مقارنة الأربعة الكبار: كورولا - سيفيك - لانسر شارك - مازدا 3

**civic2009** · 24-12-2008 02:13 PM

المشاركة الأصلية كتبت بواسطة M.Mokhtar

واضح ان الاخ سيفيك داخل يتسفز الناس وبس

الموضوع مش كده عشان مش هتلاقى عربيه فيها كل حاجة
وربنا يباركلك فى عربيتك
بس بلاش عربية اخوك ولا انت مش واثق فى عربيتك؟؟؟

على العموم لو نفسك يطقطقلك بعربيتك او عربية اخوك انا موجود :k48:

بس بلاش ندخل نقول كلام مستفز وخلاص
احنا بنعمل مقارنه وبنتكلم كلام علمى وموزون عشان نوصل لنتائج
مش عشان نوصل اننا نمسك فى بعض

يا بشمهندس Mokhtar يا رات قبل متخش عليا بصدرك جامد كدة

تراجع الحديث من اولة و حتلاقى انى ولا داخل استفز حد و لابتاع و ان الاخ المحترم deploهو البتحدى و طالب يشد و بتاع.

ثانيا انا بعيد و ازيد للمرة المليون ان حكايات التسارع دى تجارب شخصية و ليها ظروفها مش كل من عندة سيفيك حيطلع من الكورولا و لا العكس صحيح

و حعديلك موضوع الطقطقة دة

**M.Mokhtar** · 24-12-2008 02:17 PM

انا شايف ان الموضوع بدا يدخل فى تصارع على مين بيطلع من مين
واحنا مش بنقارن الموضوع ده بس
احنا بنتكلم على 4 عربيات من حيث كل حاجة
سيبكوا من الشد والجرى عشان قليل اوى لما الواحد بيفتح فى الجرى
احنا بنتكلم انهى عربيه انسب واحسن على حسب مميزتها وعيوبها
معلش انا لو مش غاوى جرى مش هفكر فى ولا واحده من دول
ولو غاوى ثبات وغرز يبقى هدخل الامبريزا فى الحوار

المفورض الموضوع ده فى الاخر نوصل لعيوب ومميزات كل عربيه وكل واحد ينقى اللى يبناسبه
مش واحد يدخل يقول مفيش غير سيفيك والتانى يقول كورولا من الاخر والتالت هيقول المازدا لا يعلى عليها
كده مش هنوصل لحاجة

**elmadawy** · 24-12-2008 02:41 PM

من وجهت نظري ارشح
السيفيك
مازدا 3
كورولا
لانسر شارك

**delpo** · 24-12-2008 04:09 PM

المشاركة الأصلية كتبت بواسطة ahmed21015

للكرة الالف
الكرولا افضل من ناحية التجميع اللى بتتكلمو فيها
ومش كل واحد معايا عربيتو يقول انها احسن عربية فى الدنياااااااا
اتكلمو كلام حق يا جدعان

والله يا استاذ احمد لو قريت ردودي قبل كده انا بقول السفك احسن من الكورولا في معظم الحاجات ومقولتش خالص الكورولا احسن عربية .. لكن هيا افضل من نواحي اقتصادية بحتة.

لكن مع احترامي لجميع الاراء الكورولا في التجميع اسرع من السيفيك والمازدا والشارك

**delpo** · 24-12-2008 04:10 PM

المشاركة الأصلية كتبت بواسطة elmadawy

من وجهت نظري ارشح
السيفيك
مازدا 3
كورولا
لانسر شارك

رأي حضرتك يحترم طبعا

وطريقة عرضك لرأيك مريحة حتى للي مختلف معاك في الرأي.

شكرا على مرورك

**delpo** · 24-12-2008 04:14 PM

المشاركة الأصلية كتبت بواسطة M.Mokhtar

انا شايف ان الموضوع بدا يدخل فى تصارع على مين بيطلع من مين
واحنا مش بنقارن الموضوع ده بس
احنا بنتكلم على 4 عربيات من حيث كل حاجة
سيبكوا من الشد والجرى عشان قليل اوى لما الواحد بيفتح فى الجرى
احنا بنتكلم انهى عربيه انسب واحسن على حسب مميزتها وعيوبها
معلش انا لو مش غاوى جرى مش هفكر فى ولا واحده من دول
ولو غاوى ثبات وغرز يبقى هدخل الامبريزا فى الحوار

المفورض الموضوع ده فى الاخر نوصل لعيوب ومميزات كل عربيه وكل واحد ينقى اللى يبناسبه
مش واحد يدخل يقول مفيش غير سيفيك والتانى يقول كورولا من الاخر والتالت هيقول المازدا لا يعلى عليها
كده مش هنوصل لحاجة

بالظبط يا استاذ محمد لكن في ناس مش داخلة تقول ايه الاحسن عشان مميزات وعيوب لا داخلة تقلل من العربيات التانية لان طبعا هو بيكون شاري واحدة منهم لكن انا قولت الكورولا اقتصاديا تتفوق والسيفيك احسن من الكورولا في الثبات والشكل والداخل والمازدا عربية محترمة ومتوازنة في جميع الجوانب والشارك طبعا مش عايزة عكلام على اللانسر في مصر الي بين كل لانسر ولانسر تلاقي لانسر.

انا كان نفسي الناس تقول العيوب والمميزات بدل ما تدخل تقول الكورولا عربية مينفعش تتقارن وواحد يقول السيفك تخيط الكورولا كل ده كلام مبهم من غير وجهة نظر ومعلومات مبني عليه مش كده ولا ايه ؟!

**MaZaGAngeE** · 24-12-2008 08:27 PM

أنا معنديش عربية من الأربعة دول عشان أقدر أقارن
بس مادام فيه ناس عندها العربيات دي يبقى إجنا ممكن نستفيد منهم جدا لو كل واحد فيهم راجع الكتالوج بتاع عربيته و حطلنا هنا المواصفات بتاعة العربية في جدول.
كده و من الأرقام اللي من الشركات اللي صنعة العربيات دي نقدر ناخد كل بند و نقارنه و نحط نقط و في الاخر نجمع النقط دي و العربية اللي تجمع نقط أكتر تكون هيه الأفضل ............

أظن أن كده أسهل و طريقة عملية من الشد و السباقات اللي بتعتمد على فرق السواق أكتر مليون مرة من فرق العربيات
السواقة كيف و مزاج و هواية ( فيه ناس كتير بتسوق عشان توصل من مكان لمكان و ناس تانية أقل منهم في العدد بتسوق عشان السواقة نفسها )

مستني ردودكم على الفكرة دي

**delpo** · 24-12-2008 09:27 PM

والله فكرة حلوة يا استاذ مزاجنجي بس هتوصل لنفس النتيجة لان كل واحد هيحط نقط على مزاجو .

**MaZaGAngeE** · 25-12-2008 12:16 AM

المشاركة الأصلية كتبت بواسطة delpo

والله فكرة حلوة يا استاذ مزاجنجي بس هتوصل لنفس النتيجة لان كل واحد هيحط نقط على مزاجو .

لأن أنا طرف مخايد و نشوف حد كمان معايا هنقوم بتقييم العربيات بتاعتكم بس لازم كل واحد فيكم يعملنا الجدول بامانة
و ده عشان مش كل واحد يحط النقط بمزاجه و بعدين نقعد نشد مع بعض
كل مقارنة نشوف طرف مخايد مع أصحاب العربيات اللي يوفروا المعلومة الموثقة من الكتالوجات الرسمية بتاعة كل عربية

**mbisar** · 25-12-2008 12:48 AM

كورولا موتور قوى ، كماليات رائعه ، استهلاك بنزين اقل ، علوها عن الأرض مفيد فى شوارع مصر ، اعاده بيع افضل سياره فى اعاده البيع قطع غيار ارخص من المازدا و من السيفيك و تقريبا زى الميتسوبيشى او فروقات بسيطه ، شكلها الخارجى فخم جدا ( ازواق )، السياره من الداخل من احلى و اقيم السيارات فى فئتها ، اسم شركه تويوتا صانع السيارات رقم 1 فى العالم ، و كيلها من اكبر توكيلات السيارات فى مصر عشان كده العربيه منتشره اكتر من غيرها و قطع غيارها و مراكز الخدمه منتشره لكل هذا لا اجد مقارنه بين التويوتا و الهوندا و المازدا و الميتسوبيشى طبببببببببببعا تويوتا افضلهم :b4_388: