زيت لمتسوبيشى لانسر 2015

**miam0502788391** · 11-02-2019 09:02 PM

عاوزأعرف اللزوجة المناسبة لسيارة متسوبيشى لانسر موديل 2015 عامله 15.000 كيلو متر

**borio1704** · 14-02-2019 07:27 AM

طبعا إحنا عارفين إن اللزوجة بس مش هي المواصفات... وكامل المواصفات بنعرفها من كتالوج العربية:

دي صورة مواصفات الزيت من كتالوج اللانسر "شارك".. تقريبا مفيش اختلاف بينها وبين اللانسر الموديلات اللي قبل كده لإنه تقريبا نفس الموتور.

حسب الصورة... المواصفات كالتالي:

مستوى الجودة:
مطابق لمستوى API SG أو أعلى (يعني ممكن تستخدم SG أو SH أو SJ أو SL أو SM أو SN بالترتيب من الأسوأ إلى الأفضل)
أو
واخد تصنيف ILSAC أياً كان (يعني يكون مكتوب عليه GF-1 أو GF-2 أو Gf-3 أو GF-4 أو GF-5.. أي واحد فيهم يمشي)
أو
واخد تصنيف ACEA لسيارات البنزين.. (يعني يكون مكتوب عليه A1/B1 أو A3/B3 أو A3/B4 أو A5/B5.. أي واحد فيهم يمشي)

اللزوجة:
الموضوع مفتوح عالبحري .. وتقريبا تقدر تستخدم أي درجة لزوجة:
20W-40 , 20W-50
15W-40 , 15W-50
10W-30 , 10W-40 , 10W-50
0W-20 , 0W-30 , 5W-30 , 5W-40

اللزوجات اللي في السطر الأخير فقط علشان تستخدمها لازم الزيت يبقى واخد مستوى جودة محدد وما يقلش عنه:

واخد تصنيف API SG على الأقل زي ما شرحنا قبل كده (و) واخد تصنيف ACEA لسيارات البنزين زي ما شرحنا قبل كده..

يعني من الآخر لو هتستخدم لزوجات خفيفة لازم يبقى زيت تخليقي بالمواصفات دي.

طبعا الاختيار كده واسع جدا جدا... ولكن لو العربية استخدامها مفيهوش تحميل أو قرص على الموتور.. فالأفضل بدون شك هو استخدام لزوجات خفيفة.

يا ريت تقوللي إيه طريقة الاستخدام المتوقعة والميزانية وإن شاء الله أساعدك في اختيار الزيت المناسب.

...

**Tarek_82** · 26-02-2019 06:57 AM

استاذنا العزيز......borio....انا عندى تاكسي b y d ...f3 موديل 2013 ...اللى. كانت عليها المكنة المتسوبيشي......انا.بغير للعربية زيت total enio 5w_30 ...ابو ٦٣٥جنيه......عندى سؤالين......اولا استاذنا هل الزيت. دا تخليقي. بالكامل. ولا. لا؟؟.....ثانيا ..الفنى. بيقول. ان. المهندس. بيقول يتغير على 13 ألف كيلو.......فهل. دا صح.....ولا. امشى. عليه. اكتر. ولا. اقل؟؟؟؟........مع العلم. ان. كل. شغلى وحركتى بالعربيه..بيبقي بعد العشا. بليل. ونادرا لما بنزل. بيها الصبح.....وكمان. شغلى. بيها. بالغاز.....فمباذا. تنصحنى؟.....وايه. رأيك هل استمر على توتال. او. اغير. لمانوول. او. وولف. الالمانى؟؟؟....وربنا يجزيك. كل خير

**miam0502788391** · 05-03-2019 02:53 PM

المشاركة الأصلية كتبت بواسطة borio1704

طبعا الاختيار كده واسع جدا جدا... ولكن لو العربية استخدامها مفيهوش تحميل أو قرص على الموتور.. فالأفضل بدون شك هو استخدام لزوجات خفيفة.

يا ريت تقوللي إيه طريقة الاستخدام المتوقعة والميزانية وإن شاء الله أساعدك في اختيار الزيت المناسب.

...

العربية بتاعة واحد صاحبى لسه شاريها ومعظم استخدامه بره البلد يعنى 70% على طرق و30% جوه البلد
بيمشى هادى مش بيقرص على الموتور
والعربية اتوماتيك

**borio1704** · 05-04-2019 07:17 PM

المشاركة الأصلية كتبت بواسطة miam0502788391

العربية بتاعة واحد صاحبى لسه شاريها ومعظم استخدامه بره البلد يعنى 70% على طرق و30% جوه البلد
بيمشى هادى مش بيقرص على الموتور
والعربية اتوماتيك

يبقى الأفضل يخليه في الزيوت التخليقية الخفيفة..

معظم الزيوت التخليقية في السوق بلزوجة 5w-30 و 5w-40 تمشي معاه مستريح جدا.

كل الموضوع يتأكد إن الزيت مكتوب عليه api sn و acea a3 أو a5.. بس كده

...