الموضوع: التأمين ..والحوادث !! (وائل عطية)

بصراحه يا أ/ وائل ملاحظتك دي مش مظبوطه قوي ........ لان حاجه زي كده لازم عشان نثبتها باحصائيات علمية ونبتدي بعد كده نبني عليها افكار من عينة (الناس دي ربنا غضبان عليها وبيعاقبها بالحرام والذنوب اللي بترتكبها) زي ما حضرتك شفت من ردود الاخوه .

يا جماعه أول ما اتفتح موضوع التأمين انا بعت أكتر من لينك لفناوى صادره من لجنه الافتاء بالازهر ولعلماء ثقات بتقول ان عقود التأمين من العقود المستحدثه واستقرت اللجنه الى اباحتــــــــــــــــــــ ـــــــــــــــــها بل و قالو انها من الامور المستحب اتباعها حتى لا يتخلف المسلمون عن استخدام العلوم الحديثه فيما ينفعهم.

وبعدين انا نفسي ان اللي يحرم التأمين يفكر في الموضوع بطريقه أكبر من مجرد عربيه يمتلكها او تأمين لصالح أولاده يعفهم عن السؤال في حاله حدث له مكروه لا قدر الله. فكر بقه في مصنع تكلفته الاف الملايين ويعمل به الاف العمال و بين ليلة وضحاها اصبح هشيما تذروه الرياح ماذا يفعل صاحب رأس المال المسلم .......... هل يقف عند فتوى اصدرها بعض العلماء بدون دراسه وبدون فهم لمستجدات الواقع .

يا جماعه حرام الفكر ده بيهدم اكتر ما يبني ولا فضلنا نحرم وخلاص ها نقف محلك سر والعلم كله بيجري حوالينا وها يفضل حال المسلمين من سيئ لأسوء ...

علم التأمين من العلوم المستحدثه التي لم تكن موجوده في عهد الرسول (صلوات الله وسلامه عليه) ويباح فيها الاجتهاد و يباح لك اتباع الرأي الاسهل والانسب لظروف حياتك ..........

بس بلاش عشان خاطري موضوع ربنا بيعاقبهم ده عشان بيستحلو الحرام ده ............. عشان انا مأمن بس انا الحمد لله براعي ربنا في كل خطوه بعملها وما بعملش حاجه تغضب ربنا أبدا

المشاركة الأصلية كتبت بواسطة Mgio

بصراحه يا أ/ وائل ملاحظتك دي مش مظبوطه قوي ........ لان حاجه زي كده لازم عشان نثبتها باحصائيات علمية ونبتدي بعد كده نبني عليها افكار من عينة (الناس دي ربنا غضبان عليها وبيعاقبها بالحرام والذنوب اللي بترتكبها) زي ما حضرتك شفت من ردود الاخوه .

يا جماعه أول ما اتفتح موضوع التأمين انا بعت أكتر من لينك لفناوى صادره من لجنه الافتاء بالازهر ولعلماء ثقات بتقول ان عقود التأمين من العقود المستحدثه واستقرت اللجنه الى اباحتــــــــــــــــــــ ـــــــــــــــــها بل و قالو انها من الامور المستحب اتباعها حتى لا يتخلف المسلمون عن استخدام العلوم الحديثه فيما ينفعهم.

وبعدين انا نفسي ان اللي يحرم التأمين يفكر في الموضوع بطريقه أكبر من مجرد عربيه يمتلكها او تأمين لصالح أولاده يعفهم عن السؤال في حاله حدث له مكروه لا قدر الله. فكر بقه في مصنع تكلفته الاف الملايين ويعمل به الاف العمال و بين ليلة وضحاها اصبح هشيما تذروه الرياح ماذا يفعل صاحب رأس المال المسلم .......... هل يقف عند فتوى اصدرها بعض العلماء بدون دراسه وبدون فهم لمستجدات الواقع .

يا جماعه حرام الفكر ده بيهدم اكتر ما يبني ولا فضلنا نحرم وخلاص ها نقف محلك سر والعلم كله بيجري حوالينا وها يفضل حال المسلمين من سيئ لأسوء ...

علم التأمين من العلوم المستحدثه التي لم تكن موجوده في عهد الرسول (صلوات الله وسلامه عليه) ويباح فيها الاجتهاد و يباح لك اتباع الرأي الاسهل والانسب لظروف حياتك ..........

بس بلاش عشان خاطري موضوع ربنا بيعاقبهم ده عشان بيستحلو الحرام ده ............. عشان انا مأمن بس انا الحمد لله براعي ربنا في كل خطوه بعملها وما بعملش حاجه تغضب ربنا أبدا

أخي الفاضل وأنا أحترم رأيك ولكن فتحي لهذا الموضوع ليس لأرمي به أحد بأنه عاص لله ولذلك فإن الله يُعاقبه، وإنما قلت في بداية كلامي أنها مُلاحظة استحوذت على تفكير فطرحتها للنقاش
من ناحية أخرى ومع افتراض أن التأمين هناك من يقول بمشروعيته، علينا هنا تذكر حديث رسول الله (ص) مامعناه " الحلال بين والحرام بين، وبينهما أمور متشابهات، فمن اجتنب الشبهات فقد استبرأ لدينه وعرضه "
أنا والله لم أؤمن على عربية امتلكتها والحمد لله ربنا ستر، ومعايا ناس زملائي أمنوا على عربياتهم ومنهم واحد معاه لانسر 2006 ماكملتش شهرين من شرائها وعملت حادثة كلفته 13 ألف جنيه
هذه المواقف أنا عن نفسي آخذها للعظة والاعتبار، وإن كانت لا تمنع أبداً أن قدر المؤمن أن يبتليه الله .

يا جماعه حرام الفكر ده بيهدم اكتر ما يبني ولا فضلنا نحرم وخلاص ها نقف محلك سر والعلم كله بيجري حوالينا وها يفضل حال المسلمين من سيئ لأسوء

اخي الكريم ارجو من سيادتك تقبل كلامنا بصدر رحب

أولا الشرع هو المشرع لنا وليس المواقف هي التي تشرع يعني بمعنى ان مش علشان مصنع كبير وعمال كتير وحاجات كتير وفلوس كتير يبقى نعمل الحرام ولكن الشرع هو الذي يحدد وليست المواقف

ومين قال لحضرتك ان ده هو الحل الوحيد لتأمين بتاع مصر ................... هنالك حلول كتير اسلاميه وشرعيه عن التأمين في مصر ومنها التأمين التكافلي زي ما السعودية بتعمل به ................ ولكن سنة ربنا في كونه انه يكون هناك اتباع للشياطين وأولياء يوحي بعضهم لبعض زخرف القول غرورا .................

وديننا أكبر من ذلك واعمق في فكره وأحسن حافظ للنفس والمال والسكن ............... ولكن توجهنا لغيره هو الذي يفعل بنا ذلك

هل يقف عند فتوى اصدرها بعض العلماء بدون دراسه وبدون فهم لمستجدات الواقع .

وياريت نكون اكبر من اننا نتهم علماء أفاضل بأنهم أصدروا فتاوي بدون دراسة ومستجدات حيث أنه ليس هناك علماء من المسلمين بيألفوا كلام من عندهم ويروحوا يطرحوا كده وخلاص نحن لسنا كغيرنا ممن يشرعوا لأنفسهم حسب وضعهم وموقفهم الحالي
ديننا يوجد به كل شئ وقد قال الله عزو وجل على لسان نبينا محمد صلى الله عليه وسلم في خطبة الوداع :: اليوم أكملت لكم دينكم واتممت عليكم نعمتي ورضيت لكم الأسلام دينا :::

ويا أخي الحبيب هل انت تعرف ان أكل لحوم العلماء مسموم
يعني هل انت على علم انهم علماء ولا يحق لأمثالنا بعلمنا القاصر المحدود ان نتجرأ عليهم بالقول ورمييهم بعدم الفهم وهم أفقهنا علما واكثرنا خشية من الله عزو وجل .................. فبا أخي فقد قال الله عزو وجل :: إنما يخشى الله من عباده العلماء ::

فيا أخي كن حريصا بعدم اتهام أحد من العلماء بعدم الفهم فما أدراك ما دليله واين الحق واين الباطل
فدليل الشرعي لا يؤخذ بانك ترى انا هذا مناسب لنا وللمجتمع فكم منا رأى شيئا مناسبا له واقبل عليه وكان فيه هلاكه وكم منا اعرض عن شئ رأى انه مناسب له ولكن لا يوفق الشرع واكتشف انه خيرا له ................
فكما قلت لك من قبل الشرع والدين هو المشرع لنا اي هو الذي يفرض علينا الاحكام وليست المواقف

اعتقد ان التأمين ضد الحوادث شئ عادى.
لأن التأمين بيغطى تكلفه الحادثه فقط . يعنى مش فى حاله الوفاه لا قدر الله. و طبعآ كلنا عارفين ان التأمين ضد الوفاه هو اللى عليه جدل كبير و حرام أساسآ. و ده أمر مفروغ منه

لكن أعتقد التأمين ضد الحوادث حاجه تانيه و مش هتكلم كتير فى الموضوع ده علشان مش موضوعنا و انا مش ذو خبره علشان افتى...
بس هقول حاجه ضغيره. التأمين ضد الحوادث و السرقه يعتبر تعويض و لو عربيه حضرتك واحد خبطهالك هتخليه يدفع ثمن الخبطه و ده يعتبر تعويض
و لو راكن عربيتك تحت البيت و نزلت مالقتهاش فى مكانها مش هتبقى مبسوط و هتلعن اليوم اللى اشتريت فيه عربيه و اتعلمت فيه سواقه . ( فأعتقد التأمين شئ كويس )

السؤال بقى هنا هل التأمين ليه علاقه بالحوادث و السرقه؟
لأ برضه مالوش علاقه بس هى ظاهره . يعنى تلاقى واحد مأمن على عربيته فبيبقى مستهتر يعنى مايهموش حاجه مادام فيه تعويض من الشركه. غير كده ان لو واحد عربيته اتخبطت و التأمين غطى الحادثه هيقول لكل الناس علشان فرحان انه أمن على العربيه و خبطها بشطارته و مادفعش فيها ولا مليم

لكن اللى مش مأمن مش هتلاقيه اصلآ قدامك لأنه هيبقى مشغول مع السمكرى و التوكيل .

ده رأيى

بص يا أستاذ فوووووووو

التأمين أخذ حق الغير بدون وجه حق

لأنك بتراهن على شئ معين ........... لو حصل ممكن تاخد أكتر من حقك يعني اكتر من الفلوس اللي دفعتهاله او أقل
طيب ولو محصلشي ياخد هو الفلوس دي

طيب ممكن نعرف هو الفلوس أخذها مقابل ايه .........................
مقابل رهان او مقابل وقت وهذا هو الربا .................

وهذا يعتبر من أكل اموال الناس بالباطل


حضرتك التأمين التكافلي علشان نعرف ان الحلال عامل ازاي

بياخد فلوس من مجموعه مامنه علىاي شئ ولكن عند حدوث اي شئ لأحد يروح ياخد الفلوس اللي مدفوعه من الناس اللي مأمنة بس
طيب لو محصلشي حاجه لأحد تروح الفلوس ترجع للناس اللي دفعتها ويأخد منها مصاريف تشغيل المنظمة او المؤسسة فقط اي مصاريف ادارية

احنا بقه مش عارف ليه بنعمل كده في نفسنا مع ان في حلال وكويس وهو يستفيد وانا أستفيد كمان