اخبــــار تخفيـــض اسعار السيارات فى مصـــر

**AshTurbo** · 22-12-2008 11:54 PM

برضو بيلفو و راء كل الحلول من خفض رسوم لتيسيرات قروض بالربا و مش بعيد كمان بكره يطلبوا تقسيط جمارك العربيات اللى هما بيستوردوها
و كمان بيخفضوا من الحصص الاستيرادية بتاعتهم انما ينزلوا سعر العربيات علشان يبيعوا لا و الف لا!!!

لأنهم بيعتمدوا على سذاجة الشعب المصري الشرائية وأنه شعب أستهلاكي بالدرجة الأولى وبيراهنوا بعضهم البعض يومياً أن الشعب حيشتري غصب عنه بالأسعار الغالية لأن عمره ما أتفق على حاجة واحدة ... طيب ... الأيام بيننا .

**pampino** · 23-12-2008 12:01 AM

المشاركة الأصلية كتبت بواسطة myatooooo

يا جماعة فى نقطة مهمة معنى تخفيض الحصص الأستيرادية يعنى زيادة الأسعار محتملة لأن الطلب هيبقى اكتر من العرض و انا رأى انهم بدل ما هيقللو السعر هيقللو العرض عشان الطلب يرتفع ودة نظام فاشل لأنهم بكل بساطة بكدة عمر ما الجمارك هتنزل و لا الرسوم هتقل الا بحلول عام 2010 كما قال السيد الدكتور المحترم بطرس غالى (لا تخفيض لجمارك السيارات و لا الرسوم لعام 2009) ومن هنا السعر هيذيد وفائدة البنوك هتقل الى حداً ما وتبقى هية هية والضرر فى الأخر على المستهلك لا غير

كلامك صح مليون فى المية ... بجد حرام اللى بيتعمل فينا دة

**Terrible_DaRsH** · 23-12-2008 05:23 AM

امال فين سعر الجينسيس ؟

**Ghamrawy** · 23-12-2008 10:47 AM

بس فى حاجة احنا ناسينها و هى العربيات الخليجى و الناس اللى بتجيب خليجى و ساعتها مش حاتفرق حصة استيرادية و لا حتى حصة العاب و لا وكيل و لا غيره

**abzoabzo** · 23-12-2008 11:03 AM

المشاركة الأصلية كتبت بواسطة zizo

طيب ما الاسعار زى ماهيه

كونت هاقولها

**girgis3510** · 23-12-2008 11:22 AM

يا جماعة اسعار السيارات مبالغ فيها بشدة وكمان الوكلاء بيستهبلوا فى الاسعار ودة بصراحة حصل لعدة اسباب منها
(1) تسهيلات البنوك
(2)وجود طلب قوى من المستهلك المصرى اللى محروم من سلعة اساسية( السيارة)
والايام اللى جاية انا حاسس انة على الاقل الوكلاء هايخفضوا هامش الربح ده ان ماكانش فيه تخفيضات جمركية بسب الازمة العالمية ومحاولة الدول تنشيط التجارة فيما بينها بازالة العوائق الجمركية

**Ghamrawy** · 23-12-2008 04:40 PM

منقول عن موقع يهتم بالسيارات

اقتصادي سعودي : الوكلاء يتعاملون مع الأزمة بتعالٍ
22/12/2008 04:26:39 م

قال الاقتصادي السعودي فضل البوعينين إن وكلاء وموزعي السيارات في الولايات المتحدة باتوا يقدمون عروضاً تسويقية كبيرة مثل "اشتر سيارة وخذ الثانية مجاناً" على عكس منطقة الخليج والشرق الأوسط.

وأضاف البوعينين : "أنهم (الولايات المتحدة) تعاملوا مع الواقع لمعالجة مشكلة تكدس السيارات في المخازن بعكس وكلاء السيارات عندنا فهم يتعاملون مع الواقع بتعالٍ، فكلنا شاهد أزمة السيارات تصل إلى دبي ومن الطبيعي أن تنتقل إلينا وبالنهاية ستنخفض قيمة السيارات لدينا لعدة أسباب".وذلك حسبما ذكرت صحيفة "الجزيرة" السعودية.

وأوضح الخبير السعودي الأسباب قائلا : "المنتج في بلده الأصلي انخفضت قيمته كما أن تكدس السيارات في المخازن يشكل ضغطاً نفسياً على وكلاء السيارات، خاصة أننا في نهاية العام وأي تأخير في خفض الأسعار سيسبب مشكلة، وأخيرا القوة الشرائية في الوقت الحالي أضعف مما كانت عليه، لذلك الطلب سيقل على السيارات، فإذا لم يخفضوا الأسعار ونظروا إلى أن هذه الأزمة غير مؤثرة فسيتضررون كثيرا وسينكشفون".

وتوقع البوعينين انخفاض أسعار السيارات يف السعودية 30%، "وإلا فالمستهلك السعودي سيتجه إلى الأسواق المجاورة بحثاً عن أسعار أقل أو أفضل".

واضح ان التجار كلهم من دم واحد بس اكيد حايجى يوم و عامود "تفاليس" تحت الاعلانات المبوبة فى الجرايد القومية حايبقى مليان بوكلاء السيارات فى مصر

**sherif Anton** · 23-12-2008 08:14 PM

المشاركة الأصلية كتبت بواسطة myatooooo

يا جماعة فى نقطة مهمة معنى تخفيض الحصص الأستيرادية يعنى زيادة الأسعار محتملة لأن الطلب هيبقى اكتر من العرض

بالعكس ... الفترة القادمة هي فترة قاتلة للتجار لأنه سيكون هناك نقص شديد في الطلب (وركز معايا في كلمة شديد دي) وذلك للأسباب التالية:

- تراجع دعم البنوك بدرجة كبيرة جدا لمواضيع التسهيلات البنكية وخاصة للسيارات

- نقص السيولة نتيجة لاسباب عديدة (منها على سبيل المثال انهيار البورصة ... وايضا فقدان العديد من وظائفهم خاصة في مجال السياحة ... والبقية تأتي)

بصراحة ربنا يكون في عوت التجار في المرحلة القادمة لأنهم هينطحنوا بجد ولو فضلوا يحلموا بالمكاسب الخيالية اللي كانوا بيحققوها في الماضي هيصحوا على كابوس الانهيار والافلاس