سيب عربيتك شوية !!! (وائل عطية)

**وائل عطية** · 08-08-2007 12:22 PM

لأ أنا مش عايز كل واحد يوافقني وخلاص :lol: لأ عايزين ننفذ
والله هاتدعولي لو جربتم
أنا عارف إن الموضوع صعب بس لازم شوية مثابرة ، يعني فعلاً زي ما كريم منير بيقول الواحد اكتسب مهارات جامدة في السواقة بس نسي مهارات المشي ، أنا كنت أنزل من العربية وعايز أعدي طريق أبص على المرايات الجانبية ماالقهاش :lol: الواحد يمشي شوية يلاقي رجليه عمالة تخبط في بعضيها...الحاجات دي يمكن مش حاسين بيها قوي دلوقتي بس تأثيرها هايبان مع التقدم في السن
ياريت نحاول تنفيذ فكرة ترك العربية يومين على الأقل لما الجو يتحسن شوية .

**Nader** · 08-08-2007 12:27 PM

الواحد كان بيدعي ربنا انة يرحمة من المواصلات وقرفها يبقي لما تيجي العربية مركبهاش واروح للمواصلات تااااااااني . لأ لألأ والف لأ :D . بس ممكن نقول ان لما تروح تشتري حاجة من مكان قريب تسيب العربية وهي تعتبر رياضة برضة انما اكتر من كدة صعب.

**وائل عطية** · 08-08-2007 12:35 PM

يانادر أنا ماقولتش تسيبها على طول أنا قلت يومين بس في الأسبوع ..أنا معاك إن المواصلات مقرفة جداً بس لو اتنفذت الفكرة دي هايبقالها مردود إيجابي جداً على الصحة العامة للجسم

**Nader** · 08-08-2007 12:40 PM

يانادر أنا ماقولتش تسيبها على طول أنا قلت يومين بس في الأسبوع ..أنا معاك إن المواصلات مقرفة جداً بس لو اتنفذت الفكرة دي هايبقالها مردود إيجابي جداً على الصحة العامة للجسم

وازمة المرور والتلوث وازمة الطاقة و.وو. طيب الجمعة والسبت اجازة ممكن الواحد يروح النادي او اي جنينة مع لصحابة ويلعبوا كورة مثلاً او اي حاجة فيها حركة، ارحم من المواصلات.

اما المعندهوش مشكلة مع المواصلات فيسيب عربيتة

**Abdallah** · 11-08-2007 05:58 PM

اوقات كثيرة بستغنى عن العربية وبسيبها مركونة وبنزل مشى او مواصلات, لا انكر بالفعل ان الكرش والام الظهر بالطبع موجودة ولله الحمد ولكن انا فى طريقى بمشيئة الله للانفصال عن كرشى العزيز لانه شىء غريب فعلا ان الواحد يبقى شاب عنده 27 سنة وكرشه قدامه زى البودى جارد , دة غير الثقل والتعب والخمول المبالغ فيه.

**وائل عطية** · 11-08-2007 06:11 PM

المشاركة الأصلية كتبت بواسطة Abdallah

ولكن انا فى طريقى بمشيئة الله للانفصال عن كرشى العزيز لانه شىء غريب فعلا ان الواحد يبقى شاب عنده 27 سنة وكرشه قدامه زى البودى جارد .

ههههههههههههههههههههههههه هههههههههههه
:lol: :lol: :lol: :lol: :lol:

**mido777** · 12-08-2007 11:37 AM

معاك حق فعلا يا أ/وائل

الفترة اللى بعت عربيتى فيها وكنت فى انتظار استلام عربيتى الجديده حوالى 3 شهور

كنت بمشى وبتحرك كتير ....والموضوع ده عجبنى جدا وخصوصا انى رياضى وكان ابتدى يطلعلى الكرش المحترم...

ولما استلمت العربيه طبقت نفس النظام بقيت لما اروح الشغل اركن العربية فى مكان بعيد شويه وكمان لما اروح بركنها فى الجراج وهو بعيد عن بيتى شويه

**goodwave** · 12-08-2007 12:12 PM

السلام عليكم

والله موضوع حلو! انا بقى علشان لسة جديد في ركوب العربييات فالموضوع مش فارق اصلي متعود على ركوب المواصلات لفترة! وايضا لاني ببقى متوتر جدا في الزحمة وعلشان كدة ممكن اركن العربية على بعد 1 كم متر وانزل امشي لو المكان اللي رايحة زحمة جدا. كمان انا ساكن في العجمي وشغلي في وسط البلد ولو حنزل وسط البلد تاني بعد الظهر مع الجماعة او الاصدقاء فبركن العربية الصبح واروح الشغل في المواصلات وبعد الظهر انزل بالعربية. واساسا انا عامل يوم او اتنين في الاسبوع انزل من غير العربية بس تصدقو النهاردة نزلت وكنت ناوي اروح الشغل مواصلات ففضلت واقف مستني 5 دقائق فقط

وبصيت للعربية تحت البيت وقلت ما بدهاش والمفتاح في جيبي ويالا.

بالنسبة ليا انا التطور جه بالعكس يعني بعد الجواز اهملت الرياضة وحركتي بقت قليلة والكرش ظهر والحمد لله وكانت السيارة هي التطور الطبيعي لحالة الكسل وقلة الحركة!!!

اللي عندة برنامج رياضي جميل كدة ودمة خفيف يا ريت يدلنا علية

-

-

الموضوع: سيب عربيتك شوية !!! (وائل عطية)

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

-

المواضيع المتشابهه

توسط في كل شيء !! (وائل عطية)

10 نكت !! (وائل عطية)

زفـــــــــة ..!! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة