تقييم شامل لسيارات هيونداى ... من تجارب الأعضاء

**bahereldeeb** · 15-01-2008 04:05 PM

لالا في كمبيوتر وهو لما كشف بالكمبيوتر عمل error وعلى الاساس دا هما غيرو ال sensor .. انا برضو سألت اخوة تانين فقالولي دي ممكن تكون مشكلة IC او كهربا عموما .. احترت والله

**Khalid_Mostafa** · 15-01-2008 04:09 PM

المشاركة الأصلية كتبت بواسطة volcano12

هو هيونداى مافيهاش كمبيوتر أصلا أظن... يعنى مافيهاش زى عندى فى الاوبل و لا النيوبيرا
صح الكلام ده و لا غلط؟

لأ غلط ..كل العربيات الحديثة الي فيها حساسات و إنجيكشن فيها كومبيوتر وبيبقي تحت التابلوه امام المقعد الي جامب السواق ...بيبقي حاجه زي كده

**volcano12** · 15-01-2008 11:03 PM

و منكم نستفيد أصل عمرى ما شوفتهم فى التوكيل ماسكين جهاز الكشف و بيشوفو الاعطال

شكرا على المعلومه :)

**Khalid_Mostafa** · 16-01-2008 08:39 AM

المشاركة الأصلية كتبت بواسطة volcano12

و منكم نستفيد أصل عمرى ما شوفتهم فى التوكيل ماسكين جهاز الكشف و بيشوفو الاعطال

شكرا على المعلومه :)

ايوه هم في التوكيلات التعبانه الي زي غابور بيكتب اول بند في الصيانة "ضبط المحرك إلكترونياً وده المفروض يتم بالكشف عن كومبيوتر السيارة ولكن يظهر ان ده عمره ما بيتم

**volcano12** · 16-01-2008 05:29 PM

المشاركة الأصلية كتبت بواسطة captinhaddok

ايوه هم في التوكيلات التعبانه الي زي غابور بيكتب اول بند في الصيانة "ضبط المحرك إلكترونياً وده المفروض يتم بالكشف عن كومبيوتر السيارة ولكن يظهر ان ده عمره ما بيتم

lol
no comment :)

**shakshak** · 18-01-2008 11:07 PM

يا جماعة انا عندى اكسيل 1996 و العربية عاملة 185000كم بس موتورها مش عاجبنى و مبقتش راضية تعدى ال120 عاوز انزلها موتور جديد اليعرف اماكن تنزيل المواتير و اسعرها ياريت يقولى شكراا اى تظبيط ممكن يتعمل فيها يزود ادائها احب اعرفه برده هو ايه و بيزود الاداء ازاى

**fiatmomo** · 27-01-2008 11:28 PM

المشاركة الأصلية كتبت بواسطة captinhaddok

بص يا كيمو....العداد الديجيتال ده انا الي عامل دايرته وانا الي مركبه والشاشه دي إستاندرد لكل المشاريع و الدوائر الصناعية وفيه منها سطر واحد او سطرين وبالصدفه البحته مقاسها كان مناسب للمكان

اما بالنسبه للعدادات الأنلوج فأنا مبحبش يكون فيه حاجه متركبه علي التابلوه كما ان الرخيص منها بيكون مالوش لزمه لأنه بعطي قراءه غلط غيركده انا حطور الموضوع ده عشان يديني كمان درجة حرارة كبينة الركاب

بسم الله مشاء الله .... بجد دية حاجة تفرح انك تعمل حاجة زى كدة مفكرتش فى مشروع خاص بألكترونيات السيارات .. وتعمل حاجات زى كدة ... صدقنى اضمنلك النجاح ...

**fiatmomo** · 27-01-2008 11:31 PM

وبعدين شكلو حلو ... وانتا كمان بتقول انك ممكن تضيفلة خصائص تانية ..... بجد فكرتك دية عجبتنى جدا

**Khalid_Mostafa** · 28-01-2008 08:16 AM

المشاركة الأصلية كتبت بواسطة fiatmomo

وبعدين شكلو حلو ... وانتا كمان بتقول انك ممكن تضيفلة خصائص تانية ..... بجد فكرتك دية عجبتنى جدا

شكراً جداً علي إهتمامك و فعلاً ..ممكن يضفله حاجات تانيه بشرط وجود السنسور الخاص بها ..انا الأن في مرحلة التصميم لعمل جهاز صغير زي الي موجود في التوكيل و يتوصل علي كومبيوتر السيارة عشان يحلل حالته وحالة اجهزته المختلفة

**fiatmomo** · 29-01-2008 03:19 AM

المشاركة الأصلية كتبت بواسطة captinhaddok

شكراً جداً علي إهتمامك و فعلاً ..ممكن يضفله حاجات تانيه بشرط وجود السنسور الخاص بها ..انا الأن في مرحلة التصميم لعمل جهاز صغير زي الي موجود في التوكيل و يتوصل علي كومبيوتر السيارة عشان يحلل حالته وحالة اجهزته المختلفة

ربنا يوفقق ان شاء الله ..واعتقد دية حتكون فكرة هايلة جدااااااا

انا كنت شوفت مرة على احد القنوات الفضائية فى برنامج مختص بالسيارات جهاز صغير بيتوصل على كمبيوتر السيارة .. الجهاز دة من خلالة ممكن تتحكم فى مدى ضخ الوقود للمحرك .. والى عرفتة ان الجهاز دة عبارة عن كمبيوتر .. ممكن من خلالة التحكم فى اسلوب ضخ الوقود .. لما للحصول على قيادة رياضية .. على حساب استهلاك البنزين ... او التوفير الشديد فى استهلاك البنزين على حساب قدرة الخرج ( طبعا فى حدود معينة ) .. والجهاز دة بيتباع فى الامرات .. وهو اساسا متصنع فى جنوب افريقيا والى فهمتة ان الى مصنع الجهاز دة شركة صغيرة فى جنوب افريقيا ... مش مصنع ضخم ولا حاجة .... لو حضرتك تقدر تتخصص فى مجال الكترونيات السيارات وتطور نفسك فى الموضوع دة .. اعتقد انك حتكون اول مصرى يدخل فى المجال دة .... وانا شايف فكرة الار بى ام الى انتا ابتكرتها بجد فكرة هايلة .

ربنا يوفق ان شاء الله .