رقم العضوية : 207485
تاريخ التسجيل : 22Jan2019
المشاركات : 1
النوع : ذكر
الاقامة : سوهاج
السيارة: لا يوجد
السيارة[2]: نيسان صني 2015
الحالة :
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
خدها قاعدة دايما في التعامل مع عربيتك... أنسب حاجة هي المكتوبة في كتالوج عربيتك.. لإن أحسن واحد عارف عربيتك هو اللي عملها
ومفيش حد عاقل يبيع بضاعة وبعدين يوصفلك حاجة تبوظ بضاعته وتبوظ سمعته...
بالنسبة لزيت للموتور ...
الكتالوج بيوصفلك زيت بمواصفات محددة.. اشتري أي زيت يكون مطابق للمواصفات المطلوبة في الكتالوج..
والمواصفات في الكتالوج بتبقى حاجتين: مستوى الأداء... واللزوجة
والكتالوج عندك طالب التالي:
مستوى الأداء:
أي زيت مستواه مطابق لمواصفة API SJ أو SL أو SM أو SN
أو مطابق لمواصفة ILSAC GF-2 أو GF-3 أو GF-4 أو GF-5
اللزوجة:
تقدر تستخدم أي لزوجة من دول لإنهم كلهم بيشتغلوا في درجات الحرارة بتاعتنا:
0W-20
5W-30 , 5W-40
10W-30 , 10W-40 , 10W-50
15W-40 , 15W-50
20W-40 , 20W-50
طبعا كده هنتوه خالص...
فعلشان نسهل الموضوع.. لازم نعرف كام حاجة من حضرتك علشان نقدر نختار صح....
يا ريت تقوللي:
1- أسلوب استخدامك للعربية (هل بتستخدمها طول اليوم ولا مجرد بتروح الشغل وترجع منه .. ولا مركونة وبتستخدم على فترات)
2- طريق تحميلك على العربية (هل بتحب تقرص عالموتور؟؟ بتحمل أوزان كتير في العربية؟؟ بتمشي في مناطق جبلية أو بتطلع مرتفعات مثلا؟؟)
3- ميزانيتك كام؟؟؟ (عايز تصرف قد إيه سنويا على الزيت؟؟؟)
4- إيه ماركات الزيوت المتاحة قدامك بسهولة؟؟
بناء على ردود حضرتك إن شاء الله نوصل لأنسب حاجة تمشي معاك..
على فكرة.. موضوع الكيلومترات اللي ماشياها العربية ده ما تحطوش في دماغك لإنه مش معيار في اختيار الزيت..
ولو عايز تعرف أكتر عن زيوت السيارات .. أنصحك تدخل على المواضيع دي:
القواعد الذهبية لاختيار زيت العربية.... موسوعة مبسطة لأساسيات زيوت المحركات
إزاي تختار لزوجة زيت الموتور المناسبة لعربيتك؟؟؟
أسطورة الـ100 ألف كيلومتر... هل لها أصل؟؟؟
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المفضلات