الموضوع: سيب عربيتك شوية !!! (وائل عطية)

في فكرة حلوة بالنسبة لموضوع ممارسة الرياضة أنا فكرت فيها وياريت لو حد عنده اقتراح يقوله:
أنا فكرت أجيب مشاية عندي في البيت بس مش عارف هاتبقى عملية ولا الواحد هايستخدمها شوية وبعدين يزهق، بس أنا شايف إنها حل عملي معقول خصوصاً مع الكسل بفعل الإرهاق الناتج عن الشغل وتفضيل الواحد فينا إنه يقعد مع أولاده
إيه رأي حضراتكم؟

السلام عليكم

شوف يا استاذ وائل فكرة المشاية الرياضية دي مش وحشة بس لو كانت في الجيم او النادي لكن في البيت لا والف لا!

انت فكرت بعقلك في الرياضة والنشاط لكن اسمحلي الكسل والكرش هو اللي فكر في طريقة الممارسة! مشاية في البيت يعني الاتي:

1- اقوم براحتي وامارس الرياضة عليها وقت ما احب. يعني 10 دقايق وبعدين راحو وبعدين 15 دقيقة وبعدين راحة وبعدين التليفون يرن وبعدين اريح على الكنبة المريحة اللي عندي وبعدين شوب عصير حلو منعش وبعدين كفاية النهاردة! صح؟؟؟

في النادي او الجيم حتلاقي ناس حواليك حتشجعك وممكن تاخد زميل يمارس الرياضة وتساعدوا بعض في العد وفي التشجيع ومش عيب قليل من المنافسة في عدد التكرار او إنقاص الوزن.

كمان حتلاقي مدرب يوجهك او واحد بيعمل تدريب حلو حتعمل زية.
كمان انت في الجيم يعني حتتمرن يعني حتتمرن بعيدا عن اي تشتيت وحتلاقي اللي حيثني على ادائك او يوجهك وحتصبح الرياضة عادة او روتين وما احلى هذا الروتين.

ممكن تقولي معنديش وقت اروح الجيم! لأ حتلاقي وقت واقولك على طريقة حلوة قوي لو الجيم بعيد عنك. البس ال Training Suit بتاعك وانزل من البيت وما تتكسفش وخدها مشي بطريقة رياضية او جري حسب مقدرتك إلى ان تصل إلى النادي وبكدة تكون خلصت الاحماء. تدخل على طول على السويدى او شيل حديد باوزان خفيفة والمهم التكرار لإنقاص الوزن وتحسين النفس. نص ساعة "بدون توقف" والسلام عليكم. إستنى بس! خدها مشي رياضي او جري خفيف لحد البيت وانت راجع. لية؟ علشان تفك اي شد او تقلصات من التمرين. الحمد لله وصلت البيت خد دش وشوية فاكهة ونام وابقى شوف النشاط اللي بيزيد كل يوم.

طريقة اخيرة ومعلش طولت! أخواننا الملتزمين (جعلنا الله منهم) الذين يقومون لصلاة الفجر. بعد انتهاء الصلاة وختمها والخروج من المسجد, حنكون لابسين ال training suit بتاعنا ونطلع نمشي بطريقة رياضية او نجري شوية حوالي نص ساعة وبعدين نرجع البيت وناخد دش ويالا على الشغل تبقى مليت الرئتين بأنقي هواء ممكن تتنفسة في اليوم كلةز دة مش كلامي! ربنا سبحانة وتعالى بيقول "والصبح إذا تنفس".

بالتوفيق

ألف شكر على الطريقة الهايلة دي
بس للأسف عملت والله زي مانت كتبت بالظبط وانتظمت شوية في الذهاب للجيم (من باب النشاط والصحة العامة) بس ماقدرتش أكمل بسبب الكسل، يعني دفعت الاشتراك 120 جنيه وماروحتش إلا 6 مرات،
للأسف الحكاية عايزة شوية عزم

فكرة جميلة

بالعكس انا بستمتع اني اخرج من غير العربية احيانا و مبتبقاش فارقة معايا اوي لأن تعب المواصلات بيبقي ادامه تعب الاعصاب بتاع السواقة في شوارعنا (الجميلة)!

ساعات لو رايح حتة قريبة و مشوار واحد بسيب العربية .. و ساعات اركن العربية في حتة وامتشي شوية

المشاركة الأصلية كتبت بواسطة electroman

5 _ بيغنيك عن وجع القلب و الخلافات و المناكفة مع باقى الاعضاء و المشرفين الحلوين ( و لو ان الحالة ديه متنطبقش عليك قوى !)

اخيرا نسيبى العزيز ابو على مبسوط و مستريح قوى من ساعة ما رفدوه ( !!! ) من المنتدى و بيقوللى انه بيستفيد من وقته احسن من الاول و استريح من وجع الدماغ
وو جع القلب اللى مفيش منه فايده و بيهديك سلامه ..

أولاً الله يسلمك ويسلم أبو على ..وأنا تليفوني مُتاح وياريت لو يكلمني ..أو تديني تليفونه وأنا أكلمه
ثانياً أنا شايف إن في تلميحات مش في محلها
يا أخي الفاضل إحنا بتحكمنا قواعد وقوانين تنطبق على الجميع