الموضوع: اخبــــار تخفيـــض اسعار السيارات فى مصـــر

المشاركة الأصلية كتبت بواسطة wawoo

لو جت على 10% مقدور عليها
انما الحقيقة اسعار السيارات حتنهار زيها زي اسهم البورصة بالضبط , يعنى حتشوف انخفاضات اكتر كمان من 50% , و محدش يهتم كتير بعناد الوكلاء و الموزعين الان , لانهم بيحولو يحفظو قدر الامكان على الاسعار الحالية لاطول وقت ممكن, لكن للاسف دة مش حيستمر كتير , يكفى انك تشوف توكيل واحد يبداء يخفض الاسعار و حتلاقى باقى الشركات تبداء فى التخفيض و تنهار الاسعار فى جميع المودلات على التوالى , للاسف الازمة العالمية حتاكل الاخضر و اليابس فى مصر و محدش حيقدر يقوف امام الطوفان , و مهما كانت المحولات حاليا مستميتة للحفاظ على الاسعار فى محاولة لاسترداد بعض السيولة اللى فقدت فى المخزون الحالى , لكن الوضع مش حيستمر كتير , و كل تاجر عاوز سيولة عشان يستمر فى السوق .

كلها اسابيع و يبداء التجار و الوكلاء بتخفيض قليل فى البداية , ولحقا حيكون البيع عشوائى و حتشوف التجار بيبيعو بخسائر كمان عشان يرجعو اى سيولة ممكنة , و تخيلو بقى لما الوكلاء والتجار يتنفسو على سوق بينهار اساسا , حتشوف اسعار عجب , وللاسف ممكن كتير من التجار ينسحب من السوق فى الوقت دة , و دة مش حيكون بمزاجهم انما بسبب انهيار السوق او انهيار السيولة اللى معاهم .

يا جماعة بوصو حوليكم الشركات العالمية بتنهار , خسائر تويوتا حوالى 4 ملياردولار حتى الان و احنا ليسة فى بداية الازمة , للاسف القادم اسؤء بكثير من توقعات اقل المتفائليين , و مش حيصمد فى هذة الازمة الا اصحاب النفس الطويل و اللى عندهم استعداد يتحملو خسائر لمدة طويلة .

و مش سوق السيارت بس اللى حياثير دة سلع كتير كمان , هو كلها اسابيع و تبداء نحس فعلا بوطء الازمة على الاقتصاد المصرى , و وقتها حتى السيارة مش حتكون حتى من اولويتنا , ربنا يسترها معنا .

هو دة الكلام المنطقي الوحيد اللي انا اصدقة....
وياريت محدش يفكر في الشراء قبل 3 شهور من الآن

طبعا لا يوجد اى اعتراف من الشركات اوالوكلاء بحدوث اى نزول فى الاسعار بالعكس توجد فكرة تروج لذيادة الاسعارعلى اساس ان البضاعة سوف تشح و بالتالى سوف تزيد التكلفة طبعا دة كلام فارغ بسبب الاتى :
يوجد خبرين تم نشرهم من شركة تويوتاعلى سبيل المثال تعالى نقراهم بتمعن شوية :

الاول يقول ان تويوتا قامت بغلق بعضا من مصانعها وان باقى المصانع تعمل وردية واحدة اى اعمال ادارية فقط وليست تصنيع (1)

الثانى يقول ان تويوتا تطمح الى بيع حوالى 9 مليون سيارة للعالم فى 2009(2)

من1 و 2 نستنتج ان ال9مليون سيارة تم تصنيعهم فى النصف الثانى من 2008 لتوزيعهم على العالم قبل حدوث الازمة

وطبعا تويوتا طلبت من وكلائها استلام الانتاج الخاص ب2009 بالسعر الجديد المخفض وطبعا الطماعين طلبوا مهلة لبيع اكبر عدد من2008 بالسعر القديم قبل الطوفان وليكن حتى شهر 2 او 3 2009 وطبعا تويوتا وغيرها بتحاول تساعد وكلائها ولكن لحدود وعند نقطة معينة لازم تطلع ال9 مليون سيارة الى السوق بالسعر الجديد عشان تحصل سيولة وعشان العربيات ما تصديش

يبقى المطلوب الصبر الاسعار نازلة نازلة

كلام منطقي و يا رب يتم

المكان : اهرام الجمعة
الزمان : 26/12/2008
المعرض: اوتو كريم عبدة
سيراتو 85500
ريو 77900
بيكانتو 58900
ياريس 84500
لانوس 65500
فيرنا 63990
بونتو 68980
التو 42990

اية رايكم نتكل على اللة و لا لسة هنشوف اسعار احلى من كدة .

بداية كويسة ولونها مش زى ما كنا نتمناها ..
بس لسه كتيررررررر مش دى طبعا الانخفاضات اللى منتظرنها ..
على الاقل 10 الاف جنيه ودى هتكون البدايه الصح وساعتها الواحد يتكل على الله ..
فى اوروبا اى حد يسكن فى مدن شركات السيارات بياخد عربية هدية وحسب ما يختارها كمان .. وفورد عاملة عرض اى حد يشترى عربية ياخد واجدة تانيه مجانا ....
يبقي احنا نكون واقعيين ونقول على الاقل 10000 جنيه بداية وليست نهاية الانخفاضات فى الاسعار ومحدش ينسي جشع التجار السابق ..