوجة 5w-40

زيت مصر فينكس بلزوجة 5w-40

كلهم مستوى أداءهم api sn

لو حابب الزيوت النصف تخليقية

أنصحك بزيت كاسترول ماجناتك بلزوجة 10w-40

أو زيت شيل هيليكس hx7 (الأزرق) بلزوجة 10w-40

الزيتين دول بردو مستوى أداءهم api sn

الزيوت المعدنية مفيش في مصر منهم زيوت بنفس المستوى.. لكن فيه منها زيوت كويسة تنفع معانا.. زي:

زيت التعاون xpl-sm بلزوجة 20w-50...
ده أحسن زيت معدني في مصر.. ومستوى أداؤه api sm

بعد كده عندك كذا زيت بمستوى أداء sl (أقل من sm).. زي:

زيت موبل سوبر ١٠٠٠ xhp بلزوجة 20w-50
زيت كاسترول gtx بلزوجة 20w-50
زيت التعاون xpl-sl بلزوجة 20w-50

في جميع الأحوال... لازم حضرتك تتأكد بنفسك من مستوى الأداء المكتوب على علبة الزيت.. وساعتها ممكن تلاقي زيوت تانية تنفع معاك وأنا ما ذكرتهاش.

المهم كمان إنك تختار الزيت اللي ممكن تلاقيه في السوق بسهولة ومضمون كمان تلاقيه لمدة طويلة.

وأنا تحت أمرك في أي سؤال.

...

**borio1704** · 07-01-2019 07:34 AM

المشاركة الأصلية كتبت بواسطة fiercedragonn

شكرا جدا على اهتمامك
اين اجد زيت امسويل سجنتشر موثوق فيه
انا في اسكندرية

سؤال كمان
ايه رأي حضرتك في زيت everest

بالنسبة لزيوت آمسويل.. ليهم موزعين في اسكندرية.. وأعتقد الأستاذة Samah AbdAllah هنا في المنتدى ماسكة توزيعه في اسكندرية.. وبيوصلوه لحد البيت.

وتقدر تعرف أكتر لو تواصلت معاهم في صفحة الفيسبوك دي..

https://www.facebook.com/groups/1663761740579490/

أما بالنسبة لزيت إيفيريست... فمعرفش حاجة عنه قبل سؤال حضرتك...

بعد ما دورت في النت عرفت إنه زيت تبع شركة أمريكاني صغيرة خالص (أقل من 50 شخص) اسمها US Global.. ده معناه إن احتمال إنك تلاقي الزيت تاني المرة الجاية صعب جدا... لإن غالبا الزيت ده جاي السوق مرة ومش هتلاقيه تاني.

ما أنصحش بيه إلا لو ما لقيتش غيره أو عند الضرورة.